Hibriyu 11:12 - Hanunuu

¹² Nakan madi malumuy yi gid si Abraham pag lalaki, may linahi di parihu sa pamgasan sa langit kay kayamu ag unman mabilang ga baras sa dagat.

Hibriyu 11:12 Iomraidhean Croise

Gimpuunan 15:5

Bag-u dinara siya Panginuun sa luwas ag magkun, “Bantayi nimu ti manga pamgasan sa langit; bilanga nu kaya nimu. Katunda diman kay kayamu kanmu linahi.”

Gimpuunan 26:4

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan.

Gimpuunan 32:12

Dapat nagtaratu kawu sa kangku papaladan nimu aku ag payamuun nimu kang manga linahi ga baras sa baybay dagat dayu mabilang.”

2 Samwil 17:11

Kang patigayun, tipuna ti tanan gid manga Israilita ginan sa Dan tugka sa Biirsiba, ga baras sa baybay dagat kay kayamu. Ag kawu yi gid ngap ti pagpamunu sa kanda sa paglaban.

1 Hari 4:20

Ti kayamuan nasakupan Huda ag Israil parihu sa baras sa baybay dagat balaw mabilang. Abunda sida sa karan-unun hanggan sa irinmun, ag masulung sida.

1 Krunika 27:23

Pagka sininsus ni Dabid ti manga tawu, unman niya ibinilang ti manga unman waya nagkaidad 20 ka timpu, dahil nagtaratu ti Panginuun payamuun gid niya ti manga Israilita parihu sa manga pamgasan sa langit.

Nihimyas 9:23

Pinayamu nimu kanda manga linahi, parihu sa manga pamgasan sa langit. Dinara nimu sida sa daga kanmu itinaratu sa kanda manga ginurang hampay suldun ag apuun.

Pag-ighit 32:13

Alalahana duy nimu kanmu itinaratu sa kanmu manga manugsirbi sa kanda ni Abraham, ni Isaak, ag ni Hakub, kuntay kanmu payamuun kanda linahi parihu kay kayamu sa manga pamgasan sa langit, ag ipakaun nimu sa kanda lahi ti tanan kadagaan kanmu itinaratu sa kanda, bumaliw kanda yi inda hanggan aban.”

Isayas 10:22

Una waya ga baras sa baybay dagat kay kayamu ti manga Israilita, pira lang ti makabalik. Nakatagka yi ti parusa para sa buu Israil. Pihu tupadun inda Panginuun Diyus Makamaskihan.

Isayas 48:19

Kanyu mana manga linahi nagbaliw ga baras kay kayamu dayu mabilang, balaw gid sida midamhak sa kang atubangan.”

Hirimyas 33:22

Payamuun niku ti manga linahi ni Dabid hanggan ti lahi ni Libi parihu sa manga pamgasan sa langit ag baras sa baybay dagat balaw mabilang.”

Husyas 1:10

Dapat rumas-ug ti sirang kaawaan niku sida ag papaladan; bumaliw sida ga baras sa baybay dagat kay kayamu unman matakal ngatay mabilang. Taynguna pag-ingarnan sida, ‘Balaw kang nasakupan,’ dapat aban ingarnan sida, ‘Manga anak buhi pag Diyus.’

Habakuk 1:9

Magras-ug ti kadamlan nida manga sundalu alistu umunu-unu. Parihu inda sa mabisug pag durus ginan sa butlakan. Kanda manga bihag parihu ga baras kay kayamu.

Ruma 9:27

Ainalsa kay busis ni purupita Isayas kay nagtultul tungkul sa taga Israil magkun, “Una ga baras dagat kay kayamu ti manga linahi ni Israil, pira-pira lang sa kanda ti maribri.

Diyuturunumiyu 1:10

Pinayamu kamu Panginuun niyu Diyus. Ag kainda, mayamu yi kamu ga manga pamgasan sa langit.

Diyuturunumiyu 28:62

Una parihu kamu ga pamgasan sa langit kay kayamu, pira lang ti masawad sa kanyu dahil unman kamu nagtupad sa Panginuun niyu Diyus.

Huswi 11:4

Rinmas-ug inda tanan pag manga hari, kaibahan kanda manga sundalu kanda kayamuun parihu sa baras baybay. Mayamu gid kanda manga kabayu hanggan manga kalisa.

Ipinakakit 20:8

Lumuwang siya hampay dayaun niya ti manga nasyun tawu sa bilug kalibutan, ti manga taga Gug hanggan taga Magug. Tipunun sida ni Satanas hampay maglaban sa gira. Parihu kay kagadhan ga taypuk baras sa baybay dagat kay kayamu.

Talaghusay 7:12

Ti manga Midyanita, kaibahan ti manga Amalikita ag iba waya pag manga nasakupan sa butlakan, nankampu ati sa karatagan parihu kayamu sa apan. Ag kanda manga kamilyu parihu kayamu sa baras sa baybay udyi mabilang.

1 Samwil 12:5

Bag-u sinabi ni Samwil sa kanda magkun, “Ti Panginuun maghiling di hanggan kay pinili pag hari, alam diman niya taynguna pag sirang balaw kamu may nakitan daut sa kangku.” Sinmagut ti manga tawu, “Maghiling di ti Panginuun.”