Hibriyu 11:7 - Hanunuu

⁷ Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

Hibriyu 11:7 Iomraidhean Croise

Gimpuunan 19:14

Nakan inati ni Lut kay manga urumagadun lalaki ag sinabihan, “Kabisug pag-ighit yi kamu sitay ginan dahil rurisun Panginuun inda pag banwa.” Dapat unman sida nagbati, kanda isip maghakut wata si Lut.

Gimpuunan 6:13

Nakan magkun siya sa kan Nuwi, “Rurisun niku ti tanan tawu. Dahil sa kanda, nangalat ti kadautan sa kalibutan. Rurisun niku sida kaibahan kalibutan.

Gimpuunan 6:22

Tinupad ngani ni Nuwi ti tanan isinugu Diyus sa kanya.

Gimpuunan 6:9

Inda ti tultulanun tungkul sa linahi ni Nuwi. Si Nuwi matadlung pag tawu. Siya lang ti magkabuhi matadlung sa kay kapanahunan, ag magkabuhi siya kaibahan ti Diyus.

Gimpuunan 7:23

Rinuris niya ti tanan tawu hanggan ti tanan manga hayup sa kalibutan. Si Nuwi lang hanggan kay manga kaibahan sa sulud barku ti unman namatay.

Gimpuunan 7:5

Tinupad ni Nuwi ti tanan isinugu Panginuun sa kanya.

Gimpuunan 8:16

“Pagluwas yi kamu tanan sa barku.

2 Hari 4:5

Katida ngani kay binwat. Pagras-ug sa kay balay, tinalakpan nida magtal-anak kanda balay. Bag-u dinara niya manga anak ti manga sukadan tabug sa kanya, ag sinukadan niya inda lana ulibu.

Hub 35:8

Ti mamaliwan lang sa kanmu mayad ngatay daut pag binuwat imaw ti kanmu kaparihu.

Kabagawan 22:3

Mag-aman ti madunung pag tawu nu masulang niya ti kadilikaduhan, dapat unman mag-aman ti tawu kurang kay intindi, nakan mag-agwanta siya.

Kabagawan 27:12

Ti madunung pag tawu mag-aman nu masulang niya ti kadamhakan, dapat unman mag-aman ti tawu balaw madunung, nakan mag-idamhak siya.

Isikil 14:14

Una kaibahan waya nida asan si Nuwi, si Danyil, ag si Hub, sida lang ti maribri dahil sa kanda pagkamatadlung. Aku, ti Panginuun Diyus, ti magbagaw inda.

Isikil 14:20

Una kaibahan waya nida si Nuwi, si Danyil ag si Hub, aku, ti Panginuun Diyus buhi, magsumpa unman gid nida mairibri una kanda manga anak, nu unman kanda lang sadili dahil sa kanda pagkamatadlung.

Isikil 33:5

Dahil katpung nadnugan niya ti budyung unman siya pinansin. Nakan siya gid ti may saragtun sa kay kamatayan. Dahil nu namatingi lang siya, nairibri mana niya kay sadili.

Matiyu 2:12

Sinabihan sida Diyus sa tagin-up, danga mag-ati lakaw sa kan Hirudis. Nakan sa kanda nuli sa kanda ulian lakaw yi sa usa ka dalan.

Matiyu 24:15

Magkun si Hisus, “Makitan niyu aban mangyari sa Balay Diyus ti lapastangan unman may pumarihu imaw ti pagsabihun ni Purupita Danyil. (Kailangan intindihun manga manugbasa).

Matiyu 24:25

Tandai gid niyu, dahil udwaya nangyari tunda, ipinasandam yi niku daan sa kanyu.

Matiyu 24:38

Ati katpung magkaun mag-inum diman ti manga tawu, magpangarasawa ag pag-ipaasawa hanggan sa udwaya nagsakay si Nuwi sa kay barku.

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Lukas 17:26

“Nu kabitay ti nangyari kaybi sa ati katpung sa kan Nuwi katunda waydi aban sa kaudasan pagbalik Anak Tawu.

