Gimpuunan 6:18 - Hanunuu

¹⁸ Dapat mamuwat gid aku kasunduan sa kanmu. Pagsulud kawu sa barku kaibahan kanmu asawa hanggan manga anak ag kanmu manga umagad.

Gimpuunan 6:18 Iomraidhean Croise

Gimpuunan 17:21

Dapat kang kasunduan sa kanmu sa kan Isaak lang niku pag tupadun hanggan sa kay manga linahi. Ianak ni Sara si Isaak sa ga kainda diman pag udas sa sunud timpu.”

Gimpuunan 17:4

“Inda kang kasunduan sa kanmu: Kawu bumaliw ama mayamu nasyun.

Gimpuunan 17:7

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

Gimpuunan 7:1

Magkun ti Panginuun sa kan Nuwi, “Pagsulud kawu sa barku kaibahan kanmu buu magtal-anakan. Dahil sa tanan tawu sa inda pag sinulput kawu lang ti nakitan niku matadlung.

Gimpuunan 7:13

Tunda katpung pag sirang sa umpisa uran, sinmaka sa barku si Nuwi, kay asawa hanggan kay tulu ka anak nida sida ni Sim, ni Kam ag ni Hapit kaibahan kanda manga asawa.

Gimpuunan 7:7

Sinmaka siya sa barku kaibahan kay asawa, kay manga anak lalaki, hanggan kay manga umagad hampay balaw sida mamatay sa gunaw.

Isayas 26:20

Manga kasimanwa, pagsulud kamu sa kanyu manga balay ag talakpan niyu kanyu sabian. Pagpatagu dapu kamu tugka sa madura ti pangagalit Panginuun.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

1 Pidru 3:20

Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

2 Pidru 2:5

Unman diman waydi pinatawad Diyus ati katpung pag manga makasalanan pag tawu kaybi nu unman tinabu minatay niya sa gunaw. Si Nuwi lang ti nagtudlu katadlungan imaw kay irinibri Diyus hanggan ti pitu ka tawu naribri diman waydi kaibahan ni Nuwi.