Hagay 1:11 - Hanunuu

¹¹ Pinamara niku ti manga katanmanan hanggan ti manga kabantudan. Nakan naapiktuhan ti manga ani, ti irinmun ubas, ti lana ulibu, hanggan ti iba waya pag manga tubas, una ti manga tawu, hanggan kanda manga hayup ag ti tanan nida manga binudlayan.”

Hagay 1:11 Iomraidhean Croise

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

2 Hari 8:1

Magkun si Ilisyu sa babayi imaw kay binuhi kaybi kay anak, “Daraha kanmu magtal-anakan ag pangulian kamu sa iba rugar dahil ti Panginuun namadara lun-us sa Israil sa sulud pitu ka timpu.”

Hub 34:29

Dapat una pumatagu ag ud mangingay ti Diyus, unman may makasabi balaw kuntay mayad kay pagbuwatun. Dapat kay tutuu, magbantay ti Diyus sa manga tawu ag sa manga nasyun,

Hirimyas 14:2

“Maghimanglaw ti Huda; kay manga banwa magpanlubay. Maglumi kay manga nasakupan matukawan sa daga, hanggan diman ti manga mag-ulian sa Hirusalim maglulumian gid.

Karukuan 1:21

Nadnugan manga tawu kang mag-arunghung, dapat unman gid may magpabisug sa kangku una di. Nadnugan tanan niku manga kalaban kang kakurian, ag nagbaya sida sa kanmu binuwat sa kangku. Mana rumas-ug yi ti sirang kanmu itinaratu parusahan nimu sida hampay bumaliw parihu diman sida sa kangku.

Amus 5:8

Ti Diyus ti naglalang gurupu manga pamgasan pag-ingarnan Pliyadis ag Uryun. Siya ti magpalawuy rayaw sa dulum, ag sirang sa yabi. Pagtipunun niya ti danum sa manga rurum ginan sa kadagatan bag-u pagpauranan niya ti daga. Panginuun kay ngaran.

Amus 7:4

May ipinakakit waya ti Panginuun Diyus sa kangku: Nakitan niku nag-alistu siya hampay parusahan kay nasakupan sa panab-anan apuy. Bag-u pinamara apuy ti bulbugan danum ginan sa sirung daga, ag inirub ti tanan asan sa daga Israil.

Amus 9:6

Ti Diyus ti nagbuwat kay ulian sa langit. Siya diman ti nagbuwat kalayawan sa tungud daga. Siya diman ti magtipun danum dagat sa manga rurum ag pag-ipauran niya inda sa daga. Kay ngaran imaw ti Panginuun.”

Hagay 2:17

Dinaut Panginuun kanyu manga pananum sa panab-anan mainit pag durus, sarut, ag pagpauran manga yilu bilang yi manga batu. Dapat udwaya gid kamu magdangup sa kanya.

Hagay 2:19

Una udyi may nasawad tirigu, ag udyi ti burak manga ubas, igus, pumigranata, hanggan ulibu, dapat taynguna ginan papaladan yi kamu Panginuun.”

Malakyas 3:11

Balaw niku pahintulutan kan-un manga iyay kanyu manga pananum. Hanggan kanyu manga ubas balaw marabak.

Malakyas 3:9

Imaw tunda nu hayga pagsaadan niku kanyu buu nasyun.

Diyuturunumiyu 28:22

Ungud, pakurianan kamu Panginuun sa makamatay pag manga sakit, pag tagyumun, kayupus, ag mainit pag durus, malawig pag turungun hanggan manga sarut sa manga tanum tugka sa magkaradura kamu.