Hibriyu 10:11 - Hanunuu

¹¹ Tutuu ti kada manughandug sa Balay Diyus sirang-sirang mag-asikasu kanda maghandug hayup pagmatyun paulit-ulit, kanda magpakaun manga kaluub, madi unman diman makalumpiyu tunda sa kasalanan manga tawu.

Hibriyu 10:11 Iomraidhean Croise

Pag-ighit 29:36

Kada sirang, paghandug kawu usa ka bilug baka bilang handug sa paglumpiyu hampay bumaliw malumpiyu ti harandugan, bag-u payidan nimu ti harandugan lana ulibu para sa pagtalaga inda.

Isayas 1:11

Magkun siya, “Ud may kabuluhan sa kangku ti mayamu niyu handug. Sawa yi aku sa kanyu manga handug pagsunugun — manga karanidu hanggan taba manga hayup kanyu pinatabul. Balaw aku magbaya sa dugu manga tudu baka, manga karanidu, hanggan manga kambing.

Danyil 11:31

“Suguun hari Sirya ti manga sundalu hampay uringan ti Balay Diyus sangput alad batu. Paapasun niya ti sirang-sirang pagsagda ag ipauli ti mayagting pag bagay imaw kay kadahilanan mapabay-anan ti Balay Diyus.

Danyil 12:11

“Lumawuy ti 1,290 ka sirang ginan sa udas pag-ampara sa sirang-sirang pag handug ag pagpauli manga mayagting pag bagay imaw ti kadahilanan pabay-anan ti Balay Diyus tugka sa rumas-ug ti katapusan.

Danyil 8:11

Kinilala niya kay sadili mas makapangyarihan kaysa Takinan manga taga langit pag sundalu. Inampara niya ti sirang-sirang pag handug sa Balay Diyus, ag inuringan niya ti Balay Diyus.

Danyil 9:21

Ag habang magdarangin aku, naglayang madali si Gabril atag sa kangku nakitan niku sa kang pangakakitun. Katpung sa udas maghugut marukirum pag handug.

Danyil 9:27

Tunda pag hari mamuwat matibay pag kasunduan sa kayamuan tawu sa sulud pitu ka timpu. Dapat pagkalawuy tulu ka timpu may tunga, amparahun niya ti manga handug ag ipauli niya sa Balay Diyus ti manga mayagting pag bagay, nakan pabay-anan ti Balay Diyus. Pumirmaminti inda ati tugka sa rumas-ug ti katapusan hari, angay sa itinagka Diyus.”

Mikas 6:6

Sinmagut ti usa ka Israilita, “Unu ti ihandug niku sa Panginuun, ti Diyus sa langit, nu mansamba aku sa kanya? Mansagda aw aku ibun baka bilang handug pagsunugun?

Bilang 28:24

Sa katunda pag paraan ihandug niyu inda pag manga handug sa panab-anan apuy bilang karan-unun Panginuun. Buwata niyu inda sirang-sirang sa sulud pitu ka sirang. Kay hungaw tunda pag manga handug makapasulung gid sa Panginuun. Ihandug niyu inda tuhay di sa pansirang-sirang pag handug pagsunugun ag sa handug irinmun.

Bilang 28:3

Inda ti handug sa panab-anan apuy kanyu ihandug sa Panginuun sirang-sirang: duwa ka karanidu usa ka timpu kay idad ag unman may alangan.

Bilang 29:6

Ihandug niyu inda tuhay di sa binulan ag pansirang-sirang pag manga handug pagsunugun kaibahan handug pagdayaw sa Panginuun hanggan manga handug irinmun. Handug inda pagsunugun, kay hungaw makapasulung gid sa Panginuun.

Hibriyu 10:1

Ti Kasuguan ga aninu lang tungkul sa manga kaayadan aban ag unman mag-akitan nita malinaw nu kabitay aban ti tutuu. Nu angay sa Kasuguan una pag-isagda tawu timpu-timpu kay hayup sa Diyus kay pagmatyun, unman diman waydi lubus mab-ul kay kasalanan.

Hibriyu 10:4

Dahil ti dugu manga tudu baka manga kambing dayu gid makab-ul sa kasalanan manga tawu.

Hibriyu 5:1

Ti kada pangulu manughandug sa Balay Diyus pinili ginan sa manga tawu hampay sumirbi sa Diyus para sa kanda. Siya tig handug manga kaluub sa Diyus ag manga hayup pagmatyun panlukat sa kasalanan.

Hibriyu 7:27

Balaw siya parihu sa iba pangulu manughandug kailangan maghandug sirang-sirang, un-an para sa kanda sadili kasalanan, bag-u di sa kasalanan manga tawu. Kas-a lang ihinandug siya sa Diyus, pagka ipinakaun niya kay sadili bilug hampay mamatay. Balaw yi niya binwat waya uman.

Hibriyu 8:2

Manughandug siya sa Banal pag Sulud-sulud sa tutuu pag Turda, kay ibinungsud Panginuun, balaw binwat tawu.

Hibriyu 8:4

Nu abi si Hisus sitay sa babaw daga, balaw makahandug siya sa Balay Diyus dahil may manga maghandug yi waydi manga handug sa Diyus angay sa Kasuguan.