Gimpuunan 9:23 - Hanunuu

²³ Binmuul rutay sida ni Sim ni Hapit bag-u ipinauli nida sa kanda labay, pagkatapus, pinmausun sida atabug sa sulud turda hampay takipan kanda ama. Balaw sida nag-aliwliw dahil dayu nida makitan kanda ama uba.

Gimpuunan 9:23 Iomraidhean Croise

Gimpuunan 9:22

Taynguna, si Kam kay ama ni Kanaan sinmulud sa turda, ag nakitan niya uba kay ama. Nakan linmuwas siya ag sinabihan niya kay duwa ka patar-ari.

Gimpuunan 9:24

Pagka nahumpawan yi si Nuwi sa kalanguhan, ag naalaman niya nu hintay ti binwat niya kap-usan pag anak,

Pag-ighit 20:12

“Galanga niyu kanyu ama ag ina hampay mabuhi kamu dugay sa pag-ipakaun niku pag daga sa kanyu.

Libitiku 19:32

Galanga niyu ti manga gurangun, galanga diman niyu aku kanyu Diyus. Aku ti Panginuun.

Ruma 13:7

Ipakaun niyu sa kada usa ti dapat sa kanya. Pagbayad buhis hanggan manga lisinsiya sa manughiyaput buhis. Paggalang sa may karampatan galangun, pahalgai niyu ti dapat pahalgaan.

Galasya 6:1

Manga patar-ari, nu may naabutan kamu tawu magbuwat kasalanan, kailangan sa kanyu tunda ti manga tuludluan Ispiritu ti pagtadlung sa kanya, dapat pagmaalumanay kamu ti kada usa. Pagpasunaid sa kanyu sadili bilug barang kamu matuksu waydi.

1 Timutiyu 5:1

Danga nimu pagkaransaha sa hampang ti manga lalaki gurangun man sa kanmu. Hampangun nimu sida may galang parihu sa kanmu maggalang sa kanmu ama. Isipa nimu pinagkapatar-ari ti manga kalay-awan lalaki.

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.

1 Timutiyu 5:19

Nu may magbintang sa manug-asiwa iglisya, danga nimu pasnuan nu unman may duwa manga tulu ka kastigus.

1 Pidru 2:17

Galangun niyu ti tanan manga tawu, ag mahalun niyu ti manga patar-ari sa kan Kiristu. Pag-ugali kamu maggalang sa Diyus. Galangun diman niyu ti Pangulu Hari.

1 Pidru 4:8

Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.