Gimpuunan 48:10 - Hanunuu

¹⁰ Harus udyi maghiling si Israil dahil gurangun yi, nakan dinara ni Husi kay manga anak atag sa kan Israil arani. Hinagkung sida ni Israil ag inarkan.

Gimpuunan 48:10 Iomraidhean Croise

Gimpuunan 27:1

Gurangun yi gid si Isaak ag harus udyi maghiling. Igu sa usa ka sirang, tinawagan niya kay anak panganay si Isaw. Magkun siya, “Anak.” Sinmagut si Isaw, “Hayga duy amang?”

Gimpuunan 27:27

Napakarani ngani si Hakub sa kanya ag hinagkung kay ama. Pagka nahungaw ni Isaak kay rutay, susun niya pinapaladan si Hakub magkun, “Kay hungaw niku anak parihu sa hungaw katalunan pinapaladan Panginuun.

Gimpuunan 31:55

Igu sa sunud pag sirang, maaga waya hinagkung ni Laban ag pinapaladan kay manga anak hanggan manga laki, bag-u nuli yi siya.

Gimpuunan 45:15

Hinagkung diman niya ti tanan patar-ari niya ag parargu kay maglumi sa kanda. Siyun ginan nanhampang yi sa kanya kay manga patar-ari.

Gimpuunan 48:11

Magkun si Israil sa kan Husi, “Balaw yi ungud aku magsarig makitan waya niku kawu, dapat taynguna ipinahintulut Diyus balaw lang kawu kang makitan nu unman hanggan diman kanmu manga anak.”

Gimpuunan 48:8

Pagka nakitan ni Israil kay manga anak ni Husi, nagpaingana siya, “Si unu duy sida?”

1 Hari 19:20

Tinayakan ni Ilisyu ti manga baka ag linagas si Ilyas. Magkun si Ilisyu, “Man-ngaruk dapu duy aku sa kang ama ag ina bilang pagpaalam, bag-u di kumuyug aku sa kanmu.” Sinmagut si Ilyas, “Hu, dapat danga nimu pagkalimti kang binwat sa kanmu.”

Manugtudlu 12:3

Rumas-ug ti sirang kanmu manga kamang mangurug ag kanmu manga tuud manlumuy. Kanmu manga ngipun unman yi makatalta dahil pira wadi, kanmu manga mata unman yi makakit mayad.

Isayas 59:1

Pagpatingi kamu! Ti Panginuun balaw malumuy hampay balaw rumibri. Balaw diman bungul siya hampay ud makadnug nu magtawag kamu sa kanya.

Isayas 6:10

Magkun waya siya, “Paganita nimu tunda pag manga tawu kay tagipusuun. Pabay-ani nimu sida magpabungul-bungul ag magpabuta-butaun, dahil barang makadnug sida, makakit, ag makaintindi. Dahil nu makaintindi sida, bumalik sida sa kangku, ag maayadan.”

Diyuturunumiyu 34:7

Kay idad ni Muysis 120 ka timpu igu namatay siya, dapat mabisug waya gid siya, ag balaw waya malamun kay mata.

1 Samwil 3:2

Pagka sa usa ka yabi, maturugan si Ili sa kay sulud-sulud. Balaw yi gid siya masyadu maghiling.