Gimpuunan 9:4 - Hanunuu

⁴ Dapat danga niyu pagkan-a ti hayup balaw linmuwas kay dugu sa kay pagkamatay, dahil ti dugu pahalimbawa buhi.

Gimpuunan 9:4 Iomraidhean Croise

Isikil 33:25

Sabihi nimu aku, ti Panginuun Diyus magkun: ‘Kanyu aw isip kamu ti umapu tunda pag daga una magkaun kamu taguban may dugu waya, ag magsamba sa kanyu manga diyus-diyusan, bag-u magpanmatay tawu?

Libitiku 19:26

Danga kamu magkaun taguban may dugu waya. Danga niyu pagbuwata ti manga pagbuwatun manughula hanggan panhirian.

Libitiku 3:17

Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Libitiku 7:26

Una naan kamu pag mangulian, danga kamu magkaun dugu manuk hanggan dugu hayup.

Binwat 15:20

Dapat ay suratan nita sida sa danga sida kumaun karan-unun ihinandug sa diyus-diyusan, danga sida magpamabayi magpanlalaki, danga sida kumaun taguban hayup nu in-gut unman nakaluwang kay dugu ag danga waydi sida kumaun dugu.

Binwat 15:25

Nakan pinagkausahan nimi pumili kami manga masugu tabug sa kanyu, ipakuyug sa kanda ni Birnabi ni Pablu, kanta pagmayadun pag manga patar-ari,

Binwat 15:29

danga kamu kumaun una hintay pag karan-unun ihinandug sa manga diyus-diyusan, danga kamu kumaun dugu, una taguban hayup in-gut unman nakaluwang kay dugu ag danga kamu magpanlalaki magpamabayi. Inda pag manga bagay kailangan niyu iwasan hampay kamu mas lalu waya rumig-un. Imaw lang tugka kanmi surat.”

Diyuturunumiyu 12:16

Dapat danga niyu pagkan-a kay dugu; uyanga niyu inda sa daga parihu ga danum.

Diyuturunumiyu 12:23

Basta pihuun lang niyu balaw niyu kan-un kay dugu, dahil sa dugu ti buhi. Danga niyu pagkan-a ti buhi kaibahan sa taguban.

Diyuturunumiyu 14:21

“Danga niyu pagkan-a una hintay pag hayup namatay yi. Mahimu niyu inda iayaw ngatay ipabili sa manga day-uhan mag-uli sa kanyu manga banwa, ag kanda kan-un. Dapat kamu danga gid magkaun inda, dahil ipinablag kamu bilang nasakupan Panginuun niyu Diyus. “Danga niyu pagtamaa ti anak kambing sa gatas niya ina.

Diyuturunumiyu 15:23

Dapat kailangan unman niyu kan-un ti dugu, nu unman uyanga niyu sa daga parihu ga danum.”

1 Timutiyu 4:4

Ti tanan bagay linalang Diyus unman may hintay ag unman kailangan may manga tun-anun nu pagtanggapun nita may pasalamat,

1 Samwil 14:32

Nakan nagdaldali sida nagdakup karanidu hanggan baka ginan sa kanda inaghas, ag ati yi ngap nida pag iniyaw tunda bag-u kinaun ti taguban may dugu di.