Mayamu kanyu ipinamgas, dapat pira-pira kay tubas. May karan-unun kamu, dapat kurang. May irinmun kamu, dapat unman kang-ud. May rutay kamu, dapat pagramigun di kamu. May pagtanggapun kamu upa, dapat madali magkatabu.
Taynguna, pagtukad kamu sa bantud bag-u pagramu, ag patindugan maan niyu kang Balay. Sa katunda lang pag paraan aku pag makabaya ag madayaw niyu. Aku, ti Panginuun, ti magsabi inda.”
Inda waya duy, manga patar-ari, kang mana sabihun sa kanyu, pagbaya kamu dahil sa kanyu pakiusa sa Panginuun. Una kas-a waya kang ulitun kang isinurat sitay, unman may makuri sa kangku. Dapat imaw ngap tigparig-un sa kanyu.
