Hibriyu 1:11 - Hanunuu

¹¹ Ti daga ag ti langit mipadamhak di aban. Dapat kawu unman may katapusan. Sida tanan maluma di parihu sa rutay.

Hibriyu 1:11 Iomraidhean Croise

Kanta 10:16

Panginuun, kawu ti hari unman may katapusan. Madura ti daut pag manga nasyun sa kalibutan kanmu linalang.

Kanta 102:26

Inda sida magkaradura, dapat kawu pumarargu diman. Magabuk sida tanan parihu sa rutay. Ag parihu diman sa rutay, ilisan nimu sida ag madura sida.

Kanta 29:10

Ti Panginuun ti may kamaskihan sa manga baha. Maghari siya sa unman may katapusan.

Kanta 90:2

Sa udwaya nimu linalang ti manga bantud hanggan ti kalibutan, kawu yi ti Diyus, ag kawu diman ti Diyus sa unman may katapusan.

Isayas 34:4

Matunaw ti tanan bagay sa langit, ag ti langit madura, ga kasuratan linuhut. Magkaralagpak ti manga pamgasan ga manga labung ubas ngatay igus magkarubay ag magkarubas.

Isayas 41:4

Si unu ti nagbuwat inda tanan? Si unu ti nag-isip sa tanan pag manga mangyari ginan waya kaybi sa un-an pag sinulput? Unman aw aku? Aku ti Panginuun asan yi sa pag-umpisa kalibutan, ag asan diman aku tugka sa katapusan.

Isayas 44:6

Inda ti pagsabihun Panginuun, ti Hari ag Manugribri Israil, ti Panginuun Makamaskihan, “Aku ti umpisa ag ti katapusan tanan. Purya sa kangku udyi may iba waya Diyus.

Isayas 50:9

Pagpatingi kamu! Ti Panginuun Diyus imaw ti mag-awat sa kangku. Si unu ti makasabi nagkasala aku? Miparihu sida sa rutay magkarunut, uta-utahun manga iyay.

Isayas 51:6

Bantayi niyu ti langit hanggan ti kalibutan. Madura ti langit ga anus, madaut ti kalibutan ga rutay, mamatay ti manga nasakupan ga manga iyay. Dapat kang iayaw pag karibrihan pumirmaminti hanggan aban. Ti panalu ag katuwiran ginan sa kangku mapasa-kanyu hanggan aban.

Isayas 51:8

Dahil miparihu sida sa rutay pag arit-itun iyay. Dapat ti panalu ag katuwiran kang iayaw pumirmaminti hanggan aban. Ti karibrihan ginan sa kangku mapasa-kanyu hanggan aban.”

Isayas 65:17

“Pagpatingi kamu! Mamuwat aku bag-u pag langit ag bag-u pag daga. Ti daan pag langit hanggan daga kalimtan yi.

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Markus 13:31

Madura di aban ti langit ag ti daga, dapat kang manga bagaw dayu pumalya.”

Lukas 21:33

Ti langit hanggan ti daga may katapusan di, dapat kang bagaw balaw pumalya hanggan aban.

Hibriyu 12:27

Pagka kay sinabi magkun, “kas-a waya,” kay ibug sabihun ti manga natandug pag manga linalang Diyus bul-un yi niya aban. Ti unman matandug balaw ngap duraun.

Hibriyu 8:13

Pagka sinabi Diyus magkun, “usa ka bag-u taratu,” linuma niya ti un-an pag taratu. Ag una hintay pag bagay nu daan yi ag udyi mayad balaw madugay madura yi.

Ipinakakit 1:11

Kay sabi, “Suratan nimu sa ribru ti kanmu makitan bag-u ipadara nimu inda sa pitu ka iglisya, ati sa banwa Ipisu, sa banwa Ismirna, sa banwa Tiyatira, sa banwa Sardis, sa banwa Piladilpiya hanggan sa banwa Laudisiya.”

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.

Ipinakakit 21:1

Bag-u nakitan niku may bag-u pag langit hanggan may bag-u pag daga. Naparaw yi ti daan pag langit hanggan daan pag daga, naparaw yi waydi hanggan ti dagat.