Gimpuunan 5:3 - Hanunuu

³ Pagka 130 ka timpu yi si Adam, ainanak kay anak ga kay histuda. Pinaingarnan niya inda Sit.

Gimpuunan 5:3 Iomraidhean Croise

Gimpuunan 4:25

Nag-ulid maan si Adam sa kan Iba, ag nanganak si Iba usa ka lalaki. Magkun siya, “Pinakan-an maan aku Diyus anak lalaki bilang ilis sa kan Abil, ti minatay ni Kain, nakan ingarnan niku siya Sit.”

Gimpuunan 5:2

Linalang niya ti lalaki hanggan ti babayi, pinapaladan niya sida ag iningarnan “tawu”.

Gimpuunan 5:4

Pagka ainanak si Sit, nabuhi waya si Adam 800 timpu ag nadugangan waya kay manga anak.

Hub 14:4

May tawu aw lugud sa kanmu hurusayan magkabuhi matadlung gid? Unman! Dahil ti tanan iinanak makasalanan.

Hub 25:4

Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

Kanta 51:5

Daut aku ag nagsalan ginan waya sa kang pagkalusad.

Lukas 1:35

Sinmagut ti anghil magkun, “Pumakababa tag sa kanmu ti Ispiritu Banal, humamuy sa kanmu ti kapangyarihan Diyus Makamaskihan, nakan ti anak ianak aban pagsabihun banal, ti Anak Diyus.

Lukas 3:36

Si Sala anak ni Kainan. Si Kainan anak ni Arpaksad. Si Arpaksad anak ni Sim. Si Sim anak ni Nuwi. Si Nuwi anak ni Lamik.

Huwan 3:6

Pagka ti tawu ainanak niya gurang, may buhi yi kay bilug. Dapat nu ainanak siya Ispiritu Banal, mangulian sa kanya inda pag Ispiritu Banal.

Ruma 5:12

Usa ka tawu ti pinun-an kasalanan sa kalibutan bag-u ti kasalanan pinun-an maan kamatayan. Siyun ginan ti kamatayan magkalakawan tanan pag manga tawu dahil nagkasala ti tanan tawu.

1 Kurintu 15:39

Balaw tanan nayi parihu, ti nayi tawu tuhay waydi sa hayup, tuhay waydi ti nayi manuk, tuhay maan ti nayi isda.

1 Kurintu 15:49

Kanta daan histuda parihu sa kabag-u pag tawu binwat sa daga, katunda diman kanta histuda aban parihu sa nagsitay ginan sa langit.

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.