Hibriyu 1:13 - Hanunuu

¹³ Unman diman sinabi Diyus sa una hintay sa kay manga anghil magkun, “Pagtukaw kawu sitay baliwa sa kang sikun, pagpaminsan sa kang karampatan sa maghari hanggan sa udwaya mabuwat niku kanmu manga kalaban ga tarat-an lang nimu manga lulud.”

Hibriyu 1:13 Iomraidhean Croise

Kanta 110:1

Magkun ti Panginuun sa kang Panginuun, “Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.”

Kanta 132:18

Pakay-ahun niku kay manga kalaban, dapat paalwanun niku kay kaharian.”

Matiyu 22:44

‘Sinabi Panginuun sa kang Panginuun, Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.’

Markus 12:36

Inudyukan Ispiritu Banal si Dabid nakan sinabi niya magkun, ‘Sinabi Panginuun sa kang Panginuun, Pagtukaw kawu sitay baliwa sa kang sikun, Pagpaminsan sa kang karampatan hanggan sa udwaya mabuwat niku kanmu manga kalaban ga tarat-an lang nimu manga lulud.’

Lukas 19:27

Nu bay kang manga kalaban tunda, daran-a niyu sitay tag sa kangku matya sa kang atubangan dahil sa dayu sida aku makahari sa kanda.’ ”

Lukas 20:42

Dahil si Dabid diman ti may sabi sa ribru Manga Kanta magkun, ‘Sinabi Panginuun sa kang Panginuun, Pagtukaw kawu sitay baliwa sa kang sikun, Pagpaminsan sa kang karampatan

Binwat 7:55

Dapat ay si Istiban lubus sinuldan Ispiritu Banal nagtangda sa langit. Nakitan niya ti masyadu masilaw pag rayaw sa kay libut Diyus hanggan si Hisus matindugan baliwa sa sikun Diyus.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Huswi 10:24

Pagka nadara yi inda pag lima ka hari sa kan Huswi, tinipun ni Huswi ti tanan Israilita ag magkun siya sa manga kumandir niya manga sundalu, “Abala kamu, tat-i niyu inda pag manga li-ug hari.” Nakan napakarani ngani sida ag tinat-an nida tunda pag li-ug manga hari.

Ipinakakit 20:15

Ayinmut waydi sa danaw apuy una si unu ti unman nisurat kay ngaran sa ribru kabuhian.