Gimpuunan 49:25 - Hanunuu

²⁵ Siya ti Makamaskihan pag Diyus niyu manga ginurang, ti mag-awat ag magpapalad sa kanmu. Papaladan niya kawu uran ag danum sa manga bulbugan. Ag pakan-an niya kawu mayamu pag anak hanggan hayup.

Gimpuunan 49:25 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 27:28

Mana pakan-an kawu Diyus abunda sa ani pag daga pirmi may tun-ug papalad niya, hampay abunda kawu sa karan-unun hanggan irinmun ubas.

Gimpuunan 28:13

Nakitan diman niya ti Panginuun matindugan sa tungud agdan ag magkun tag sa kanya, “Aku ti Panginuun, ti Diyus ni Abraham ag ni Isaak. Ipakaun niku sa kanmu ag sa kanmu manga linahi inda pag daga kanmu pag paigyaan.

Gimpuunan 28:21

ag nu makabalik maan aku sa balay niku ama sa unman may nu hintay pag kadautan ti mangyari sa kangku, kilalan-un niku kawu kang Diyus.

Gimpuunan 28:3

Mana papaladan kawu Diyus Makamaskihan ag pakan-an mayamu pag anak hampay kawu ti bumaliw ama mayamu nasyun.

Gimpuunan 32:9

Nandarangin si Hakub, “Diyus niku laki ni Abraham ag Diyus niku ama ni Isaak, kawu duy ti Panginuun ti magkumun sa kangku pagbalik aku sa kang manga katawuhan, ati sa daga nu naan aku pag iinanak, ag papaladan nimu aku.

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 35:3

Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

Gimpuunan 43:23

Nagsagut ti manugpamahala pag suruguun, “Danga kamu magkaarimputu hanggan magkadala. Kanyu Diyus, ti Diyus diman niyu ama, ti nagpauli tunda pag kuwarta sa kanyu manga saku. Natanggap niku kanyu bayad sitay.” Pagkatapus, dinara niya si Simyun sa kanda.

Gimpuunan 48:3

Magkun si Hakub sa kan Husi, “Katpung ati di waya aku sa Lus, sa daga Kanaan, napakakit sa kangku ti Makamaskihan pag Diyus ag pinapaladan niya aku.

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Kanta 85:12

Pihu ipakaun Panginuun sa kanta ti mayad, ag magkaimaw patubas kanta daga.

Pag-ighit 18:4

Kay pangadwa si Iliyisir, dahil pagka inanak siya, magkun si Muysis, “Ti Diyus niku ama ti mag-awat sa kangku. Irinibri niya aku sa baladaw hari Ihiptu.”

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Ipisu 1:3

Pagpasalamat kita sa Diyus Ama nita Panginuun Hisu-Kiristu. Ipinakaun niya sa kanta ti tanan ipinapalad Ispiritu Banal sa langit dahil sa kanta magpakiusa sa kan Kiristu.

Diyuturunumiyu 33:1

Inda ti sinabi ni Muysis imaw ti manugsirbi Diyus pag papalad sa manga Israilita bag-u siya namatay.

Diyuturunumiyu 8:17

Barang sumabi kamu sa kanyu sadili, ‘Dahil sa kang sadili kapangyarihan ag kabisugan naapu niku inda tanan pag kasiyunan.’

Pilipus 4:19

Ginan sa kay kayamanan unman may katabwanan, ipakaun niya ti tanan niyu kailangan dahil sa kanyu gid magpakiusa sa kan Kiristu Hisus.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.