Gimpuunan 9:20 - Hanunuu

²⁰ Si Nuwi usa ka manugtanman ag siya ti un-an nagtanum ubas.

Gimpuunan 9:20 Iomraidhean Croise

Gimpuunan 3:23

Nakan pinaighit siya Panginuun Diyus ginan sa halamanan Idin hampay tanmanun kay gininanan pag daga.

Gimpuunan 4:2

Pagka dugay, nanganak maan lalaki si Iba, ag Abil kay ipinaingaran sa kanya. Si Abil usa ka manug-alaga manga karanidu hanggan kambing. Si Kain bay manugtanman kay buwat.

Gimpuunan 5:29

Magkun siya, “Inda kang anak makaawat sa kanta sa manga kakurian nita sa magtarabahu sa sinaadan Panginuun pag daga, nakan ingarnan niku siya Nuwi.”

Gimpuunan 9:19

Sida tulu ti gimpuunan tanan tawu sa kalibutan.

Gimpuunan 9:21

Pagka sa usa ka sirang, inminum siya irinmun makalangu ag nalangu siya. Naturug siya uba-uba sa sulud niya turda.

Kabagawan 10:11

Ti pagbagawun tawu matadlung makaawat sa iba, dapat ti pagbagawun daut pag tawu makapadamhak.

Kabagawan 12:11

Ti masipag pag manugtanman may abunda pag karan-unun. Ti mag-uyang kay udas sa unman may pulus pag buruwatun kurang kay intindi.

Kabagawan 24:30

Linmawuy aku sa tanman usa ka bugyahin pag tawu unman may intindi.

Manugtudlu 5:9

Dapat mas makalamang waya ti hari sa kita daga manga pugri kaysa kanda tanan pag manga takinan.

Kanta ni Sulumun 1:6

Danga niyu pagpuyai kang pagkamabiru dahil sa subra pag init. Nangisug sa kangku kang manga patar-ari lalaki, ag pinatarabahu nida aku sa ubasan. Nakan udyi aku may udas hampay man-asikasu sa kang sadili.

1 Kurintu 9:7

Hintay pag sundalu tigsirbi sa katungkulan sadili niya gastus. Si unu lugud pag tawu ti magtanum ubas bag-u ud magpakinabang sa kay burak? Hintay pag manug-alaga sa karanidu ti unman magpakinabang sa kay gatas?

Diyuturunumiyu 20:6

Nu may imaw sa kanyu nakatanum ubas ag unman waya siya nakakinabang kay burak inda, pag-uli siya barang mamatay siya sa girahan ag iba pag tawu ti mamakinabang inda.

Diyuturunumiyu 28:30

“Agawun iba ka lalaki kanyu asawan-un pag babayi. Manbungsud kamu balay dapat balaw kamu ti mangulian siyun. Mantanum kamu manga ubas dapat balaw kamu ti pumakinabang kay manga burak.