Hibriyu 1:3 - Hanunuu

³ Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 1:3 Iomraidhean Croise

1 Krunika 29:11

Makamaskihan gid kawu, paggalangun, kilala, ag pagdayawun. Dahil kanmu ti tanan pag bagay sa langit ag sa daga. Kawu ti hari, Panginuun, ag abwat kawu sa tanan.

Hub 37:22

Gin sa kanaway rumas-ug ti Diyus magsiak parihu sa gintu ag kay rayaw makadululaw.

Kanta 110:1

Magkun ti Panginuun sa kang Panginuun, “Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.”

Kanta 75:3

Nu matandug ti kalibutan ag takigan sa dala ti manga mag-uli siyun, aku ti manparig-un sa kay patakinan kalibutan.

Manugtudlu 8:4

Makapangyarihan ti sugu hari, ag unman may makalaban sa kanya.

Mikas 5:4

Dumarahan niya ti nasakupan Israil sa panab-anan kabisugan ag kamaskihan Panginuun. Parihu siya sa usa ka manug-alaga karanidu. Nakan mangabuhi sida may kahusayan dahil galangun manga tawu sa buu kalibutan kay kapangyarihan.

Matiyu 22:24

“Maisturu, itinudlu ni Muysis, nu mamatay ti usa ka lalaki balaw may anak, kay patar-ari kailangan mag-asawa sa buranday hampay may anak sida imaw ti makamana sa kay pinagkagurang kayamanan.

Markus 16:19

Pagka nakatapus kay bagaw sa kanda, dinara yi ti Panginuun Hisus atag sa langit. Tinmukaw siya sa sikun baliwa Diyus.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 1:4

Ti Bagaw ti gimpuunan buhi. Inda pag buhi ti sulu tigpakaun karayawan sa manga tawu.

Binwat 2:33

Dinara siya tabug sa langit ipinatukaw siya Diyus sa kay sikun baliwa minsan sa kay karampatan maghari. Tinanggap niya angay sa itinaratu Diyus ti Ispiritu Banal ginan sa Ama. Bag-u ilinubus niya ipinakaun ti Ispiritu Banal sa kanmi ga kanyu nakitan ag nadnugan taynguna.

Binwat 7:56

Sinabi ni Istiban magkun, “Mag-akitan yi niku ti langit nabukasan hanggan ti Anak Tawu matindugan baliwa sa sikun Diyus.”

Ruma 1:16

Balaw gid niku pag-ikakay-a ti Mayad pag Barita, dahil imaw yi ti kapangyarihan Diyus sa ikaribri kada tawu nu sumarig, una sa tanan sa manga Hudiyu, bag-u hanggan sa manga balaw Hudiyu.

Ruma 8:34

Hintay waya gid ti sumintinsiya sa kanta atag sa kaparusahan? Udyi! Si Kiristu Hisus sa kay yi sikun baliwa Diyus. Siya waya ngani ti namatay bag-u binuhi uman Diyus. Taynguna siya yi ti nagbaliwa sa kanta.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

Kulusas 3:1

Kamu binuhi uman kaibahan ni Kiristu. Nakan pagkaibgi niyu ti ihinanda Diyus sa kanyu ati sa langit, ati si Kiristu nakatukaw baliwa sa sikun Diyus nakapaminsan sa kay karampatan maghari.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 1:13

Unman diman sinabi Diyus sa una hintay sa kay manga anghil magkun, “Pagtukaw kawu sitay baliwa sa kang sikun, pagpaminsan sa kang karampatan sa maghari hanggan sa udwaya mabuwat niku kanmu manga kalaban ga tarat-an lang nimu manga lulud.”

Hibriyu 10:12

Dapat si Kiristu kas-a lang nagpakaun kay pakaun sa Diyus hampay mapatawad ti kasalanan manga tawu hanggan waya aban. Bag-u tinmukaw siya sa langit baliwa sa sikun Diyus.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 4:14

Pagpakarig-un kita sa kanta pagsarig. Dahil kita may pangulu manughandug sa Balay Diyus sinmulud sa langit atag sa atubangan Diyus, si Hisus yi ngani, ti Anak Diyus.

Hibriyu 7:27

Balaw siya parihu sa iba pangulu manughandug kailangan maghandug sirang-sirang, un-an para sa kanda sadili kasalanan, bag-u di sa kasalanan manga tawu. Kas-a lang ihinandug siya sa Diyus, pagka ipinakaun niya kay sadili bilug hampay mamatay. Balaw yi niya binwat waya uman.

Hibriyu 8:1

Inda yi ngani ti katutuuhanan sa tanan kanmi sinabi. Kita ungud may pangulu manughandug matukawan ati sa langit baliwa sa sikun Diyus minsan sa Karampatan Diyus sa maghari.

Hibriyu 9:16

Dahil nu may taratu pamana kailangan ngani mamatay dapu kay manugtaratu, bag-u di matupad ti taratu.

Hibriyu 9:26

Nu abi balaw katida, kailangan mana paulit-ulit si Kiristu mamatay ginan waya sa umpisa pagkalalang kalibutan. Dapat pagka kainda arani yi ti katapusan kalibutan ipinaburayhaw siya kas-a lang bag-u ipinakaun niya kay sadili sa Diyus hampay mab-ul yi ti kasalanan kalibutan.

1 Pidru 1:21

Dahil sa kan Kiristu nakan kamu nakasarig sa Diyus, imaw waydi ti nagbuhi uman sa kan Kiristu ag ti nagpakaun kadayawan. Dahil sa kan Kiristu nakan ngani kamu may pagsarig ag pag-asa sa Diyus.

1 Pidru 3:22

Nag-atag siya sa langit, baliwa sa sikun Diyus. Siyun yi ngap siya pag maghari sa manga anghil, imaw ti manga may kangaranan hanggan kamaskihan sa langit.

2 Pidru 1:16

Dahil pagka kanmi ipinakilala sa kanyu ti kamaskihan nita Panginuun Hisu-Kiristu hanggan kay pagras-ug niya aban unman gid nimi itinudlu sa kanyu ti manga pinathaw lang pag tultulanun. Nakitan ngap nimi mata kay kamaskihan.

2 Pidru 1:17

Ipinakaun yi Diyus Ama sa kanya ti kadayawan hanggan kapurihan sa katpung may nagbagaw ginan sa mamaski pag kadayawan sa langit magkun, “Inda kang pagmahalun gid pag Anak, siya lubus kang pagkaawaan.”

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

1 Huwan 3:5

Alam niyu nakan si Kiristu nagsitay hampay bul-un niya kanta manga kasalanan. Siya bay unman may kasalanan.

Hudas 1:25

Siya yi lang ti Diyus kanta Manugribri sa panab-anan nita Panginuun Hisu-Kiristu. Diyus ti may kapurihan, kadayawan, kamaskihan hanggan kapangyarihan kaybi di waya ginan sa kabag-u, una taynguna una hanggan waya aban. Amin.

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.

Ipinakakit 4:11

“Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”