Gimpuunan 9:5 - Hanunuu

⁵ Ag pihu suktun niku ti una si unu ti manmatay sa kanyu, una ti manga hayup. Suktun gid ngani niku ti una si unu ti manmatay sa kay kaparihu.

Gimpuunan 9:5 Iomraidhean Croise

Gimpuunan 42:22

Magkun si Rubin, “Kabay pagsabihun yi niku sa kanyu kaybi danga niyu siya pag-unha? Dapat unman kamu nagpatingi sa kangku! Nakan taynguna pagsuktun yi kita sa kay pagkamatay.”

2 Samwil 4:11

Taynguna, hintay pag pirimyu kang ipakaun sa daut pag manga tawu parihu sa kanyu magmatay sa tawu ud may binwat salan, sa kay gid ngap sadili ulian ag igyaan pag minatay niyu? Balaw aw dapat niku kamu matyun hampay madura yi kamu sa kalibutan?”

1 Hari 2:6

Nakan buwata ti mayad angay sa kanmu naisipan buwatun sa kanya, dapat danga siya pagpahintuluti mamatay may kahusayan sa kay pagkagurangun.

2 Hari 11:1

Pagka naalaman ni Atalya namatay yi kay anak si Hari Ahasiyas taga Huda, nagpasya siya panmatyun niya ti tanan kaibahan sa magtal-anakan hari Huda.

2 Krunika 24:22

Kinalimtan ni Hari Huas ti ipinakakit pag kaayadan sa kanya ni Hihuyada, kay ama ni Sakaryas. Bagkus ngap, ipinamatay niya si Sakaryas. Inda ti sinabi ni Sakaryas pagka hirimugtasun yi siya, “Mana makitan Panginuun kanyu binuwat, ag suktun niya kamu.”

2 Krunika 33:24

Naggayak daut ti manga may kangaranan ni Amun laban sa kanya ag minatay siya sa kay balay hari.

2 Krunika 33:25

Dapat minatay manga nasakupan Huda ti tanan nagmatay kan Hari Amun. Ag kay anak niya si Husyas ti iinilis nida bilang hari.

Kanta 9:12

Unman niya pagkalimtan ti magpaawat manga pag-unuunuhun; pagbalusan niya ti manga magpakuri sa kanda.

Pag-ighit 20:13

“Danga kamu magmatay.

Pag-ighit 21:12

“Una si unu ti manakit ag makamatay tawu kailangan diman matyun.

Libitiku 19:16

Danga kamu maglilibakan sa kanyu kaparihu. Danga kamu magbuwat una hintay pag ikadamhak niyu kaparihu. Aku ti Panginuun.

Libitiku 24:17

“Una si unu ti makamatay tawu, kailangan matyun diman.

Libitiku 24:21

Una si unu ti makamatay hayup kailangan ilisan niya tunda, dapat ti makamatay tawu kailangan gid matyun diman.

Bilang 35:16

“Dapat nu pinulpug baul ti usa ka tawu ag namatay, kilalan-un manugmatay tunda pag tawu, ag kailangan matyun diman siya.

Bilang 35:17

Nu binintuk siya usa ka tawu ag namatay, kilalan-un siya manugmatay tawu ag kailangan matyun diman siya.

Bilang 35:18

Ngatay halimbawa pinulpug usa ka tawu pulud kayu ti usa ka tawu ag namatay inda, kilalan-un diman siya manugmatay tawu, ag kailangan matyun diman siya.

Bilang 35:21

una abi nansuntuk, kilalan-un gid manugmatay tunda pag tawu ag kailangan matyun diman siya. Ti arani pag katawuhan minatay imaw ti may karampatan sa pagmatay sa manugmatay. Kailangan niya matyun ti manugmatay nu makitan niya.

Matiyu 23:35

Nakan ngani mitama gid sa kanyu ti kaparusahan sa nagmatay sa manga matadlung pag manga tawu sa bilug kalibutan ginan waya sa nanmatay sa kan Abil hanggan sa nanmatay sa kan Sakaryas ti anak ni Barakyas, kanyu minatay sa tab-anan Balay Diyus ag surunugan hayup handug sa Diyus.

Binwat 17:26

Kay linalang Diyus ti usa ka tawu hampay siya ti kinalahian tanan nasyun tawu nangulian sa babaw daga. Pagka udwaya linalang Diyus ti tawu, daan inisip Diyus ti kada tawu kay kaudasan niya buhi hanggan kay ulian pag daga.

Diyuturunumiyu 19:11

“Dapat nu may usa ka tawu magkagalit sa kay kaparihu bag-u kay hinarangan ag minatay, pagkatapus rargu siya nalagiw sa usa sa manga banwa darangpan,

Diyuturunumiyu 19:12

kailangan ipabuul siya manga manugpamahala sa kay banwa ag ipabahala sa magkaibug gumanti sa kanya hampay matyun siya.

Talaghusay 9:56

Sa panab-anan tunda, pinabayad Diyus si Abimilik sa binwat niya daut sa kay ama dahil sa kay pagmatay sa 70 niya ka patar-ari.