Hibriyu 10:7 - Hanunuu

⁷ Bag-u sinabi niku, ‘Diyus, nagsitay yi aku hampay tupadun niku kanmu kagustuhan, angay sa isinurat sa ribru Kasuguan tungkul sa kangku.’ ”

Hibriyu 10:7 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Isra 6:2

Dapat ati di pag nakitan sa balay hari sa Ikbatana, sakup purubinsiya Midya, ti usa ka malulunan pag kasuratan may nakasurat:

Kabagawan 8:31

Magbaya aku sa kay linalang kalibutan hanggan ipinauli siyun pag manga tawu.

Isayas 50:5

Nagbagaw sa kangku ti Panginuun Diyus ag namatingi aku. Balaw aku naglabag ngatay naglayas sa kanya.

Hirimyas 36:2

“Pagbuul kawu masuratan ag isurat nimu ti tanan niku sabihun sa kanmu tungkul sa Israil, Huda ag sa tanan nasyun. Isurat nimu ti tanan sabihun niku, ginan sa un-an kawu niku hampangun sa udas ni Hari Husyas tugka taynguna.

Isikil 2:9

Bag-u nakitan niku ti usa ka kamang magpatugut sa kangku usa ka linuhut pag kasuratan.

Isikil 3:1

Magkun waya gid ti busis sa kangku, “Anak tawu, kan-a inda pag linuhut kasuratan, bag-u paglakaw kawu ag pagtultul sa nasakupan Israil.”

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.

Huwan 5:30

Sinabi ni Hisus magkun, “Unman aku may karampatan magbuwat una hintay nu ginan lang sa kang sadili. Angay lang sa kang nadnugan ginan sa Ama pag makapihu aku sa tawu nu daut nu mayad. Nakan aku balaw magsalan sa kang magpihu sa tawu, dahil aku unman magsunud sa kang sadili lang kagustuhan. Bagkus ngap kang pagsundan ti kagustuhan Ama, imaw ti nagsugu sa kangku.

Huwan 6:38

Dahil aku nagsitay ginan sa langit balaw hampay masunud niku kang sadili kagustuhan, bagkus ngap hampay tupadun niku ti kagustuhan Diyus imaw ti nagsugu sa kangku.