Gimpuunan 49:24 - Hanunuu

²⁴ dapat pirmi diman nimu sida panaun. Ag kanmu takyay parargu di gid mabaskug, dahil sa awat Diyus Makamaskihan, ti manug-alaga ag darangpan pag batu Israil.

Gimpuunan 49:24 Iomraidhean Croise

Gimpuunan 45:11

Alagaan niku siya ati sa Gusin dahil may rumas-ug waya lima ka timpu taglun-us. Balaw niku gustu malun-usan siya hanggan kay magtal-anakan, una hanggan ti manga hayup niya.”

Gimpuunan 45:5

Taynguna, danga kamu magkataranta ag danga niyu pagsisiha kanyu sadili sa kanyu binwat sa kangku, dahil ti Diyus imaw ti nagpadara sa kangku atay hampay iribri kanyu buhi.

Gimpuunan 45:7

Dapat ipinauna aku Diyus atay hampay mairibri kamu ag masawad di ti kayamuan sa kanyu sitay sa kalibutan.

Gimpuunan 47:12

Tinustusan karan-unun ni Husi kay ama, hanggan kay manga patar-ari ag ti buu magtal-anakan niya ama, angay sa kayamuun nida manga anak.

Gimpuunan 48:15

Pagkatapus, pinapaladan niya sida magkumun, “Mana papaladan Diyus inda pag manga anak, ti sinirbihan niku manga ginurang nida ni Abraham ni Isaak, imaw diman ti Diyus maggiya sa kangku ginan sa kang pagkalusad tugka taynguna.

Gimpuunan 49:23

Kasamukan kawu manga manugpana. Sa kanda pangagalit panaun nida kawu,

Gimpuunan 50:21

Nakan danga kamu magkadala. Aku ti bahala sa kanyu hanggan sa kanyu manga anak.” Tinaratuhan ni Husi sida ag may kahusayan yi kanda nalub-anan.

2 Samwil 5:2

Ginan di waya sa kabag-u, una si Saul waya kanmi hari, kawu yi ti magpanguna sa manga Israilita sa girahan. Nagkumun diman ti Panginuun, ‘Giyahan nimu kang manga nasakupan Israilita parihu sa paggiya usa ka manug-alaga sa kay manga karanidu. Kawu ti takinan nida.’ ”

2 Hari 13:16

Bag-u sinabihan siya ni Ilisyu, bitbita kay pamana. Pagka binitbit niya inda, hiniyaptan ni Ilisyu kay kamang

Nihimyas 6:9

Alam niku pagpadalaun lang nida kami hampay umapas kanmi magbuwat. Dapat nandarangin aku sa Diyus kuntay pabisugun waya gid niya aku.

Hub 29:20

Pirmi aku mabisug ag pagdayawun manga tawu.

Kanta 118:22

Ti dinayu manugpatindug balay pag batu imaw ngap ti nagbaliw patakinan pag batu.

Kanta 132:1

Panginuun, danga pagkalimti si Dabid hanggan ti tanan pag manga kakurian kay inagwanta.

Kanta 132:2

Alalahana kay taratu sa kanmu, Panginuun, ti Makamaskihan pag Diyus ni Hakub. Nagtaratu siya kuntay,

Kanta 132:5

tugka sa makakit aku ulian para maulian Panginuun, ti Makamaskihan pag Diyus ni Hakub.”

Kanta 18:1

Pagmahalun niku kawu, Panginuun. Kawu kang kabisugan.

Kanta 18:30

Diyus, kanmu palakaw unman may ikasabi. Kanmu bagaw masarigan gid. Parihu kawu sa panangga sa tanan magdangup sa kanmu.

Kanta 23:1

Panginuun, kawu kang manug-alaga, nakan balaw aku pagkurangun.

Kanta 27:14

Pagsarig kamu sa Panginuun! Pagpakarig-un kamu, danga magkabul-an pag-asa. Pagsarig lang kamu sa Panginuun!

Kanta 28:8

Kawu, Panginuun, ti magpakaun kabisugan sa kanmu nasakupan. Kawu ti marig-un pag darangpan ag manugribri nimu pinili pag hari ngatay nasakupan.

Kanta 44:7

Dahil kawu ti magpapanalu sa kanmi laban sa kanmi manga kalaban. Pagpakay-ahun nimu ti manga maglaban sa kanmi.

Kanta 73:23

Dapat una katida magpakarani di aku sa kanmu ag paggiyahan nimu aku.

Kanta 80:1

Patingihi kami, Manugbantay Israil, ti manuggiya sa manga lahi ni Husi parihu sa manga karanidu. Kawu matukawan sa kanmu tukawan hari sa tungud manga kirubin, pakakitan kanmu kamaskihan

Kanta 89:1

Panginuun, kantahun niku pirmi kanmu daka pag pagmahal. Itultul niku kanmu katapatan hanggan aban.

Pag-ighit 3:6

Aku ti Diyus nimu manga ginurang, ti Diyus nida ni Abraham, ni Isaak, ag ni Hakub.” Pagka nadnugan inda ni Muysis, tinakluban niya kay uyahun, dahil magkadala siya magbantay sa Diyus.

