Gimpuunan 8:20 - Hanunuu

²⁰ Nagbuwat harandugan si Nuwi para sa Panginuun. Bag-u nagbuul siya usa sa kada kalasi hayup malumpiyu hanggan diman sa kada kalasi manga manuk malumpiyu, bag-u sinunug niya inda sa harandugan bilang handug sa Panginuun.

Gimpuunan 8:20 Iomraidhean Croise

Gimpuunan 13:18

Nakan hinalin ni Abram kay turda, ag ati siya pag nangulian sa may arani daka puun kayu ni Mamri ati sa Hibrun, bag-u nagbuwat siya ati harandugan para sa Panginuun.

Gimpuunan 13:4

Siyun diman sida un-an nagpatindug harandugan katpung rinmas-ug sida sa Kanaan. Ati nagsamba maan si Abram sa Panginuun.

Gimpuunan 22:2

Bag-u magkun ti Diyus, “Daran-a kanmu bugtung ag pagmahalun pag anak si Isaak bag-u pag-atag kamu sa daga Muriya. Pagdayik kamu sa itudlu niku pag bantud sa kanmu bag-u ati nimu pag ihandug sa kangku kanmu anak si Isaak, bilang handug pagsunugun.”

Gimpuunan 22:9

Pagka rinmas-ug sida sa rugar sinabi Diyus, namuwat si Abraham harandugan, bag-u itinungbaw niya ti manga kayu pamagba sa kay babaw inda. Bag-u ginapus niya si Isaak ag itinungbaw sa babaw harandugan.

Gimpuunan 26:25

Nakan nagbuwat harandugan si Isaak ag nagsamba sa Panginuun. Nagpatindug siya turda sa tunda pag rugar ag nanpakutkut bubun sa kay manga suruguun.

Gimpuunan 33:20

Nagbuwat si Hakub harandugan kay iningarnan Il Iluhi Israil.

Gimpuunan 35:1

Magkun ti Diyus sa kan Hakub, “Pag-alistu kawu, pag-ati kawu sa Bitil ag ati pag pangulian. Pagbuwat kawu ati harandugan para sa kangku, ti Diyus imaw ti nagpakakit sa kanmu katpung nalagiw kawu sa kanmu patar-ari sa kan Isaw.”

Gimpuunan 35:7

Nagbuwat siya harandugan ati. Iningarnan niya Il Bitil tunda pag rugar dahil nagpakakit sa kanya ati ti Diyus katpung kay nalagiw sa kay patar-ari sa kan Isaw.

Gimpuunan 4:4

Si Abil waydi nagbuul usa sa kay panganay pag manga alaga hayup, iniyaw niya inda ag ihinandug sa Diyus ti pinakamayad pag bahagi. Nakabaya ti Panginuun sa kan Abil hanggan sa kay handug,

Gimpuunan 7:2

Pagdara kawu pitu ka paris sa kada kalasi malumpiyu pag hayup, dapat usa lang ka paris sa kada kalasi balaw malumpiyu pag hayup.

Gimpuunan 7:3

Ag pagdara diman kawu pitu ka paris sa kada kalasi manuk. Buwata nimu inda hampay mabuhi sida sa kalibutan.

Gimpuunan 8:19

Linmuwas diman ti tanan hayup: ti maglakaw, ti maglayang hanggan ti magyapang. Mirinsanan sida angay sa kanda kalasi.

Hub 1:5

Kada matapus kanda handaan, maghandug si Hub para sa kay manga anak hampay sida malumpiyu. Madlum surip waya siya mag-ipulaw maghandug manga handug pagsunugun para sa kada manga anak niya, dahil mag-isip siya barang nagkasala kay manga anak ag barang tinikis magbagaw daut laban sa Diyus sa kanda tagipusuun. Pirmi gid katida kay pagbuwatun ni Hub.

Pag-ighit 10:25

Dapat sinmagut si Muysis, “Kailangan daran-un di nimi kanmi manga hayup hampay makapakaun kami manga handug, hanggan manga handug pagsunugun para sa Panginuun nimi Diyus.

Pag-ighit 29:18

Sunuga nimu inda tanan sa harandugan bilang handug pagsunugun para sa kangku. Ti mabanglu pag hungaw inda pag handug sa panab-anan apuy makapasulung sa kangku.

Pag-ighit 29:25

Bag-u bul-a nimu inda sa kanda ag sunuga sa harandugan kaibahan ti manga handug pagsunugun. Ti mabanglu pag hungaw inda pag handug sa panab-anan apuy makapasulung sa kangku.

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

Hibriyu 13:10

Kita may tuhay pag surunugan tungkul sa handug sa Diyus. Ag ti manga manughandug magsirbi sa tiripnan unman may karampatan magsaru sa kanta.

1 Pidru 2:5

Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.