Hibriyu 10:1 - Hanunuu

¹ Ti Kasuguan ga aninu lang tungkul sa manga kaayadan aban ag unman mag-akitan nita malinaw nu kabitay aban ti tutuu. Nu angay sa Kasuguan una pag-isagda tawu timpu-timpu kay hayup sa Diyus kay pagmatyun, unman diman waydi lubus mab-ul kay kasalanan.

Hibriyu 10:1 Iomraidhean Croise

Libitiku 9:16

Bag-u dinara diman niya tag sa karaw-an ti hayup para sa handug pagsunugun, ihinandug niya inda angay sa surundanun sa inda pag handug.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

Kulusas 2:17

Inda ga manga aninu lang tungkul sa manga bagay rumas-ug aban dapat si Kiristu ngani ti tutuu.

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 7:11

Nu abi may kamhanan ngani sa kanda maghandug manga Libita, hayga kailangan tuhay waya pag manughandug, balaw angay sa karampatan minana ginan sa kay lahi ni Aarun? Dahil katpung ti manga Libita maghandug sa Balay Diyus, ipinakaun Diyus ti Kasuguan. Dapat inda pag manughandug nakamana karampatan sa maghandug ginan ngap sa kan Milkisidik.

Hibriyu 8:5

Sida magsirbi ga sa anyu aninu Balay Diyus sa langit. Dahil pagka buwatun yi ni Muysis ti Turda, binilinan siya Diyus magkun, “Pag-ingat kawu, buwata nimu ti tanan manga bagay angay gid sa kay tutuu pag mustara ga kang ipinakakit sa kanmu sa bantud.”

Hibriyu 9:11

Dapat ay nagsitay yi si Kiristu. Siya yi ti pangulu manughandug tungkul sa kaayadan kay itinaratu Diyus. Manughandug siya sa mas mayad yi pag Turda unman gid may kakurangan. Dahil tunda pag Turda unman binwat tawu kamang, unman diman waydi para sitay sa babaw daga.

Hibriyu 9:23

Kailangan lumpiyuhun sa katunda pag paraan ti manga bagay kanda paggamitun sa kanda magsamba, kanda hinuwad ginan sa manga kagamitan sa langit. Dapat ay lalu mahalaga pag ihandug sa Diyus ti kailangan tungkul sa manga kagamitan sa langit.

Hibriyu 9:25

Ti pangulu manughandug sa Balay Diyus magsaka timpu-timpu sa Pinakabanal pag Sulud-sulud may dara dugu manga hayup. Dapat si Kiristu kas-a lang sinmaka hampay kay ipakaun niya kay sadili kang-ud yi gid, udyi ulitun.