Hagay 1:1 - Hanunuu

¹ Katpung sa un-an pag sirang sa ikan-um pag bulan, sa ikadwa pag timpu kay maghari ni Daryu sa Pirsiya, may sinabi ti Panginuun sa kanda ni Surubabil ag ni Huswi sa panab-anan ni Purupita Hagay. Si Surubabil kay anak ni Salatyil ti Gubirnadur sa Huda, ag si Huswi kay anak ni Hihusadak ti pangulu manughandug.

Hagay 1:1 Iomraidhean Croise

1 Hari 10:15

tuhay di sa manga buwis ginan sa manga manug-ahinti. Magpakaun diman sa kanya manga gintu ag pilak ti tanan hari sa Arabya ag ti manga gubirnadur sa Israil.

1 Hari 14:18

Naghimanglaw ti buu Israil sa kay anak ag ilinbung nida inda, angay ngani sa sinabi Panginuun sa panab-anan niya manugsirbi si Purupita Ahiyas.

2 Hari 14:25

Siya ti nagbawi manga rugar magkaapu kaybi Israil, ginan sa Libu Hamat tugka sa Dagat Namatay. Inda ti itinaratu Panginuun, ti Diyus Israil, sa panab-anan niya suruguun purupita si Hunas, kay anak ni Amitay taga Gat Hipir.

1 Krunika 3:17

Inda kay manga anak lalaki ni Hihuyakin, ti binihag pag hari sa Babilunya: si Salatyil,

1 Krunika 3:19

Kay manga anak lalaki ni Pidaya si Surubabil ag si Simiy. Kay manga anak lalaki ni Surubabil si Misulam ag si Hananiyas. Kanda patar-ari babayi si Silumit.

Isra 1:8

Ipiniyar inda ni Hari Sayrus sa kan Mitridat ti taga hamnu niya kaharian. Binilang inda ni Mitridat ag ipinakaun ti listahan sa kan Sisbasar, ti gubirnadur sa Huda.

Isra 10:18

Inda ti manga lalaki nangasawa sa manga balaw Israilita, ag nanaratu sida tayakan nida kanda manga asawa: (Ti kada usa sa kanda nansagda lalaki pag karanidu bilang bayad sa kanda kasalanan.) Sa manga manughandug: sida ni Maasiyas, ni Iliyisir, ni Harib, ag ni Gidalyas, ginan sa magtal-anakan ni Hisuwa anak ni Husadak ag kay manga patar-ari;

Isra 2:2

Ti namunu sa kanda pagbalik sida ni: Surubabil, Hisuwa, Nihimyas, Siraya, Riilaya, Murdukyu, Bilsan, Mispar, Bigbay, Rihum, ag Baana. Inda ti listahan nasakupan Israil nakabalik ginan sa pagkabihag:

Isra 2:63

Sinabihan sida gubirnadur Huda balaw sida mahimu kumaun manga karan-unun ihinandug sa Diyus habang unman waya may manughandug pumaingana sa Diyus tungkul sa kanda pagkamanughandug sa panab-anan Urim ag Tumim.

Isra 3:2

Pagkalawuy ipinatindug maan ti harandugan Diyus Israil hampay masagdahan inda manga handug pagsunugun angay sa isinurat sa Kasuguan ni Muysis kay suruguun. Ti nagpatindug inda sida ni Hisuwa anak ni Husadak ag kay kaibahan pag manga manughandug, hanggan si Surubabil anak ni Salatyil ag kay manga katawuhan.

Isra 3:8

Inumpisahan ti pagbungsud sa Balay Diyus sa ikadwa pag bulan sa ikadwa pag timpu ginan sa nakabalik ti manga Israilita sa Hirusalim. Nangarawatan sa pagtarabahu ti tanan nakabalik sa Hirusalim ginan sa pagkabihag, kaibahan yi sitay sida ni Surubabil anak ni Salatyil, ni Hisuwa anak ni Husadak ag kay kaibahan pag manga manughandug, hanggan ti manga Libita. Ti pinayaran sa magpamahala sa pagpatindug Balay Diyus Panginuun ti manga Libita may idad 20 ka timpu paabwat.

Isra 4:2

nakan nag-ati sida sa kan Surubabil hanggan sa manga takinan manga magtal-anakan ag magkun, “Awatan nimi kamu sa pagbungsud Balay Diyus dahil pagsambahun diman nimi kanyu Diyus parihu sa pagbuwatun niyu. Dugay yi kami maghandug manga handug sa kanya, ginan waya sa pangudasun ni Hari Isarhadun taga Asirya, ti nagdara sa kanmi sitay.”

Isra 4:24

Inmapas ti pagbungsud sa Balay Diyus sa Hirusalim tugka sa ikadwa pag timpu kay maghari ni Daryu sa Pirsiya.

Isra 5:1

Taynguna, sinugu Diyus Israil ti manga purupita sida ni Hagay ni Sakaryas kay laki ni Idu kuntay tultulan kay sabihun sa manga Hudiyu sa Huda hanggan sa Hirusalim.

Isra 5:3

Dapat unman nagdugay, nagras-ug sa Hirusalim si Tatinay ti gubirnadur purubinsiya sa isalpan Iyupratis, si Sitar Businay, hanggan kanda manga kaibahan. Nagpaingana sida sa manga Hudiyu, “Si unu ti may sugu sa kanyu kuntay bungsudan maan inda pag Balay Diyus?”

