Hibriyu 12:1 - Hanunuu

¹ Naglibut sa kanta ti aduk pag tawu manga maghiling. Nakan pagtayaki yi nita tunda pag manga buwat mag-ampara sa kanta pagsunud lalu hanggan una hintay pag kasalanan magsambur. Pangungud yi kita sa kanta maglakaw sa dalan inalistu Panginuun.

Hibriyu 12:1 Iomraidhean Croise

Hub 8:10

Patingihi sida, ag itudlu nida sa kanmu kanda magkaalaman.

Kanta 18:23

Alam nimu unman may ikasabi kang buhi, pag-amanan niku ti kadautan.

Isayas 60:8

Magbiyahi ti manga barku ga manga rurum maglayang ag ga manga kalapati atabug sa kanda itlugan. Tunda pag manga barku kay apu ginan sa arayu rugar, magsarig sa Panginuun. Pangunahan sida manga barku Tarsis hampay itibu kanmu manga nasakupan pauli ginan sa arayu pag rugar. Mandara sida manga gintu ag pilak para sa Panginuun niyu Diyus, ti Banal pag Diyus Israil, dahil kawu kay pagkilalahun.”

Isikil 38:16

Girahun nimu kang nasakupan manga Israilita parihu sa rurum magsangput sa kanda. Hu, Gug, ipagira niku sa kanmu kang banwa, hampay sa panab-anan nimu maipakilala niku sa manga nasyun kang kabanalan. Bag-u maalaman nida aku ti Panginuun.”

Isikil 38:9

Kawu hanggan kanmu manga sundalu, ag kanmu kaibahan manga nasyun, man-gira sa Israil ga bagyu, ag palibutan niyu inda parihu sa pagsangput rurum.”

Matiyu 10:22

Kagalitan aban kamu tanan tawu dahil sa kanyu pakiusa sa kangku. Dapat tigpakarig-un hanggan tugka sa katapusan imaw ti maribri.

Matiyu 24:13

Dapat tigpakarig-un hanggan tugka sa katapusan imaw ti maribri.

Markus 10:50

Tinayakan ni Bartimiyu kay kulimpay, tinmindug madali ag nag-atag sa kan Hisus.

Lukas 12:15

Bag-u sinabi niya sa kanda, “Pag-ingat gid kamu, pag-aman kamu agud kanyu tagipusuun unman maramuun. Dahil ti tawu balaw kumakit buhi nu sa abunda lang pag kasiyunan.”

Lukas 16:28

Dahil may lima waya aku ka patar-ari lalaki. Pasandami niya sida tungkul sa kanmi kahamtangan atay, barang sida sitay tabug waydi sa rugar kakurian.’

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Huwan 3:32

Pag-itultul niya kay nakitan hanggan kay nadnugan dapat pira lang ka tawu ti magpaniwala sa kay pag-itultul.

Huwan 4:39

Mayamu pag manga tawu taga ati pag banwa sa daga Samarya nagsarig sa kan Hisus dahil sa kay sinabi babayi magkun, “Itinultul niya sa kangku ti tanan niku binwat kaybi ginan.”

Huwan 4:44

Si Hisus yi waydi ti may sabi magkun, “Ti purupita unman paggalangun manga tawu sa kay sadili banwa.”

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Galasya 2:2

Nakan aku nag-ati maan dahil ipinaalam ngani Panginuun sa kangku kailangan aku umatag. Napakihampang aku sa manga pinagkatakinan iglisya kami-kami lang, bag-u itinultul niku mayad-mayad sa kanda ti Mayad pag Barita kang pag-itudlu sa manga balaw Hudiyu. Nakan kang itinultul sa kanda dahil kang gustu danga maduraan kahulugan kang binudlayan ginan sa kabag-u hanggan taynguna tugka.

Galasya 5:7

Amat-amat kamu nagrig-un yi sa kanyu pagsarig sa kan Kiristu. Si unu lugud ti nag-ampara sa kanyu magsunud sa katutuuhanan?

Ipisu 4:25

Nakan ngani ti kada usa sa kanyu pag-ampu sa kapudilan, parihu sa pagsabihun sa Banal Kasuratan magkun, “Ti kada usa kailangan pagbagaw katutuuhanan sa kay patar-ari.” Dahil kita tanan minsan kay manga gamit bilug ni Kiristu.

Pilipus 1:30

Kamu hanggan aku minsan diman kita sa inda pag labanan kanyu nakitan kaybi sa kangku ag kanyu naalaman kang nalakawan taynguna.

Pilipus 2:16

Ag itultul niyu ti Mayad pag Barita hampay nu paniwalaan tawu siya may tutuu pag buhi. Nu katida kanyu buwat, kamu kang dayawun sa kaudasan pagbalik ni Kiristu ag pihu kang tarabahu balaw unman may kaganahan hanggan kang budlay balaw nauyang.

2 Timutiyu 2:4

Ti usa ka sundalu danga magpakialam sa bukun buruwatun sundalu. Lalu ngap kailangan sigasidan niya hampay makabaya kay pinunu.

2 Timutiyu 4:7

Lubus aku naglaban ga sa mag-urunahan. Nakaaput yi aku sa turunu niku palalagiwan. Iningatan niku ti katutuuhanan tungkul sa kang pagsarig.

Hibriyu 6:15

Nakan ngani pagka nagtiis sa alagad si Abraham, tinanggap niya ti itinaratu Diyus.

Santiyagu 1:3

Dahil alam niyu lalu waya ngap rumig-un kanyu pagsarig nu lumapus sa siyun pag manga subuk.

1 Pidru 2:1

Nakan ngani tayaki yi niyu ti tanan pag kadautan, ti tanan buwat sa magdaya, una ti magpabalhinguun, una ti maghirak, una ti magmuransa, tayaki yi niyu tunda.

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.

1 Pidru 5:1

Aku duy may paanyu sa manga manug-asiwa sa kanyu. Aku manug-asiwa diman ga kanyu. Nakitan niku kan Kiristu inagwanta pag manga kakurian. May kabahagi diman aku sa kadayawan arani yi ipaburayhaw aban.

1 Pidru 5:12

Sa kang nagsurat inda sa kanyu aku inawatan ni Silbanu. Alam niku siya usa ka masarigan pag patar-ari. Sa inda ngani pag surat dag-ud dag-ud kang gustu pabisugun niku kanyu naisipan, ag kang diman pag-isabi sa kanyu inda ngani ti tutuu pag kaayadan kay ipinakaun Diyus. Dagkaanggihut kamu ginan sa inda pag pakaun kaayadan.

2 Pidru 1:6

ti kaalaman dugangan niyu pagpigil sa sadili, ti pagpigil sa sadili dugangan niyu karig-unan, ti karig-unan dugangan niyu magpasakup sa Diyus,

Ipinakakit 1:9

Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 13:10

Una hintay pag tawu ti pagturuminuhun hampay mabihag, pihu gid siya mabihag aban. Una hintay ti pagturuminuhun hampay mamatay sa baladaw, pihu gid siya matyun baladaw aban. Nakan ngani kailangan ti manga napasakup sa Diyus pagpakarig-un kay pagsarig.

Ipinakakit 22:16

“Aku si Hisus ti nagsugu sa kang anghil hampay ipakilala inda pag manga bagay sa kanyu sa ikarig-un manga iglisya. Aku ginan sa linahi ni Dabid, aku ti masnag pag kuramnag.”

Ipinakakit 3:10

Ingatan diman niku kawu nu rumas-ug yi ti udas pagsubuk sa tanan manga tawu sa bilug kalibutan, dahil nag-agwanta kawu sa kanmu pagtupad sa kang bilin.