Hibriyu 11:8 - Hanunuu

⁸ Dahil sa kay pagsarig naniwala si Abraham, pagka siya tinawag. Diyus hampay atabug sa usa ka rugar imaw kay tanggapun aban pag maranahun. Linmakaw si Abraham madi unman niya alam nu naan tag.

Hibriyu 11:8 Iomraidhean Croise

Gimpuunan 11:31

Nighit si Tira sa Ur sakup manga Kaldiyu. Kaibahan niya kay anak si Abram, kay umagad si Saray, ag kay umput si Lut imaw kay anak ni Haran. Atabug mana sida sa Kanaan, dapat pagras-ug nida sa Haran siyun yi lang ngap sida pag nangulian.

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Gimpuunan 15:5

Bag-u dinara siya Panginuun sa luwas ag magkun, “Bantayi nimu ti manga pamgasan sa langit; bilanga nu kaya nimu. Katunda diman kay kayamu kanmu linahi.”

Gimpuunan 17:8

Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”

Gimpuunan 20:13

Pagka sinabihan aku Diyus pag-ighit ginan sa kang ama, sinabihan niku si Sara ipakilala niya aku kay patar-ari una naan tabug kami pag umatag. Sa panab-anan inda, maipakakit niya kay pagmahal sa kangku.”

Gimpuunan 22:18

Ag sa panab-anan nimu linahi, papaladan niku ti tanan nasyun sa kalibutan, dahil nagsunud kawu sa kangku.”

Gimpuunan 26:3

Sitay lang dap kawu pag tahan dahil giyahan niku kawu ag papaladan. Ipakaun niku sa kanmu hanggan sa kanmu manga linahi inda tanan pag daga. Tupadun niku kang taratu sa kanmu ama, sa kan Abraham.

Isayas 41:2

Si unu ti nagpadara usa ka tawu ginan sa butlakan ag nagpakaun sa kanya panalu sa labanan, una naan siya pag umatag? Si unu ti nagpasakup sa kanya sa manga hari ag manga nasyun? Winayak niya ti manga nasyun ag pinanmatay ti manga hari sa panab-anan baladaw ag ugyung. Ag inda nagbaliw ga taypuk pag ipayag durus.

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Bilang 10:30

Nagsagut si Hubab, “Dayu duy aku! Muli lang aku sa kang banwa hanggan sa kang katawuhan.”

Matiyu 2:21

Binmangun ngani si Husi bag-u dinara niya ti anak hanggan kay ina atag maan sa daga Israil.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

Ruma 10:16

Dapat unman tanan nagsunud sa Mayad pag Barita. Kainda kay sabi ni Isayas magkun, “Panginuun, si unu ti naniwala sa kanmi sinabi?”

Ruma 6:17

Dapat ay salamat sa Diyus, dahil kaybi kamu manga panawuhun kasalanan, taynguna bay masurundun yi kanyu tagipusuun sa iinadal pag katutuuhanan kanyu yi tinanggap.

2 Kurintu 10:5

Dahil kanmi pagdautun ti salan pag manga baragawun, pagbinsilun nimi ti tanan magpalabaw laban sa kadunungan Diyus. Pagbihagun nimi ti kada pag-iisip hampay pasakup yi sa kan Kiristu.

Diyuturunumiyu 9:5

Apuun niyu kanda daga balaw dahil sa matadlung kamu ngatay mayad kamu pag manga tawu nu unman dahil daut sida, ag hampay matupad Panginuun kay itinaratu sa kanyu manga ginurang sa kanda ni Abraham, ni Isaak, ag ni Hakub.

Hibriyu 11:33

Dahil sa kanda pagsarig nanalu sida sa manga kaharian, namwat sida katadlungan, ti itinaratu Panginuun nipakaun yi sa kanda, nagpahirum sida manga bibig liyun, nagpusa di sida sa labdaban apuy.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

Huswi 24:3

Dapat bin-ul niku si Abraham sa ati pag rugar ag ipinaatag sa daga Kanaan, ag pinakan-an mayamu pag manga linahi. Anak niya si Isaak,

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 3:1

Kamu duy pag manga babayi, pagpasakup kamu sa kanyu sadili asawa, hampay una si unu sa kanda nu udwaya magpaniwala sa Bagaw Diyus, miabay diman sumarig, dahil sa kanyu mayad pag ugali una balaw yi may patapil paliwanag sa kanda.

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?