Gimpuunan 48:12 - Hanunuu

¹² Bin-ul ni Husi kay manga anak sa sarapupwan ni Israil ag yinmuk-ub siya bilang paggalang sa kay ama.

Gimpuunan 48:12 Iomraidhean Croise

Gimpuunan 18:2

Habang magbantay siya, may nakitan siya tulu ka lalaki matindugan balaw arayu. Susun siya tinmindug ag daldali sinulang sida. Yinmuk-ub siya sa kanda bilang paggalang

Gimpuunan 19:1

Madulum-dulum yi kay magras-ug duwa ka anghil sa Suduma. Tunda katpung matukawan si Lut sa may puwirtahan banwa. Igu nakitan ni Lut sida, tinmindug siya ag sinulang sida. Bag-u yinmuk-ub siya sa kanda atubangan bilang paggalang ag magkun,

Gimpuunan 23:7

Susun napayuk-ub si Abraham tanda pagpasalamat sa atubangan manga Hitiyu.

Gimpuunan 33:3

Si Hakub sa kanda tanan unahan ag pitu ka ulit siya nagluhud habang magpakarani sa kay patar-ari.

Gimpuunan 42:6

Bilang gubirnadur Ihiptu, katungdanan ni Husi ti magpabili karan-unun sa tanan tawu. Nakan igu rinmas-ug kay manga patar-ari, nagyuk-ub sida sa kan Husi bilang paggalang sa kanya.

Gimpuunan 48:11

Magkun si Israil sa kan Husi, “Balaw yi ungud aku magsarig makitan waya niku kawu, dapat taynguna ipinahintulut Diyus balaw lang kawu kang makitan nu unman hanggan diman kanmu manga anak.”

Gimpuunan 48:13

Bag-u ipinakarani maan niya kay manga anak sa kanda laki hampay papaladan. Si Ipraim sa sikun ni Husi, imaw ti sa wala ni Israil ag si Manasis sa wala ni Husi, imaw ti sa sikun ni Israil.

1 Hari 2:19

Nakan nag-atag si Batsiba sa kan Hari Sulumun hampay sabihun sa kanya ti tungkul sa pagsabihun ni Aduniyas. Pagka nakitan siya ni Sulumun, tinmindug siya sa kay tukawan hari hampay sulangun kay ina, bag-u nanluhud siya sa kay ina. Bag-u tinmukaw siya sa kay tukawan hari. Nanpab-ul siya turukawan ag ipinauli sa kay sikun, ipinatukaw siti kay ina.

2 Hari 4:37

Linmuhud ti babayi sa atubangan ni Ilisyu nagpasalamat sa kanya. Bag-u bin-ul niya kay anak ag dinara tag sirung.

Pag-ighit 20:12

“Galanga niyu kanyu ama ag ina hampay mabuhi kamu dugay sa pag-ipakaun niku pag daga sa kanyu.

Pag-ighit 34:8

Linmuhud si Muysis sa daga ag sinmamba.

Kabagawan 31:28

Pagdayawun siya niya manga anak hanggan niya asawa, magkun,

Libitiku 19:3

Kailangan galangun niyu kanyu ina hanggan ama, ag kailangan diman tupadun niyu kang manga pag-isugu sa kanyu sa manga Sirang Pamahari. Aku ti Panginuun kanyu Diyus.

Libitiku 19:32

Galanga niyu ti manga gurangun, galanga diman niyu aku kanyu Diyus. Aku ti Panginuun.

Ipisu 6:1

Kamu pag manga anak, pagsunud sa kanyu manga gurang. Katida ti dapat niyu buwatun nu kamu magsarig sa kan Kiristu.