Gimpuunan 49:29 - Hanunuu

²⁹ Pagkatapus, magkun si Hakub sa kay manga anak, “Taynguna, balaw yi dugay ag makaibahan yi niku kang manga katawuhan namatay. Nu mangyari yi inda, lubngan niyu aku sa lulubngan niku manga ginurang, ati sa lukib sa may tanman ni Iprun usa ka Hitiyu.

Gimpuunan 49:29 Iomraidhean Croise

Gimpuunan 15:15

Kawu waydi Abram, palawigun niku kanmu buhi ag mamatay kawu gurangun yi gid ag may kahusayan.

Gimpuunan 23:16

Nagpasnu ngani si Abraham sa sinabi ni Iprun pag halaga. Nakan namayad siya 400 bilug pilak angay sa kiluhan kaybi manga manug-ahinti. Ag ibinayad niya inda sa kan Iprun ati sa atubangan manga Hitiyu.

Gimpuunan 23:17

Nakan naapu ni Abraham ti tanman ni Iprun ati sa Makpila, sa butlakan Mamri, hanggan yi ti lukib, ti manga puun kayu sa tanman hanggan sa kay saruy tanman. Kastigus ti tanan Hitiyu magtiripnan ati sa puwirtahan banwa.

Gimpuunan 23:20

Nakan ti tanman hanggan ti lukib, ti daan magkaapu manga Hitiyu, naapu yi ni Abraham, ag binwat niya inda lulubngan.

Gimpuunan 23:9

kuntay pabilihan sa kangku kay lukib ati sa may saruy niya tanman sa Makpila. Sabihi niyu siya bayadan di niku siya sa kang-ud pag halaga sitay sa kanyu atubangan hampay kangku yi inda pag lukib agud buwatun lulubngan.”

Gimpuunan 35:27

Nag-ati si Hakub sa kay ama sa kan Isaak sa Mamri, arani sa Kiryat Arba (pag-ingarnan diman Hibrun). Inda pag rugar ti inulianan ni Isaak imaw diman ti inulianan kaybi ni Abraham.

Gimpuunan 35:29

Namatay siya gurangun yi, may marig-un pag buhi ag kaibahan yi siya niya manga katawuhan namatay yi. Ilinbung siya niya manga anak ni Isaw ag ni Hakub.

Gimpuunan 47:30

Nu mamatay yi aku, lubngan nimu aku sa lulubngan niku manga ginurang.” Nagsagut si Husi, “Tupadun duy niku kanmu pagsabihun.”

Gimpuunan 49:28

Sida ti 12 ka anak ni Hakub ti gimpuunan manga linahi Israil. Ag tunda ngani kay sinabi ni Hakub sa kada usa sa kanda. Pinapaladan niya sida angay sa papalad para sa kanda.

Gimpuunan 49:33

Pagka natapus kay pagsabihun ni Hakub sa kay manga anak, napahuway siya ag naugtasan arup. Ag imininsan siya sa kay manga katawuhan namatay yi.

Gimpuunan 50:12

Tinupad manga anak ni Hakub kay bilin sa kanda.

Gimpuunan 50:13

Dahil dinara nida kay bangkay sa Kanaan ag ilinbung sa lukib ati sa tanman Makpila, sa butlakan Mamri. Binili ni Abraham tunda pag tanman sa kan Iprun usa ka Hitiyu hampay buwatun lulubngan.

2 Samwil 19:37

Muli yi lang aku, hampay nu mamatay aku, ati aku pag mamatay sa kang sadili banwa, nu naan pag ilinbung kang manga gurang. Atay kang anak si Kimham imaw ti sumirbi sa kanmu. Tabana siya, Mahal Hari, ag buwata nimu nu hintay sa kanmu magbantay ti mayad sa kanya.”

Hibriyu 12:23

hanggan sa iglisya manga anak panganay Diyus. Kanda manga ngaran inilista ati sa langit. Nagpakarani kamu sa Diyus, imaw ti pumihu aban kay daut kay mayad tanan-tanan tawu hanggan manga anghil. Nagpausa kamu sa manga tawu matadlung, sa manga udyi may kakurangan una di.