Hibriyu 1:2 - Hanunuu

² Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

Hibriyu 1:2 Iomraidhean Croise

Gimpuunan 49:1

Pagkatapus, tinawag ni Hakub kay manga anak ag magkun, “Pagpakarani kamu dahil sabihun niku sa kanyu nu hintay ti mangyari sa kanyu sa aratubangun pag panahun.

Isayas 2:2

Sa manga uryan pag sirang, ti bantud pagtindugan Balay Diyus Panginuun bumaliw pinakamahalaga sa tanan pag bantud. Rumas-ug siyun ti manga tawu ginan sa tuhay-tuhay pag nasyun.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Isayas 45:18

Kawu, Panginuun, ti Diyus. Kawu ti naglalang langit hanggan kalibutan. Balaw nimu binuwat ti kalibutan ud may magkabuhi. Binuwat nimu inda hampay ulianan. Magkun kawu, “Aku ti Panginuun, udyi may iba waya.

Hirimyas 30:24

Balaw gid madura kang pangagalit tugka sa unman niku magkabwat kang gustu buwatun. Sa manga uryan sirang, masalman di niyu inda.”

Hirimyas 48:47

Dapat rumas-ug ti sirang kuntay ibalik niku ti mayad pag kahamtangan Muab. Aku, ti Panginuun, ti magsabi inda.” Inda ti itinultul tungkul sa Muab.

Isikil 38:16

Girahun nimu kang nasakupan manga Israilita parihu sa rurum magsangput sa kanda. Hu, Gug, ipagira niku sa kanmu kang banwa, hampay sa panab-anan nimu maipakilala niku sa manga nasyun kang kabanalan. Bag-u maalaman nida aku ti Panginuun.”

Danyil 10:14

Taynguna, inda yi aku hampay itultul sa kanmu nu hintay ti mangyari sa kanmu manga kasimanwa Israilita sa aratubangun, dahil kanmu pangakakitun tungkul inda sa mangyari aban.”

Danyil 2:28

Dapat may Diyus sa langit makapaliwanag manga madalum pag katutuuhanan. Mahal Hari, sa panab-anan nimu tagin-up, ipinaalam Diyus sa kanmu nu hintay ti mangyari sa aratubangun. Taynguna itultul niku sa kanmu ti manga pangakakitun kanmu nakitan sa tagin-up.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Mikas 4:1

Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Bilang 24:14

Hu, mag-uli yi aku sa kang manga kasimanwa. Dapat pasandaman waya niku kawu nu hintay ti buwatun manga Israilita sa kanmu manga nasakupan sa uryan sirang.”

Matiyu 13:39

Tunda ngani pag kalaban ti nagsabug manga ilamnun imaw yi ti diyablu. Ti udas tig-arani imaw yi ti katapusan kalibutan. Ti manga anghil ti umani.

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Matiyu 21:38

Dapat pagka nakitan manga manugtarabahu ti anak nida amu, nagharampangan sida magkun, ‘Inda aban ti mumana ubasan, kanta yi matyun hampay kanta yi apuun kay ama pamana.’

Matiyu 26:63

Dapat unman nag-ingay si Hisus. Bag-u magkun ti pangulu manughandug sa kan Hisus, “Sa ngaran Diyus buhi, kang pag-ibilin sa kanmu, sabiha nimu sa kanmi, nu tutuu kawu ti Pinili Diyus Manugribri pag Hari, ti Anak Diyus.”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Markus 1:1

Inda ti Mayad pag Barita ni Hisu-Kiristu kay Anak Diyus.

Markus 12:6

Usa wadi ti nasawad sa may apu ubasan, kay ngani pagmayadun pag anak lalaki. Imaw kay sinugu niya sa katapusan atag sa kanda. Magkun siya, ‘Pihu galangun nida kang anak.’

Markus 12:7

Dapat ay nanharampangan tunda pag manga manugtarabahu magkun, ‘Inda aban ti mumana ubasan. Abala kamu, kanta yi matyun hampay kanta yi apuun kay ama pamana.’

Huwan 1:10

Sitay yi sa babaw daga ti Bagaw. Madi kay linalang Diyus ti kalibutan ginan sa kanya, unman waydi nakilala siya manga tawu sa kalibutan.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 1:3

Ginan sa kanya pag binwat Diyus ti tanan pag manga bagay. Sa tanan-tanan linalang unman may nabuwat ti Diyus nu ud ginan lang sa kanya.

