Gimpuunan 6:17 - Hanunuu

¹⁷ Dahil gunawun niku ti kalibutan hampay maruris ti tanan magkabuhi. Mamatay ti tanan asan sa kalibutan.

Gimpuunan 6:17 Iomraidhean Croise

Gimpuunan 2:7

Linalang Panginuun Diyus ti tawu ginan sa daga. Inarupan niya sa irung ti tawu arup magpakaun buhi. Nakan ti tawu may buhi yi ngani.

Gimpuunan 6:13

Nakan magkun siya sa kan Nuwi, “Rurisun niku ti tanan tawu. Dahil sa kanda, nangalat ti kadautan sa kalibutan. Rurisun niku sida kaibahan kalibutan.

Gimpuunan 6:16

Paulian nimu bubung ti barku, ag paulii nimu agwat manga tunga mitrus kay lingub hanggan atup. Buwatan nimu tulu ka ugpu salug ti barku, bag-u paulii sabian sa saruy.

Gimpuunan 6:7

nakan magkun siya, “Rurisun niku ti tanan linalang niku pag tawu, hanggan ti tanan hayup sa daga kaibahan ti manga hayup maglayang. Magsisi aku nu hayga linalang waya niku sida.”

Gimpuunan 7:15

Angay sa isinugu Diyus sa kan Nuwi, ipinasaka niya sa barku ti kada paris tanan kalasi hayup nagpakarani sa kanya. Bag-u tinalakpan Panginuun ti sabian barku.

Gimpuunan 7:17

Unman may apas ti uran sa kalibutan sa sulud upatpulu ka sirang. Linmapaw ti danum tugka sa yinmataw ti barku.

Gimpuunan 7:4

Dahil makalawuy ti pitu ka sirang taynguna ginan, pauranan niku ti buu kalibutan sa sulud upatpulu ka sirang ag upatpulu ka yabi, hampay rurisun ti tanan niku linalang.”

Gimpuunan 9:9

“Inda kang kasunduan sa kanyu hanggan sa manga lahi niyu, ag sa tanan hayup kanyu nakaibahan sa barku hanggan sa tanan hayup magkabuhi sa kalibutan: Balaw yi niku umanun rurisun sa panab-anan gunaw ti tanan pag magkabuhi. Udyi may gunaw mangyari hampay maruris ti kalibutan.”

Hub 22:16

Nagkaramatay sida sa balaw waya kanda udas; parihu sida sa patakinan balay inanud baha.

Kanta 107:34

Pagbuwatun niya ti mayad pag daga unman may pulus, dahil sa manga kadautan manga mag-uli siyun.

Kanta 29:10

Ti Panginuun ti may kamaskihan sa manga baha. Maghari siya sa unman may katapusan.

Pag-ighit 14:17

Paganitun niku ti tagipusuun manga Ihipsiyu hampay bukadun nida kamu. Dapat rurisun niku ti hari Ihiptu hanggan kay manga sundalu, manga manugkabayu ag manga kalisa. Sa panab-anan tunda, madayaw aku.

Isayas 51:12

Sinmagut ti Panginuun, “Aku ti nagpabisug ag nagpasulung sa kanyu. Nakan hayga kamu madala sa kaparihu niyu tawu mamatay diman ga ilamnun?

Isayas 54:9

“Para sa kangku, parihu inda sa kaybi sa udas ni Nuwi pagka nanaratu aku balaw yi niku gunawun ti kalibutan. Taynguna waydi, nanaratu aku balaw yi aku magalit ngatay mamarusa sa kanyu.

Isikil 34:11

“Aku, ti Panginuun Diyus magkun, aku mismu ti manhanap sa kang manga karanidu hanggan manug-alaga sa kanda.

Isikil 34:20

“Nakan aku, ti Panginuun Diyus, magkun sa kanyu, aku mismu ti manpasaman sa matabul pag manga karanidu sa maniwang manga karanidu.

Isikil 5:8

Nakan aku, ti Panginuun Diyus, laban sa kanyu. Parusahan niku kamu sa atubangan manga nasyun.

Isikil 6:3

Kamu pag manga bantud Israil, manga luung ag manga ratag, patingihi niyu ti pagsabihun Panginuun Diyus: Padarahan niku kamu girahan, ag panggub-un niku kanyu manga simbahan sa abwat pag manga rugar.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Libitiku 26:28

sa kang pangagalit labanan niku kamu bag-u parusahan pitu waya gid ka bisis.

Amus 9:6

Ti Diyus ti nagbuwat kay ulian sa langit. Siya diman ti nagbuwat kalayawan sa tungud daga. Siya diman ti magtipun danum dagat sa manga rurum ag pag-ipauran niya inda sa daga. Kay ngaran imaw ti Panginuun.”

Matiyu 24:39

Nagras-ug ti gunaw unman nida namalayan, inanud sida tanan-tanan. Katunda diman ti mangyari aban sa kay pagras-ug Anak Tawu.

Lukas 17:27

Nagkaun ti manga tawu, nag-inum, nagpangasawa sida ag ipinaasawa hanggan sa ati katpung pag sirang pagka sinmaka si Nuwi sa kay sakayan ag binmaha daka napapas sida tanan.

Ruma 5:21

Nakan nu hinmari ngani ti kasalanan sa panab-anan kamatayan, katunda diman humari ti pangaawa Diyus nu pagkilalan-un niya ti manga tawu kuntay manga matadlung, hampay karubtan nida ti buhi unman may katapusan sa panab-anan nita Panginuun Hisu-Kiristu.

Ruma 6:23

Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

1 Pidru 3:20

Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

2 Pidru 2:5

Unman diman waydi pinatawad Diyus ati katpung pag manga makasalanan pag tawu kaybi nu unman tinabu minatay niya sa gunaw. Si Nuwi lang ti nagtudlu katadlungan imaw kay irinibri Diyus hanggan ti pitu ka tawu naribri diman waydi kaibahan ni Nuwi.