Hibriyu 11:4 - Hanunuu

⁴ Dahil sa kay pagsarig ni Abil, nakan mayad man kay ihinandug sa Diyus balaw lang ngap ga kan Kain pag ihinandug. Dahil diman sa kan Abil pagsarig nakan binaya Diyus kay ihinandug sa kanya ag kinilala Diyus si Abil kuntay siya matadlung. Dahil una taynguna tigbak yi si Abil, nagmustara waya siya sa kanta dahil sa kay pagsarig.

Hibriyu 11:4 Iomraidhean Croise

Gimpuunan 4:10

Magkun ti Panginuun sa kan Kain, “Hintay lugud kanmu binwat? Kay dugu nimu ari ga magdangup sa kangku ginan sa daga magpaawa-awa hampay balusan niku ti nagmatay sa kanya.

Gimpuunan 4:15

Dapat magkun ti Panginuun sa kan Kain, “Balaw tunda mangyari sa kanmu! Dahil una hintay ti mumatay sa kanmu kang gantihan pitu ka ulit.” Pinaulian Panginuun si Kain usa ka tanda hampay balaw siya matyun una hintay ti makakit sa kanya.

Gimpuunan 4:25

Nag-ulid maan si Adam sa kan Iba, ag nanganak si Iba usa ka lalaki. Magkun siya, “Pinakan-an maan aku Diyus anak lalaki bilang ilis sa kan Abil, ti minatay ni Kain, nakan ingarnan niku siya Sit.”

Gimpuunan 4:8

Pagka sa usa ka sirang, tinaban ni Kain kay ari si Abil atag sa kapadangan. Pagka ati yi sida, minatay ni Kain kay ari si Abil.

1 Hari 18:38

Susun rinmas-ug ti apuy ginan sa Panginuun, ag inirub ti handug, ti pagba, ti manga batu hanggan ti daga, ag nak-at ti kanal.

Hub 8:10

Patingihi sida, ag itudlu nida sa kanmu kanda magkaalaman.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 21:27

Pagkadat-an Panginuun ti handug manga daut pag tawu, lalu waya gid nu pag-isagda nida inda may gayak daut.

Matiyu 23:35

Nakan ngani mitama gid sa kanyu ti kaparusahan sa nagmatay sa manga matadlung pag manga tawu sa bilug kalibutan ginan waya sa nanmatay sa kan Abil hanggan sa nanmatay sa kan Sakaryas ti anak ni Barakyas, kanyu minatay sa tab-anan Balay Diyus ag surunugan hayup handug sa Diyus.

Lukas 11:51

ginan sa pagkamatay ni Abil hanggan waya sa pagkamatay ni Sakaryas. Minatay si Sakaryas karaw-an sugkadan Balay Diyus arani sa surunugan handug tag sa Diyus. Ungud duy kang sinabi sa kanyu mitama gid tunda sa inda pag manga tinubu tawu.

Titu 1:16

Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Hibriyu 11:2

Kaybi pag manga ginurang pagbayaun Diyus dahil sa kanda pagsarig.

Hibriyu 12:1

Naglibut sa kanta ti aduk pag tawu manga maghiling. Nakan pagtayaki yi nita tunda pag manga buwat mag-ampara sa kanta pagsunud lalu hanggan una hintay pag kasalanan magsambur. Pangungud yi kita sa kanta maglakaw sa dalan inalistu Panginuun.

Hibriyu 12:24

Ag kamu nagpakarani sa kan Hisus. Sa kanya pag itinalaghut ti bag-u taratu. Kay dugu ni Hisus ti magtudlu sa kanta mayad man pag manga katutuuhanan, balaw lang ga kay dugu ni Abil.

Hibriyu 5:1

Ti kada pangulu manughandug sa Balay Diyus pinili ginan sa manga tawu hampay sumirbi sa Diyus para sa kanda. Siya tig handug manga kaluub sa Diyus ag manga hayup pagmatyun panlukat sa kasalanan.

Hibriyu 9:22

Angay sa Kasuguan harus ngani ti tanan bagay paglumpiyuhun sa dugu, ag nu unman may nabuhus dugu, unman waydi may kapatawadan sa kasalanan.

2 Pidru 2:8

Tunda ngani matadlung pag tawu ati pag nangulian sa kanda karaw-an sirang-sirang. Subra ungud kay ruku sa kay matadlung pag tagipusuun pagka nakitan ag nadnugan niya kanda magkagumun sa magbuwat kadautan.

Hudas 1:11

Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.