Gimpuunan 50:17 - Hanunuu

¹⁷ kuntay sabiha sa kanmu patawada nimu kami sa daut pag binwat nimi sa kanmu. Nakan taynguna, mana patawadun nimu kami pag manga suruguun diman Diyus nita ama.” Pagka nakaras-ug ti pabilin nida sa kan Husi, nanlumi siya.

Gimpuunan 50:17 Iomraidhean Croise

Gimpuunan 31:42

Nu balaw siguru aku giniyahan Diyus, ti paggalangun niku ama, ni Isaak, imaw diman ti Diyus ni Abraham, barang tinulak yi nimu aku unman may kadara-dara. Dapat nakitan Diyus kang pag-agwanta hanggan magtarabahu, nakan pinaandaman niya kawu kis-ab yabi.”

Gimpuunan 45:8

Nakan balaw kamu ti nagpadara sa kangku atay nu unman ti Diyus di. Binwat niya aku manugpatigayun hari Ihiptu, ag manugpamahala niya magtal-anakan hanggan buu Ihiptu.

Gimpuunan 49:25

Siya ti Makamaskihan pag Diyus niyu manga ginurang, ti mag-awat ag magpapalad sa kanmu. Papaladan niya kawu uran ag danum sa manga bulbugan. Ag pakan-an niya kawu mayamu pag anak hanggan hayup.

Gimpuunan 50:16

Nakan namabilin sida tag sa kan Husi magkumun, “Magbilin kanta ama bag-u siya namatay

Gimpuunan 50:18

Balaw nagdugay, nag-ati ngap kay manga patar-ari sa kanya. Pagras-ug nida, nagyuk-ub sida sa atubangan niya bilang paggalang. Bag-u magkun sida, “Atay kami, mahimu nimu buwatun suruguun.”

Gimpuunan 50:20

Ungud gid kamu naggayak daut sa kangku, dapat gayak yi Diyus tunda bumurak kaayadan imaw ti nagribri taynguna sa mayamu tawu sa taglun-us.

Kanta 21:11

Maggayak sida daut laban sa kanmu, dapat balaw gid sida manalu.

Kabagawan 28:13

Unman gid kawu umunlad nu balaw nimu isabi kanmu manga kasalanan, dapat nu itultul nimu inda ag dayuun, kaawaan kawu Diyus.

Matiyu 10:42

Una si unu ti pumakaun una lang usa ka ungut danum maramig sa usa sa pinakaababa pag tuludluan niku, Ungud duy kang pagsabihun sa kanyu, pihu gid makatanggap siya pirimyu.”

Matiyu 18:35

Katunda diman waydi kay buwatun sa kanyu niku Ama sa langit nu balaw lubusan patawadun niyu kanyu patar-ari.”

Matiyu 25:40

Sabihun Hari magkun, ‘Ungud duy kang pagsabihun sa kanyu, pagka binwat niyu inda sa usa sa manga patar-ari niku mapinakumbabaun, sa kangku yi ngap pag binwat niyu tunda.’

Matiyu 6:12

Patawada nimu kanmi manga kasalanan, parihu sa kanmi magpatawad sa manga nagkasala sa kanmi.

Markus 10:41

Pagka ti sampulu ka tuludluan nakadnug tunda, magkagalit sida sa kanda ni Santiyagu ni Huwan.

Galasya 6:10

Nakan ngani danga nita ipalawuy nu may rugar hampay magbuwat mayad sa kanta kaparihu, lalu gid sa manga kaparihu nita magsarig sa kan Kiristu.

Galasya 6:16

Ti tanan manga mag-ugali angay sa inda pag manga isinurat niku, hanggan ti tanan nasyun Diyus, kang pag-idarangin hampay sa kanda yi kay kahusayan hanggan kay awa Diyus.

Ipisu 4:32

Bagkus ngap pagpakabuut kamu, pagmatugway kamu, pagparatawadan sa kada usa parihu sa kay nagpatawad Diyus sa kanyu dahil sa kan Kiristu.

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.