Isra 6:14

Nakan nagparargu sa pagtarabahu ti manga takinan manga Hudiyu habang pagpabisugun sida bagaw manga purupita, nida ni Hagay ni Sakaryas kay laki ni Idu. Natapus nida natarabahu ti Balay Diyus angay sa sugu Diyus Israil. Ipinatupad inda nida ni Sayrus, ni Daryu, ag ni Artasirsis, ti magkasunud-sunud pag manga hari sa Pirsiya.

Nihimyas 12:1

Inda ti manga listahan manga manughandug hanggan manga Libita nakabalik ginan sa pagkabihag kaibahan ni Surubabil kay anak ni Salatyil ag ni Hisuwa ti pangulu manughandug. Ti manga manughandug sida ni Siraya, ni Hirimyas, ni Isra, ni Amaryas, ni Maluk, ni Hatus, ni Sikanyas, ni Rihum, ni Mirimut, ni Iddu, ni Ginituy, ni Abyas, ni Miyamin, ni Muadya, ni Bilga, ni Simaya, ni Huyarib, ni Hidaya, ni Salu, ni Amuk, ni Hilkiyas, ag ni Hidaya. Sida ti manga takinan nida kaparihu manga manughandug hanggan kanda manga kaibahan katpung panahun ni Hisuwa.

Nihimyas 12:10

Si Hisuwa kay ama ni Huyakim. Si Huyakim kay ama ni Ilyasib. Si Ilyasib kay ama ni Huyada.

Nihimyas 5:14

Sa sulud sampulu may duwa ka timpu nagsirbi aku bilang gubirnadur Huda, ginan sa ika-20 pag timpu tugka sa ika-32 pag timpu kay maghari ni Artasirsis, unman gid aku hanggan kang manga katawuhan nagtanggap karan-unun para sa gubirnadur.

Nihimyas 7:7

Ti nagpanguna sa kanda pagbalik sida ni Surubabil, Hisuwa, Nihimyas, Asariyas, Raamiyas, Nahamani, Murdukyu, Bilsan, Mispirit, Bigbay, Nihum ag Baana. Inda ti listahan nasakupan Israil nakabalik ginan sa pagkabihag:

Nihimyas 8:9

Habang magpatingi ti manga tawu sa pagsabihun sa Kasuguan, maglumi sida. Magkun sa kanda si Gubirnadur Nihimyas, si Manug-asiwa Isra ag ti manugtudlu Kasuguan, hanggan ti manga Libita magpaliwanag sa kanda Kasuguan, “Inda pag sirang banal sa Panginuun niyu Diyus, nakan danga kamu maglumi.”

Pag-ighit 4:13

Dapat magkun si Muysis, “Panginuun, nu mahimu duy pagpadara yi lang kawu tuhay pag tawu.”

Hagay 1:12

Sinunud ngani nida ni Surubabil, ni Huswi, hanggan tanan Israilita nakabalik sa Israil ginan sa pagkabihag sa Babilunya ti sinabi Panginuun nida Diyus sa panab-anan ni Purupita Hagay kay suruguun. Sa panab-anan inda, ipinakakit nida kanda maggalang sa Panginuun.

Hagay 1:14

Pinabisug Panginuun ti tagipusuun nida ni Surubabil, ni Huswi, hanggan tanan nakabalik sa Israil pag manga Israilita, hampay ipatindug ti Balay Diyus, kanda Panginuun Makamaskihan.

Hagay 1:15

Inumpisahan nida ipinatindug ti Balay Diyus katpung ika-24 pag sirang sa ikan-um pag bulan, sa ikadwa pag timpu sa kay maghari si Daryu.

Hagay 1:2

Kaindaay kay sinabi Panginuun Makamaskihan sa panab-anan ni Purupita Hagay: “Pagsabihun niyu udwaya panahun hampay ipatindug uman kang Balay Diyus.

Hagay 2:10

Pagka ika-24 pag sirang sa ikasiyam pag bulan sa ikadwa pag timpu kay maghari ni Daryu, magkun ti Panginuun sa kan Purupita Hagay,

Hagay 2:20

Sa tunda diman pag sirang, nagbagaw maan ti Panginuun sa kan Hagay.

Hagay 2:21

Magkun siya, “Sabihun nimu sa kan Surubabil tandugun niku ti langit hanggan ti kalibutan.

Hagay 2:4

Dapat pag matutum kamu! Iparargu niyu ti pagbuwat sa Balay Diyus dahil kaibahan niyu aku, ti Panginuun Makamaskihan.

Sakaryas 1:1

May sinabi ti Panginuun sa kan Purupita Sakaryas ati katpung sa ikawalu pag bulan sa ikadwa pag timpu kay maghari ni Daryu sa Pirsiya. Si Sakaryas kay anak ni Birikyas ag kay laki ni Iddu.

Sakaryas 3:1

Ipinakakit sa kangku Panginuun ti pangulu manughandug si Huswi matindugan sa atubangan anghil Panginuun. Matindugan sa kay sikun baliwa si Satanas hampay bangdanan siya.

Malakyas 1:8

Nakan ngani maghandug kamu sa kangku manga hayup buta, pilay, ngatay may sakit. Balaw tida mayad! Subuki lang niyu ayawi kanyu gubirnadur katida pag kalasi manga hayup. Pihu gid balaw siya makabaya sa kanyu ag balaw niya kamu pakakitan kaayadan.” Inda ti pagsabihun Panginuun Makamaskihan.

Lukas 3:27

Si Huda anak ni Huanan. Si Huanan anak ni Risa. Si Risa anak ni Surubabil. Si Surubabil anak ni Salatyil. Si Saltiyil anak ni Niri.