Gimpuunan 6:3 - Hanunuu

³ Taynguna, magkun ti Panginuun, “Balaw niku pahintulutan mabuhi dugay masyadu ti tawu dahil sida tawu lang. Nakan kainda ginan, ti tawu mabuhi ud lumampas sa 120 ka timpu.”

Gimpuunan 6:3 Iomraidhean Croise

Gimpuunan 6:2

Nakitan manga anak Diyus ti manga mararinu pag manga anak babayi, nakan inasawa nida kanda pagkaibgan asawan-un.

Nihimyas 9:30

Sa kayamuun pag timpu, inagwanta nimu sida, bag-u pinasandaman sida Ispiritu nimu sa panab-anan manga purupita. Dapat unman nida inda binati, nakan ipinabahala nimu sida sa manga nasakupan sa palibut nida.

Kanta 78:39

Inisip niya manga tawu lang sida, parihu sa mag-arayhay durus magkalyam lang.

Kanta 90:10

Ti pinakadugay nimi buhi 70 ka timpu, ngatay 80 ka timpu nu mabisug kami. Dapat una kanmi pinakamarinu pag manga timpu mayamu kaarimputuhan ag kakurian. Ungud gid balaw magdugay kanmi buhi ag madura kami.

Isayas 5:4

Hintay waya kang nalimtan buwatun para sa kang ubasan? Matagsing pag burak ti pagsarigan niku, dapat pagka pinuti niku maaslum inda.

Isayas 57:16

Sa tutuu, balaw niku kamu kalabanun ngatay unu-unuhun sa tanan udas, dahil nu buwatun niku inda magkaramatay ti linalang niku pag manga tawu.

Isayas 63:10

Lang madi katida, naglaban sida ag pinaruku nida ti Banal Ispiritu. Nakan ngani, linabanan sida Panginuun, ag kalaban yi ngap niya sida.

Hirimyas 11:11

Nakan aku, ti Panginuun magsabi, mamadara aku sa kanda kaparusahan kuntay unman nida makapaiwas. Una manhagad sida awat sa kangku, balaw niku sida patingihan.

Hirimyas 11:7

Sa udas ipinalwas niku kanyu manga ginurang sa daga Ihiptu taynguna tugka pag sirang, paulit-ulit niku sida pagbilinan kuntay kailangan nida aku sundun.

Bilang 11:17

Dumugsun aku ag manhampang sa kanmu siyun, bag-u ibahagi niku sa kanda kay iba ka Ispiritu ti ipinakaun niku sa kanmu hampay makaawat sida sa kanmu.

Huwan 3:6

Pagka ti tawu ainanak niya gurang, may buhi yi kay bilug. Dapat nu ainanak siya Ispiritu Banal, mangulian sa kanya inda pag Ispiritu Banal.

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.

1 Tisalunika 5:19

Danga niyu amparahun ti Ispiritu Banal.