Gimpuunan 8:1 - Hanunuu

¹ Balaw kinalimtan Diyus si Nuwi hanggan kay manga kaibahan hayup sa sulud barku. Nakan ipinahuyup niya ti durus sa kalibutan ag amat-amat maghubas ti danum.

Gimpuunan 8:1 Iomraidhean Croise

Gimpuunan 19:29

Balaw nalimtan Diyus si Abraham igu rinuris niya ti manga banwa sa karatagan nu naan pag mag-uli si Lut, nakan irinibri dap niya si Lut hampay balaw siya maunu.

Gimpuunan 30:22

Unman diman kinalimtan Diyus si Rakil. Dinungug niya kay darangin magkaanak siya hanggan.

Nihimyas 13:14

Bag-u nandarangin aku, “Diyus niku, alalahana nimu aku, danga gid pagkalimti ti manga mayad niku pag binwat para sa kanmu Balay hanggan sa manga buruwatun sitay.”

Nihimyas 13:22

Bag-u sinugu niku ti manga Libita kuntay pagmalumpiyu sida ag pagbantay sa manga sabian hampay kilalan-un manga tawu banal ti Sirang Pamahari. Bag-u nandarangin aku, “Diyus niku, alalahana duy nimu inda kang manga pagbuwatun, ag kaawai nimu aku angay sa kadayawan nimu pagmahal.”

Nihimyas 13:29

Bag-u nandarangin aku, “Diyus niku, alalahana duy nimu ti paglapastangan nida sa kanda pagkamanughandug hanggan sa kanda nagsumpa bilang manga manughandug ag manga Libita.”

Nihimyas 13:31

Siniguradu diman niku ti manga pamagba sa handug madara sa kang-ud pag panahun, hanggan ti manga un-an pag ani. “Diyus niku, alalahana nimu aku ag papaladi.”

Hub 12:15

Nu amparahun niya ti uran, magkamara ti daga, nu pabay-anan niya ti uran, magbaha ag magkadaut ti daga.

Hub 14:13

“Panginuun, nu mahimu itagu yi lang nimu aku sa ulian manga namatay tugka sa madura kanmu pangagalit, ag pagtagka kawu udas kuntay alalahanun nimu aku ati.

Kanta 105:42

Binwat inda tanan Diyus dahil balaw niya kinalimtan kay taratu sa kan Abraham kay manugsirbi.

Kanta 106:4

Panginuun, alalahana aku nu mag-awat kawu sa kanmu nasakupan; ribrihan diman aku nu magribri kawu sa kanda,

Kanta 115:12

Pag-alalahanun kita Panginuun, ag papaladan niya kita. Papaladan niya kay nasakupan Israil hanggan yi ti manga lahi ni Aarun.

Kanta 132:1

Panginuun, danga pagkalimti si Dabid hanggan ti tanan pag manga kakurian kay inagwanta.

Kanta 136:23

Inalala niya kita sa kanta makuri pag kahamtangan. Kay pagmahal unman may katapusan.

Kanta 137:7

Panginuun, alalahana nu hintay ti binwat manga Idumita katpung inagaw Babilunya ti Hirusalim. Magkun sida, “Dauti yi niyu tunda.”

Kanta 29:10

Ti Panginuun ti may kamaskihan sa manga baha. Maghari siya sa unman may katapusan.

Kanta 36:6

Kanmu pagkamatadlung marig-un parihu sa abwat pag manga bantud. Kanmu paghusay balaw masalman parihu sa kalalawdan dagat. Pag-alagaan nimu, Panginuun, ti manga tawu ag manga hayup.

Pag-ighit 14:21

Bag-u ihinunat ni Muysis kay kamang sa dagat, ag naayaw ti dagat sa panab-anan mabisug pag durus kay ipinadara Panginuun ginan sa butlakan. Buu yabi naghuyup ti durus tugka sa binmaliw mamara ti panungaan dagat.

Pag-ighit 15:10

Dapat sa usa lang nimu ka uyup, nalimus sida sa dagat. Nitalnud sida sa kaabasad-basadan parihu sa timga.

Pag-ighit 2:24

Nadnugan Diyus kanda magdangup, ag naala-ala niya kay kasunduan sa kanda ni Abraham, ni Isaak, ag ni Hakub.

Kabagawan 25:23

Nu kabitay ti abagatnan magdara uran, ti maralibak magdara kaguluhan.

Isayas 44:27

Nu sabihun niku mak-at ti sapa, mak-at gid inda.

Hirimyas 50:38

Mak-at ti tanan pagbul-an niya danum! Dahil ti Babilunya rugar napnu pagkayamu pag diyus-diyusan, manga diyus-diyusan magpatalang sa manga tawu.

Amus 8:7

Nakan magsumpa ti Panginuun, ti Diyus pag-ipadayaw linahi ni Hakub, “Balaw gid niku malimtan ti tanan kadautan binuwat niyu.

Hunas 4:11

Aku aw waya abi ti dayu manhinayang sa daka pag banwa Ninibi subra sa 120,000 tawu unman may alam tungkul sa kang manga kasuguan, bag-u may mayamu waya pag manga hayup?”

Nahum 1:4

Sa kay lang bagaw magkak-at ti manga dagat una ti manga sapa, ag magkarubay ti manga pananum sa Basan, hanggan sa Bantud Karmilu ag sa Libanun.

Habakuk 3:2

Panginuun, nadnugan niku ti tungkul sa kanmu manga binwat, nakan magdayaw aku sa kanmu. Taynguna buwata maan inda sa kanmi pag kaudasan. Sa udas ipakakit nimu kanmu pangagalit, kaawai di kami.

Sakaryas 10:11

Dumipay sida sa dagat mabalud dapat kumalma di ti manga balud. Una ti Sapa Nilu mak-at di. Ti pag-ipadayaw-dayaw Asirya umababa ag ti kapangyarihan Ihiptu madura di.

Bilang 10:9

“Nu ati yi kamu sa kanyu kadagaan, ag lumaban yi kamu sa manga kalaban nag-api sa kanyu, patnuga niyu kanyu turumpita hampay aku, ti Panginuun niyu Diyus, alalahanun niku kamu, ag iribri sa kanyu manga kalaban.

Bilang 22:32

Namaingana sa kanya ti anghil Panginuun, “Hayga binakul nimu kanmu asnu katlu ginan? Aku inda ti mag-ampara sa kanmu dahil kanmu ugali balaw mayad sa kang magbantay.

Ipinakakit 16:19

Natlu ti daka pag banwa. Natumpag yi ti manga banwa tanan nasyun. Udyi nakaribri sa sintinsiya Diyus ti bantug pag banwa Babilunya, pinainman intus, kay kahulugan kay mahigpit ngani pag galit Diyus.

Ipinakakit 18:5

Dahil kay manga kasalanan sunggu yi sa langit, dayi malimtan Diyus kay kadautan.

1 Samwil 1:19

Pagka sa usa ka sirang, surip waya gid binmangun si Ilkana hanggan kay magtal-anakan, nagsamba sida sa Panginuun. Pagka natapus ti samba nuli sida sa kanda balay sa Rama. Inulid ni Ilkana si Hana, ag sinagut Panginuun kay darangin ni Hana magkaimaw anak.