Huwan 13:3

Daan alam di ni Hisus ipinakaun Ama sa kanya ti tanan pag kamaskihan. Alam diman waydi ni Hisus siya ginan sa Diyus ag siya umighit sitay ginan atabug maan sa Diyus.

Huwan 13:32

Nu ipinaburayhaw yi ti kadayawan Diyus ginan sa Anak Tawu, susun Diyus yi gid ti pumaburayhaw sa kadayawan Anak Tawu.

Huwan 15:15

Balaw yi pag-ingarnan niku kamu manga panawuhun, dahil unman alam panawuhun ti buruwatun niya amu. Kamu ngani kang pagmayadun pag manga tawu dahil ti tanan itinultul Ama sa kangku, kang itinultul maan sa kanyu.

Huwan 16:15

Una hintay pag kaayadan sa kang Ama kangku diman. Nakan sinabi niku sa kanyu magkun, tanggapun Ispiritu kang kaayadan bag-u kay ipadakit maan niya sa kanyu.”

Huwan 17:2

Dahil ipinasirung nimu ti tanan-tanan sa kapangyarihan Anak hampay pakan-an niya tutuu pag buhi unman may katapusan ti tanan tawu kanmu iinintirga sa kanya.

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Huwan 3:25

Kay iba manga tuludluan ni Huwan hanggan ti usa ka Hudiyu nag-aratwan tungkul sa kanda ugali maglumpiyu kanda bilug hanggan kanda manga gamit bag-u makasamba sa Diyus.

Huwan 5:26

Nu kabitay ti Ama may gimpuunan buhi, katunda diman ipinakaun niya sa Anak ti karampatan hampay may gimpuunan siya buhi.

Huwan 5:27

Pinakan-an niya ti Anak karampatan makapihu sa tawu nu daut nu mayad, dahil siya ti Anak Tawu.

Huwan 9:29

Alam nimi ti Diyus nagbagaw sa kan Muysis. Dapat nu tunda bay pag tawu, unman nimi alam nu taga naan siya.”

Binwat 10:36

Inda yi ngani ti barita kay ipinaalam Diyus kaybi sa nasyun Israil, ti Mayad pag Barita tungkul sa kahusayan sa panab-anan ni Hisu-Kiristu, tig hari sa tanan.

Binwat 2:17

‘Magkun ti Diyus, “Inda aban kang buwatun sa katapusan panahun. Ibuhus niku kang Ispiritu sa tanan tawu. Bag-u pumurupita kanyu manga anak una lalaki una babayi. Bukasan niku ti naisipan niyu manga kan-akan bag-u aku may ipakakit sa kanda. Ag kanyu manga gurangun lalaki tumagin-up.

Ruma 8:17

Nu ungud kita kay manga anak, kita yi gid ti makatanggap pamana kay ihinanda Diyus sa kay manga anak. Kita kaibahan ni Kiristu sa pagtanggap pamana. Dahil nu kita mag-agwanta kaibahan niya, kaibahan waydi niya kita sa kay kadayawan.

1 Kurintu 2:7

Dapat ti pagsabihun nimi inda imaw ti kadunungan Diyus udwaya ipinaburayhaw sa manga tawu kaybi ginan, dapat daan ihinanda niya kay udwaya linalang ti kalibutan sa ikadayaw sa kanta.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

Galasya 4:4

Dapat ay pagka rinmas-ug ti taning pag kaudasan sinugu Diyus kay Anak. Ainanak siya usa ka babayi, kay buhi napasakup sa sirung Kasuguan,

Ipisu 1:10

Inda ngani pag ginayak Diyus pihu tupadun niya sa panab-anan ni Kiristu, nu rumas-ug ti taning pag kaudasan. Inda ngani kay gayak, usahun niya aban sa kan Kiristu ti tanan linalang sa langit una sa babaw daga.

Ipisu 3:9

Pinili niya aku hampay iadal niku sa tanan tawu nu kabitay pag matupad ti paggayakun Diyus unman daan ipinaburayhaw niya. Inda kaybi di waya ginan unman gid ipinaalam Diyus, imaw ti naglalang tanan bagay.