Isayas 1:24

Nakan magkun ti Panginuun, ti Makamaskihan pag Diyus Israil, “Gumaan kang tagipusuun nu maparusahan yi niku kamu pag manga taga Hirusalim kang manga kalaban.

Isayas 28:16

Nakan inda ti pagsabihun Panginuun Diyus, “Bantayi niyu! Ipakana niku sa banwa Siun ti batu pag pundasyun, batu masarigan, mapag-un ag mahalaga. Ti manga magsarig sa kanya balaw harus-harus sa kanda manga pagbuwatun.

Isayas 29:24

Ti manga balaw nakasalum sa katutuuhanan makasalum yi, ag ti manga magriklamu nu pagtudluan makabaya yi.”

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 60:16

Alagaan kawu manga nasyun hanggan nida manga hari parihu sa lapsag pag-ipasusu niya ina. Ag maalaman nimu aku ti Panginuun, kanmu Manugribri ag Manugtubus, ti Makamaskihan pag Diyus ni Hakub.

Sakaryas 10:12

Pabisugun niku kang nasakupan dahil sida sa kangku di, ag sundun nida aku. Aku, ti Panginuun, ti magsabi inda.”

Sakaryas 3:9

Huswi, bantayi nimu ti batu ipinauli niku sa kanmu atubangan, may pitu inda ka mata. Paukitan niku inda, ag pamul-un niku ti kasalanan daga Israil sa sulud lang usa ka sirang.

Matiyu 21:42

Kay sabi ni Hisus sa kanda, “Udwaya aw gid nabasa niyu sa Banal Kasuratan magkun, ‘Ti batu dinayu manga manugbuwat balay, binwat ngap mahalaga pag kalap. Panginuun ti may buwat tunda, tutuu ungud makadululaw.’

Markus 12:10

Unman aw nabasa niyu sa Banal Kasuratan magkun, ‘Ti batu dinayu manga manugbuwat balay, imaw ngap ti binwat mahalaga pag kalap.

Lukas 20:17

Dapat binmantay si Hisus sa kanda ag namaingana, “Hintay nguna kay sabi sa Kasuratan magkun, ‘Ti batu dinayu manga manugbuwat balay, binwat ngap mahalaga pag kalap.’

Binwat 4:11

Siya yi ngani ti pagkumnun sa Banal Kasuratan, ‘Ti dinayu manugpatindug balay pag batu, imaw ngap ti nagbaliw patakinan pag batu.’

Ruma 14:4

Hayga lugud kawu magpihu nu daut nu mayad ti manga suruguun iba tawu? Kay amu lang ti makasabi nu ngatay siya matinupadun aw ngatay unman. Pihu gid siya balaw dayuun dahil kay Panginuun ti may kapangyarihan magtudlu sa kay suruguun hampay magbuwat mayad.

Ipisu 2:20

Kita tanan, Hudiyu man ngatay balaw Hudiyu, kanta pinagkabungsudan ti manga apustul ag ti manga purupita. Dapat ti pinakamahalaga pag kalap si Kiristu Hisus.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

Diyuturunumiyu 33:27

Ti unman may katapusan pag Diyus imaw ti kanyu darangpan; pag-alagaan niya kamu sa kay unman may katapusan pag kamaskihan. Ipatabug niya sa kanyu ti manga kalaban niyu, bag-u isugu niya sa kanyu padamhakan sida.

Diyuturunumiyu 34:9

Taynguna, si Huswi kay anak ni Nun pinakan-an Ispiritu kadunungan dahil pinili siya ni Muysis kay kailis sa panab-anan pagkupa niya kamang sa kanya. Nakan nagsunud sa kanya ti manga Israilita, ag binuwat nida ti tanan pag-isugu Panginuun sa panab-anan ni Muysis.

Kulusas 1:11

Pag-idarangin diman nimi kamu hampay kay daka gid pag kamaskihan Diyus ti pumarig-un sa kanyu, hampay masulung di gid kamu mag-agwanta sa tanan kakurian,

2 Timutiyu 4:17

Dapat balaw aku pinabay-anan Panginuun. Pinakan-an aku kabisugan hampay lubus mipaliwanag niku ti Mayad pag Barita sa tanan manga balaw Hudiyu. Naribri di aku madi kanda mana ibahug sa manga liyun.

Huswi 17:18

bumaliw kanyu diman ti manga katalunan sa kabantudan. Una katalunan inda, rayawa lang niyu, dahil bumaliw kanyu inda ginan sa umpisa tugka sa suru. Ag pihu mapaighit niyu ti manga Kananiyu una makapangyarihan waya sida ag may manga kalisa baul.”

Talaghusay 1:22

Taynguna, sinalakay manga lahi ni Husi ti banwa Bitil (sa kabag-u pag-ingarnan Lus), ag inawatan sida Panginuun. Pagka nagpadara sida manugtiid sa Bitil,