Gimpuunan 49:14 - Hanunuu

¹⁴ “Kawu Isakar, parihu kawu sa mabaskug pag asnu magpahari sa ulian manga karanidu.

Gimpuunan 49:14 Iomraidhean Croise

Gimpuunan 30:18

Magkun si Liya, “Pinapaladan aku Diyus dahil ipinakaun niku kang suruguun sa kang asawa.” Nakan pinaingarnan niya Isakar kay lapsag.

Gimpuunan 49:15

Agwantahun nimu magpakumbaba bilang suruguun una waya papas-anun kawu mabuyat ag patarabahuun sapilitan, basta mayad lang ag abunda ti ulianan nimu pag daga.

1 Krunika 12:32

Ginan sa lahi ni Isakar: 200 ka takinan kaibahan kanda manga katawuhan pagpangunahan. Inda sida alam nu unu ti dapat tupadun sa Israil ag nu kapira nida inda tupadun.

Kanta 68:13

Una ti manga napatayak sa tudiran manga karanidu inayawan manga diyus-diyusan kay histuda ga kalampati kay manga pakpak may pahaklup pilak ag kay pudpud pakpak may pahaklup lunsay gintu.”

Kanta 78:70

Pinili Diyus si Dabid hampay kay manugsirbi. Bin-ul niya siya sa kay tarabahu manug-alaga karanidu ag binwat hari Israil, ti magkaapu niya pag nasakupan. Parihu si Dabid sa usa ka manug-alaga manga karanidu,

Bilang 32:16

Dapat nagpakarani waya sida sa kan Muysis ag magkun, “Mamwat lang duy kami sitay manga tudir para sa kanmi manga hayup, hanggan manga banwa para sa kanmi manga asawa ag manga anak.

Diyuturunumiyu 33:18

Magkun si Muysis tungkul sa lahi ni Sabulun ag ni Isakar, “Magbaya ti lahi ni Sabulun, dahil mag-abunda sida sa kanda pagnigusyu sa iba manga rugar. Magbaya diman ti lahi ni Isakar dahil mag-abunda sida sa kanda rugar.

Talaghusay 10:1

Pagka namatay si Abimilik, si Tula kay anak ni Puwa, kay laki ni Dudu imaw ti nagpanguna sa pagribri sa Israil. Ginan siya sa lahi ni Isakar, dapat nangulian siya sa Samir sa kabantudan Ipraim.