Diyuturunumiyu 18:15

Bagkus ngap, pumadara sa kanyu ti Panginuun niyu Diyus usa ka purupita parihu sa kangku, kadugu niyu. Kailangan patingihan niyu siya.

Diyuturunumiyu 31:29

Dahil alam di niku nu tigbak yi aku, mamuwat gid kamu kadautan ag bugyahan niyu ti tanan niku pag-isugu sa kanyu. Aban rumas-ug sa kanyu ti manga kadalaan dahil bumuwat kamu daut sa magbantay Panginuun ag galitun niyu siya sa panab-anan niyu buruwatun.”

Diyuturunumiyu 4:30

Nu rumas-ug ti kakurian sa kanyu, sa uryan panahun bumalik kamu sa Panginuun niyu Diyus ag sundun niyu siya.

Hibriyu 1:5

Nakan unman gid may anghil sinabihan Diyus una kapira magkun, “Kawu kang Anak, taynguna aku kanmu yi Ama.” Inda waya kay sinabi magkun, “Aku ti Ama tumupad sa kang Anak, kang Anak tumupad waydi sa kangku.”

Hibriyu 1:8

Dapat nu tungkul sa Anak kay sinabi, “Diyus, kanmu katungkulan sa maghari unman may katapusan hanggan waya aban. Ti kamaskihan sa kanmu maghari imaw ti matadlung pag kamaskihan.

Hibriyu 11:3

Dahil sa kanta pagsarig sa Diyus nakan naintindihan nita ti kalibutan namhan dahil sa kay Bagaw Diyus. Ti manga mag-akitan nita, binwat Diyus ginan sa unman may mag-akitan sa mata.

Hibriyu 2:3

Kabitay kita dayu parusahan gid nu unman intindihun nita ti barita tungkul sa inda pag mahalaga pag karibrihan. Pagka sa kabag-u, Panginuun gid ti nagpaalam bag-u ti manga nakadnug sa kanya nagtultul maan sa kanta, pinatutuuhanan nida ti karibrihan.

Hibriyu 3:6

Si Kiristu waydi masarigan dahil siya ngani ti Anak. Siya ngap tigpangulu sa kay magtal-anakan Diyus. Kita yi ngani ti magtal-anakan Diyus nu kanta pagpahalgaan kanta pagsarig hanggan sa katapusan.

Hibriyu 4:14

Pagpakarig-un kita sa kanta pagsarig. Dahil kita may pangulu manughandug sa Balay Diyus sinmulud sa langit atag sa atubangan Diyus, si Hisus yi ngani, ti Anak Diyus.

Hibriyu 5:8

Madi siya Anak, sa kay mag-agwanta kakurian naanad siya sa magpasakup sa Diyus.

Hibriyu 7:28

Ti manga tawu binwat pangulu manughandug Balay Diyus angay sa Kasuguan ni Muysis manga tawu may kalumuyan. Dapat angay sa sumpa Diyus, kay binagaw igu naipakaun ti Kasuguan, kay yi gid ngap Anak ti pinili niya pangulu manughandug. Dahil natupad yi niya ti kagustuhan Diyus pumarargu hanggan aban.

Hibriyu 7:3

Unman may ama may ina, unman may naalaman sa kay ginurang, unman may naalaman sa kay kapanganakan una kay kamatayan. Parihu sa Anak Diyus, unman may katapusan kay pagkamanugsagda sa Panginuun.

Hibriyu 9:26

Nu abi balaw katida, kailangan mana paulit-ulit si Kiristu mamatay ginan waya sa umpisa pagkalalang kalibutan. Dapat pagka kainda arani yi ti katapusan kalibutan ipinaburayhaw siya kas-a lang bag-u ipinakaun niya kay sadili sa Diyus hampay mab-ul yi ti kasalanan kalibutan.

1 Pidru 1:20

Udwaya linalang ti kalibutan daan di si Kiristu pinili Diyus. Taynguna pagka arani yi ti katapusan panahun, ipinaburayhaw siya Diyus sa ikaayad niyu.

2 Pidru 3:3

Un-an gid sa tanan kailangan kanyu alamun kuntay aban sa uryan sirang may manga tawu kanda ugali angay sa kanda mahalay pag kagustuhan naisipan.

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”