Hibriyu 11:1 - Hanunuu

¹ Nu may pagsarig kita, maniwala diman kita pihu gid mangyari aban ti kanta pag-alagdun, ag may puruyba kita sa kanta tagipusuun tungkul sa katutuuhanan manga bagay una unman mag-akitan.

Hibriyu 11:1 Iomraidhean Croise

Kanta 27:13

Dapat magpaniwala gid malakawan niku kanmu kaayadan habang magkabuhi aku sitay sa babaw daga.

Kanta 42:11

Hayga lugud magkaruku ag magkataranta gid aku? Dapat magsarig aku sa kanmu ag dayawun maan niku kawu, kawu kang Diyus ag manugribri.

Binwat 20:21

Nangungud gid aku sa kang magpaliwanag sa manga Hudiyu una sa manga balaw Hudiyu, magkun kailangan gid sida pag-ampu sa kanda kasalanan sa atubangan Diyus, pagsarig sa kanta Panginuun Hisus.

1 Kurintu 13:13

Dapat inda pag tulu ti unman gid madura hanggan waya aban, ti pagsarig, ti pag-asa hanggan ti pagmahal. Dapat ti mahalaga sa tulu imaw ti pagmahal.

2 Kurintu 11:17

Ti kang pagsabihun magpadayaw-dayaw, balaw duy ginan sa Panginuun. Unman ngap may kabuluhan ti pag-iyabang-yabang usa ka tawu patalang-talang.

2 Kurintu 4:18

Nakan ngani kami magturun balaw sa manga bagay mag-akitan sa mata nu unman ngap sa manga bagay unman mag-akitan, dahil madali di maglawuy ti manga mag-akitan sa mata, dapat unman gid may katapusan ti manga unman mag-akitan sa mata.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

2 Kurintu 5:7

Kanmi ugali angay sa kanmi sarig sa Diyus, balaw angay sa manga bagay mag-akitan sa mata.

2 Kurintu 9:4

Barang kami mangay-a nu mabuyu, balaw lang kami ti mangay-a hanggan kamu nu may kumuyug sa kangku manga taga Masidunya bag-u nu makitan nida unman diman maaw kamu handa.

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 10:39

Dapat kita balaw ay ga tunda pag manga mag-urung bag-u ipadamhak. Kita ga tunda ngap pag manga magsarig hampay iribri.

Hibriyu 11:13

Sida tanan ti manga sinmarig tugka sa kamatayan, unman nakamtan nida ti itinaratu, dapat bilang ga kanda di nabantay ginan sa arayu, sida nakabaya di. Naisipan nida sida pasay manga nanday-u lang, ag balaw may kapunduhan sitay sa babaw daga.

Hibriyu 11:27

Dahil sa kay pagsarig, nighit si Muysis ginan sa Ihiptu ag unman siya nadala sa kay pangagalit hari. Balaw siya mag-urung sa kay sarig, nakan bilang ga mag-akitan niya ti Diyus, langmadi unman mag-akitan sa mata.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

Hibriyu 2:3

Kabitay kita dayu parusahan gid nu unman intindihun nita ti barita tungkul sa inda pag mahalaga pag karibrihan. Pagka sa kabag-u, Panginuun gid ti nagpaalam bag-u ti manga nakadnug sa kanya nagtultul maan sa kanta, pinatutuuhanan nida ti karibrihan.

Hibriyu 3:14

Kita kaibahan yi ni Kiristu nu marig-un kita pag magsarig ginan sa umpisa ag nu unman kita bumul-iw hanggan tugka sa katapusan.

Hibriyu 3:6

Si Kiristu waydi masarigan dahil siya ngani ti Anak. Siya ngap tigpangulu sa kay magtal-anakan Diyus. Kita yi ngani ti magtal-anakan Diyus nu kanta pagpahalgaan kanta pagsarig hanggan sa katapusan.

Hibriyu 6:12

Nakan danga kamu magbugya. Huwada ngap niyu ti manga matiniisun sa kanda magsarig sa Diyus dahil sida ngani tigtanggap sa kay itinaratu Diyus.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.