Hibriyu 11:6 - Hanunuu

⁶ Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Hibriyu 11:6 Iomraidhean Croise

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

Hub 21:14

Dapat magkun sida sa Diyus, ‘Pabay-ani lang kami! Balaw kami magkaibug maalaman kanmu manga palakaw.

Kanta 106:24

Dinayu waya gid nida ti mayad pag daga dahil unman sida magpaniwala sa taratu Diyus.

Kanta 119:10

Magdangup aku sa kanmu sa buu niku tagipusuun, nakan danga pag-ipahintulut patlikudan niku kanmu manga sugu.

Kanta 58:11

Bag-u sumabi ti manga tawu, “Tutuu gid ungud may pirimyu para sa manga matadlung ag may Diyus maghatul sa manga tawu sa kalibutan.”

Kanta 73:28

Diyus, dapat para sa kangku, mayad ti magpakarani sa kanmu. Kawu Panginuun Diyus kang binwat manug-alaga, hampay mitultul niku ti tanan nimu binuwat.

Kanta 78:22

Dahil unman sida may pagsarig sa kanya, ag balaw sida magsarig kuntay iribri niya sida.

Kanta 78:32

Una waya katida ti pinanmuwat niya, nagparargu diman sida sa pagbuwat daut. Una nagbuwat siya manga makadululaw, unman sida nagpaniwala sa kanya.

Kabagawan 11:18

Ti daut pag tawu unman makatanggap tutuu pag pirimyu, dapat ti magbuwat matadlung makatanggap tutuu pag pirimyu.

Kabagawan 8:17

Pagmahalun niku ti manga magmahal sa kangku; makitan aku manga maghanap sa kangku.

Isayas 55:3

Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Hirimyas 2:31

“Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Bilang 14:11

Magkun ti Panginuun sa kan Muysis, “Tugka kapira waya magdayu inda pag manga tawu sa kangku? Tugka kapira waya sida unman magpaniwala sa kangku lang madi ti tanan makadululaw binwat niku sa kanda?

Bilang 20:12

Dapat magkun ti Panginuun sa kan Muysis hanggan sa kan Aarun, “Dahil balaw kamu nagpaniwala sa kangku sa kanyu pagpakakit kang kadayawan sa atubangan Israilita, balaw kamu ti mandumara sa inda pag nasakupan atag sa daga kang ipakaun sa kanda.”

Matiyu 11:26

Hu ngani duy Amang, dahil katunda yi kanmu kagustuhan.”

Matiyu 5:12

“Pagbaya gid ungud kamu pagmasulung kanyu naisipan, daka nakan kay pirimyu aban sa kanyu ati sa langit. Dahil katunda diman waydi kanda nag-unuunu kaybi sa manga purupita, sa manga un-an man sa kanyu.”

Matiyu 6:16

Magkun si Hisus, “Nu kamu unman maghandum karan-unun, kanyu manga uyahun danga magmarukumaruku, danga kamu parihu sa manga magpabalhinguun kuntay mayad. Unman sida mag-ayus kanda sadili hampay makitan manga tawu sida unman maghandum karan-unun. Ungud duy kang pagsabihun sa kanyu, natanggap yi nida kanda pirimyu.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Matiyu 6:5

Magkun si Hisus, “Nu magdarangin kamu, danga kamu maghuwad sa manga magpabalhinguun kuntay mayad. Maraibgun sida magdarangin matindugan sa manga simbahan manga Hudiyu una sa pagsangahan baklayan hampay makitan sida manga tawu. Ungud duy kang pagsabihun sa kanyu, natanggap yi nida kanda pirimyu.

Markus 16:17

Ti manga tawu nu magsarig may makitan inda pag manga tanda tungkul sa kamaskihan: sa ngaran niku pag ipalwas nida ti manga labang, ag bumagaw sida sa tuhay-tuhay pag pamagaw.

Lukas 12:31

Una una sa tanan, unaha niyu kanyu sadili ipasakup lubus sa kay paghari Diyus, bag-u kanyu pangangailangan ipakaun niya sa kanyu.”

Lukas 6:35

Dapat mahala niyu kanyu manga kalaban, pakan-an niyu sida mayad, pagpaudam kamu danga yi magsarig kuntay ulian kamu. Nu katunda, daka pag pirimyu kanyu tanggapun ag kilalan-un kamu manga anak Makamaskihan pag Diyus. Dahil magbaya siya una sa manga tawu unman may pasunaid ag makasalanan.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 8:24

Nakan sinabi ngani niku sa kanyu, mamatay kamu dahil sa kanyu manga kasalanan. Nu dayu kamu maniwala kuntay aku si Aku ngani, pihu ngap kamu mamatay dahil sa kanyu manga kasalanan.”

Ruma 10:14

Dapat kabitay pag dumangup ti manga tawu sa kay ngaran Panginuun nu unman kanda pagsarigan siya? Kabitay sida pag sumarig nu unman waya sida may nadnugan barita tungkul sa kanya? Kabitay sida pag makadnug nu unman may magtudlu?

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Hibriyu 11:26

Kay isip ni Muysis daka man pag kayamanan nu pag-unuunuhun siya dahil sa kay Pinili Diyus Manugribri pag Hari, balaw di ga manga kayamanan sa Ihiptu, dahil paghingabtun niya kay patabgan pag pirimyu.

Hibriyu 3:12

Pagdahan kamu, manga patar-ari, barang una si unu sa kanyu may daut naisipan imaw ti magpalumuy sa kanyu pagsarig hanggan di sa magpablag yi ngap sa Diyus buhi.

Hibriyu 4:2

Dahil ti Mayad pag Barita itinultul diman sa kanta parihu ga sa kanda kaybi. Dapat unman nida napakinabangan tunda pag barita kanda nadnugan, dahil pagka nadnugan nida, unman sida nagsarig sa kanda tagipusuun.

Hibriyu 4:6

Ti manga un-an waya gid nakadnug sa Mayad pag Barita, unman nakaslud unman nakasamit kaariwayahan sa kay arani Diyus dahil sa kanda naglaban. Dapat ay may imaw waya sumulud sumamit sa kaariwayahan sa kay arani Diyus.

Hibriyu 7:19

Dahil nu ginan lang sa Kasuguan unman diman gid may kamhanan kay turunu. Dapat ipinakilala Diyus sa kanta ti lalu gid mayad pag paghingabtun. Nu ungud gid kita maghingabut, makapakarani kita sa Diyus.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

2 Pidru 1:10

Manga patar-ari, kamu kay manga tinawag ag manga pinili Diyus, nakan ngani pagpakarig-un kamu sa inda pag kahamtangan. Nu inda kanyu buwatun dayu kamu sumimray.

2 Pidru 1:5

Nakan ngani pagpakasipag kamu hampay kanyu pagsarig dugangan niyu kaayadan, ti kaayadan dugangan niyu kaalaman,

2 Pidru 3:14

Nakan ngani duy manga patar-ari, hanggan kamu mag-alagad waya, intindiha gid niyu kanyu ugali buhi hampay may kahusayan, unman may uring, ud may kadautan sa kay magbantay Panginuun.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Rut 2:12

Nakan papaladan mana kawu Panginuun dahil sa kanmu binwat. Mana laun pag pirimyu kanmu matanggap ginan sa Panginuun, ti Diyus Israil, kanmu darangpan.”