Gimpuunan 49:9 - Hanunuu

⁹ Parihu kawu sa anak liyun igu nakasayab magbalik maan sa kay ulian ag ati pag magpahari. Ag unman may pumanghas bumalag sa kanya.

Gimpuunan 49:9 Iomraidhean Croise

1 Hari 10:20

May imaw waydi histuda liyun sa kada saruy halintang. Dusi tanan ka histuda sa unum ka halintang. Unman may makaparihu sa inda pag turukawan sa una naan pag kaharian.

2 Krunika 9:18

May unum ka halintang ti tukawan hari, ag inda may gintu tarat-an lulud. Sa kada giriw may turungbawan kamang may imaw histuda liyun matindugan.

Isikil 19:5

“Pagka naalaman ina liyun nibuyu kay gustu para sa kay anak, pinadaka maan niya kay usa ka anak ag nagbaliw mabaskug diman inda pag liyun. Nagkuyug inda sa iba manga liyun, madunung inda magtukub ag magkaun tawu.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Husyas 5:4

“Kanyu daut manga buruwatun imaw ti mag-ampara sa kanyu sa pagbalik sa kangku sa kanyu Diyus. Dahil asan sa kanyu tagipusuun ti ispiritu mag-udyuk sa kanyu sa pagsamba sa manga diyus-diyusan, ag balaw niyu aku pagkilalan-un Panginuun.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Bilang 23:24

Inda pag nasakupan parihu sa liyun alistu maggira balaw magpahari tugka sa makaun niya kay bulay ag maigup kay dugu.”

Bilang 24:9

Parihu sida sa liyun nu magkaturug unman may magpanghas mamulaw sa kanda. Pagmayadun ti manga magmayad sa kanda ag saadan ti manga magsaad sa kanda.”

1 Kurintu 15:24

Bag-u rumas-ug ti katapusan. Duraun niya ti tanan kaharian, ti pamahalaan, ti kapangyarihan, ag ipakaun niya ti kaharian sa Diyus Ama.

Diyuturunumiyu 33:20

Magkun si Muysis tungkul sa lahi ni Gad, “Dayawun ti Diyus, ti nagpadaka sa sakup lahi ni Gad! Magkabuhi sida sa inda pag daga parihu sa liyun alistu dumuksul sa takyay ngatay ulu manga kalaban.

Ipinakakit 5:5

Bag-u nagsabi ti usa sa manga gurangun sa kangku magkun, “Danga duy maglumi. Ti Liyun sa lahi ni Huda, ti mamaski pag linahi ni Dabid imaw ti nanalu nakan siya ti makabukas kasuratan ag makabuul kay pitu ka kula.”