Gimpuunan 8:22 - Hanunuu

²² Habang atay di waya ti kalibutan, may panahun tigparamgas ag tig-arani. May tigraramig ag may tig-irinit, may abagat ag turungun, ag may sirang ag may yabi.”

Gimpuunan 8:22 Iomraidhean Croise

Gimpuunan 45:6

Ikadwa di waya inda pag timpu taglun-us, ag may dumasun waya lima ka timpu unman may ani.

Pag-ighit 34:21

“Pagtarabahu kamu sa sulud unum ka sirang, dapat sa ikapitu pag sirang pumahari kamu, una sa udas tig-aradu ag tig-arani.

Hirimyas 31:35

Magkun waya ti Panginuun, “Aku ti nagsugu sa init hampay magpakaun-rayaw sa buu sirang, hanggan sa bulan ag manga pamgasan magpakaun-rayaw sa buu yabi. Ag aku ti magkuyikaw sa dagat tugka sa maghagunung ti manga humbak. Aku ti Panginuun ti Makamaskihan sa tanan.

Hirimyas 5:24

Unman sida magbagaw ginan sa tagipusuun kuntay, ‘Dayawun nita ti Panginuun nita Diyus, ti mag-ayaw uran sa kanta sa pangudasun ag mag-ayaw patubas sa kanta sa udas tig-arani.’

Santiyagu 5:7

Nakan ngani manga patar-ari, pag-agwanta sa alagad kamu hanggan sa ud rumas-ug ti Panginuun. Isipa duy niyu ti manugtanman. Tutuu yi gid maggagad sa kay ani, mag-agwanta siya sa alagad sa bag-u padna uran, hanggan sa tig bururak katpung pag uran.