Ruma 1:17

Dahil pagsabihun sa Mayad pag Barita nu kabitay pagkilalan-un Diyus ti tawu kuntay matadlung, tunda sa panab-anan lang pagsarig. Angay sa nisurat sa Banal Kasuratan magkun, “May buhi ti tawu pagkilalan-un Diyus kuntay matadlung dahil sa kay pagsarig sa Diyus.”

Ruma 10:6

Dapat tungkul sa kay pagkilala Diyus sa tawu kuntay siya matadlung dahil sa kay pagsarig, kainda ti pagsabihun sa Banal Kasuratan magkun, “Danga isipa nimu sa kanmu sadili magkun, ‘Si unu ti makaatag sa langit?’ ” Nu katida bilang ga ipadugsun maan si Kiristu.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

Ruma 4:11

Tinuri siya bilang pinagkatanda sa kay pagkilala Diyus sa kanya kuntay matadlung siya dahil sa kay pagsarig una udwaya siya tinuri. Nakan siya yi ti pinagkagurang tanan tawu magsarig sa Diyus. Siyun ginan sida kinilala waydi Diyus kuntay manga matadlung una manga balaw tinuri.

Ruma 4:13

Itinaratu Diyus sa kan Abraham hanggan sa kay manga linahi manahun nida ti kalibutan, bukun dahil si Abraham nagtupad sa Kasuguan nu unman dahil sa kay pagsarig sa Diyus nakan siya kinilala Diyus kuntay matadlung.

Ruma 9:30

Kainda ti gustu niku sabihun, ti manga balaw Hudiyu una unman nanipag sa mayad pag buwat hampay sida mahimu pagkilalan-un Diyus kuntay manga matadlung, lalu ngap kinilala niya sida kuntay manga matadlung dahil sa kanda pagsarig sa Diyus.

Galasya 5:5

Dapat ay dahil sa Ispiritu alam nimi pihu gid kami aban kilalan-un Diyus manga matadlung dahil sa kanmi pagsarig sa kan Kiristu.

Pilipus 3:9

ag hampay aku lubus magpakiusa sa kanya. Udyi aku pagkilalan-un Diyus kuntay aku matadlung dahil lang sa kang magtupad sa Kasuguan ni Muysis. Pagkilalan-un aku Diyus kuntay matadlung dahil aku magsarig sa kan Kiristu. Inda pag katadlungan ginan ngani sa Diyus dahil sa kang pagsarig.

Hibriyu 11:1

Nu may pagsarig kita, maniwala diman kita pihu gid mangyari aban ti kanta pag-alagdun, ag may puruyba kita sa kanta tagipusuun tungkul sa katutuuhanan manga bagay una unman mag-akitan.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Hibriyu 5:7

Pagka sa babaw waya daga si Hisus, nandarangin siya, ainalsa kay busis, nanlumi nagdangup sa Diyus sa may kamaskihan makaribri sa kanya sa kamatayan. Ag nadnugan diman kay darangin dahil sa kay nagpakumbaba nagpasakup sa Diyus.

Hibriyu 8:5

Sida magsirbi ga sa anyu aninu Balay Diyus sa langit. Dahil pagka buwatun yi ni Muysis ti Turda, binilinan siya Diyus magkun, “Pag-ingat kawu, buwata nimu ti tanan manga bagay angay gid sa kay tutuu pag mustara ga kang ipinakakit sa kanmu sa bantud.”

1 Pidru 3:20

Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

2 Pidru 2:5

Unman diman waydi pinatawad Diyus ati katpung pag manga makasalanan pag tawu kaybi nu unman tinabu minatay niya sa gunaw. Si Nuwi lang ti nagtudlu katadlungan imaw kay irinibri Diyus hanggan ti pitu ka tawu naribri diman waydi kaibahan ni Nuwi.

2 Pidru 3:6

Pagka katpung sa nagkagunaw, danum diman ti inmanaw nagdaut sa un-an pag kalibutan.