Hibriyu 11:9 - Hanunuu

⁹ Dahil diman sa kay pagsarig nagpakapahalin-halin lang siya kay turda, bilang nangus ga balaw kanya pag daga madi imaw kay itinaratu Diyus sa kanya. Katida diman waydi sida ni Isaak ni Hakub, dahil minsan kanda maranahun pag taratu.

Hibriyu 11:9 Iomraidhean Croise

Gimpuunan 12:8

Siyun ginan, napahalin sida atabug sa bantud sa may butlakan Bitil, ag ati sida pag nagpatindug turda, sa karaw-an Bitil bag-u Hay. Ti Bitil sa may isalpan ag ti Hay sa may butlakan waydi. Nagbuwat diman harandugan ati si Abram ag nagsamba sa Panginuun.

Gimpuunan 13:18

Nakan hinalin ni Abram kay turda, ag ati siya pag nangulian sa may arani daka puun kayu ni Mamri ati sa Hibrun, bag-u nagbuwat siya ati harandugan para sa Panginuun.

Gimpuunan 13:3

Ginan sa Nigib, pahalin-halin sida tugka sa nakabalik sida sa rugar nida daan nagpatindugan turda. Inda pag rugar ati sa may tab-anan Bitil ag Hay.

Gimpuunan 17:8

Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”

Gimpuunan 18:6

Madaldali sinmulud si Abraham sa turda ag magkun sa kan Sara, “Pagbuul kawu manga tunga saku marinu pag kalasi arina ag pagtama kawu tinapay. Bag-u paggatung kawu ka liksi.”

Gimpuunan 18:9

Taynguna, nagpaingana ti manga bisita sa kan Abraham, “Naan kanmu asawa si Sara?” Sinmagut siya, “Ati duy sa sulud turda.”

Gimpuunan 21:34

Nangulian si Abraham sa daga manga Pilistiyu sa malawig pag panahun.

Gimpuunan 23:4

“Mag-uli aku sitay sa kanyu rugar usa ka day-uhan, nakan nu mahimu pabilihi aku niyu daga mahimu lulubngan niku asawa.”

Gimpuunan 25:27

Igu nagdaka ti duwa ka lapsag, binmaliw maliksi pag manug-idu si Isaw ag pirmi siya sa tanman, ag si Hakub waydi mabuut pag tawu ag pirmi siya sa sulud manga turda.

Gimpuunan 28:4

Mana ipakaun diman sa kanmu hanggan sa kanmu manga linahi ti inayaw pag papalad sa kan Abraham, hampay maapu nimu inda pag daga kanmu pag-ulian taynguna bilang usa ka day-uhan. Inda pag daga ipinakaun ngani Diyus sa kan Abraham.”

Gimpuunan 31:25

Ati katpung magpatindug si Hakub kay turda sa bantud Gilyad igu natakdan siya ni Laban. Ag ati diman pag namatindug kanda turda sida ni Laban.

Gimpuunan 35:27

Nag-ati si Hakub sa kay ama sa kan Isaak sa Mamri, arani sa Kiryat Arba (pag-ingarnan diman Hibrun). Inda pag rugar ti inulianan ni Isaak imaw diman ti inulianan kaybi ni Abraham.

Gimpuunan 36:7

Dahil balaw sida mahimu magminsan sa usa ka daga dahil sa kayamuun nida manga kasiyunan; ag ti inulianan nida pag daga balaw kang-ud sa kanda dahil mayamu kanda manga hayup.

Gimpuunan 47:9

Nagsagut siya, “130 yi duy ka timpu. Dag-ud ag makuri duy kang buhi sitay sa daga; unman inda nag-aput sa kadugayun buhi niku manga ginurang.”

Kanta 105:12

Kaybi pira-pira waya ti nasakupan Diyus, ag manga day-uhan waya sida sa daga Kanaan.

Hirimyas 35:7

Ibinilin diman niya sa kanmi, ‘Danga kamu magpatindug manga balay ngatay magtanman ngatay magtanum manga ubas ngatay may pag-apuun inda pag manga bagay. Kailangan pagtahan lang kamu sa manga turda. Nu sundun niyu inda, lumawig kanyu buhi una naan pag daga kamu pag umuli.’

Hibriyu 6:17

Katunda diman kay gustu Diyus ipakilala sa tawu sa makatanggap kay manga itinaratu niya pihu dayu mauman kay gayak. Nakan nagsumpa waya siya hampay udyi may alinlangan sida.