Gimpuunan 47:29 - Hanunuu

²⁹ Pagka magkaramdaman niya arani yi siya mamatay, tinawagan niya si Husi ag magkun, “Nu mahimu, paulian nimu kanmu kamang sa tab-anan niku duwa ka balangbang ag pagsumpa kawu iparargu nimu kanmu mayad pag nabubut-un sa kangku. Danga aku paglubngan atay sa Ihiptu.

Gimpuunan 47:29 Iomraidhean Croise

Gimpuunan 24:2

Sa usa ka sirang, hinampang niya kay manugpamahala pag suruguun taga asikasu sa tanan niya kasiyunan. Magkun siya, “Paulian kanmu usa ka kamang sa tab-anan niku balangbang,

Gimpuunan 24:49

“Taynguna, gustu niku maalaman nu pasnuan niyu aku maasawa ni Isaak si Ribika bilang pagpakakit kanyu kaayadan sa kang amu. Sabiha yi niyu taynguna hampay maalaman diman niku nu hintay kang buwatun.”

Gimpuunan 27:2

Magkun si Isaak, “Gurangun yi aku, udyi dumugay mamatay yi aku.

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

Gimpuunan 47:9

Nagsagut siya, “130 yi duy ka timpu. Dag-ud ag makuri duy kang buhi sitay sa daga; unman inda nag-aput sa kadugayun buhi niku manga ginurang.”

Gimpuunan 48:21

Pagkatapus, magkun si Israil sa kan Husi, “Arani yi aku mamatay, dapat danga kawu magkaarimputu dahil ibahan di kawu Diyus ag ibalik kamu sa daga niyu ginurang.

Gimpuunan 50:12

Tinupad manga anak ni Hakub kay bilin sa kanda.

Gimpuunan 50:5

pasnui niya aku ilbung kang ama sa Kanaan. Dahil bag-u siya namatay, pinasumpa niya aku ilbung siya sa ipinabwat niya sa Kanaan pag lulubngan. Bumalik di aku matapus ti paglubung.”

2 Samwil 14:14

Mamatay kita tanan; bumaliw kita parihu sa danum nauyang sa daga ag balaw yi mahimu mab-ul. Dapat balaw lang basta-basta pagbul-un Diyus ti buhi tawu, pagsikapun niya makabalik ti manga tawu nikarayu sa kanya.

2 Samwil 2:32

Bin-ul nida ni Huab ti bangkay ni Asahil ag ilinbung sa kalubngan niya ama sa Bitlihim. Bag-u buu yabi sida naglakaw, ag rinmas-ug sida sa Hibrun magkasurip.

2 Samwil 7:12

Nu mamatay kawu ag ilbung kaibahan manga ginurang nimu, iilis niku sa kanmu ti usa sa kanmu manga anak, ag parig-unun niku kay maghari.

1 Hari 2:1

Pagka arani yi mamatay si Dabid, may manga bilin siya sa kan Sulumun sa kay anak. Inda kay manga bilin:

Hub 14:14

Nu mamatay ti tawu mabuhi aw waya siya uman? Agwantahun niku ti tanan udas sa kang mag-agwanta tugka sa rumas-ug ti udas matapus inda.

Hub 30:23

Alam niku pagdaran-un nimu aku sa ulian manga namatay, sa ulian itinagka nimu atagan tanan manga tawu.

Hub 7:1

“Ti buhi tawu atay sa kalibutan makuri gid, parihu kay kakuri sa sirang-sirang tarabahu usa ka manugtarabahu,

Kanta 49:7

Ti usa ka tawu balaw gid kumaya bumayad sa Diyus para sa buhi niya ngatay para sa buhi iba.

Kanta 49:9

hampay mabuhi ti tawu sa unman may katapusan ag balaw yi mamatay.

Kanta 6:5

Dahil nu mamatay aku balaw yi makaimatuun sa kanmu; udyi aku makadayaw sa kanmu sa ulian manga namatay.

Kanta 89:48

Si unu lugud pag tawu ti balaw mamatay? Makaaman aw lugud ti tawu sa kamatayan?

Diyuturunumiyu 31:14

Nagbagaw ti Panginuun sa kan Muysis, “Arani yi kawu mamatay; nakan pabul-an si Huswi bag-u pag-atag kamu sa Turda Taragbuan, dahil tudluan niku siya ati sa kay buruwatun.” Nakan nag-atag ngani si Muysis hanggan si Huswi sa Turda Taragbuan.

Diyuturunumiyu 31:16

Nagbagaw ti Panginuun sa kan Muysis, “Arani yi kawu mamatay ag miminsan sa kanmu manga ginurang. Nu udyi kawu, inda pag manga tawu mansamba sa iba pag manga diyus imaw ti pagsambahun manga tawu ati sa atagan nida pag daga. Bugyahan nida aku ag lapastanganun kang binwat kasunduan sa kanda.

Hibriyu 11:22

Dahil sa kay pagsarig ni Husi, pagka arani yi siya mamatay, kay ipinaalam niya ti pag-ighit manga linahi ni Israil aban ginan sa Ihiptu. Nagbilin siya sa kanda tungkul sa kay manga but-ul magkun, “Daran-a di niyu nu kamu mighit yi.”

Hibriyu 9:27

Ti kada tawu kas-a lang gid mamatay, bag-u sintinsiyahan yi siya Diyus.

Huswi 2:14

Magkun ti duwa ka manugtiid sa kan Rahab, “Ibuwis nimi kanmi buhi para sa kanyu! Nu balaw nimu isabi kanmi pagtiid sitay, pakakitan gid nimi kawu kaayadan. Tupadun gid nimi inda nu ipakaun yi Panginuun inda pag daga sa kanmi.”

Huswi 23:14

“Arani yi aku mamatay. Alam niyu sa buu niyu tagipusuun ag karadwa tinupad Panginuun niyu Diyus ti tanan mayad pag manga bagay kay itinaratu sa kanyu. Unman gid may una usa ti unman niya natupad.

1 Samwil 26:10

Pagpihuun niku sa kanmu, sa atubangan Panginuun buhi, ti Panginuun mismu ti mumatay sa kanya, ngatay mamatay siya sa girahan ngatay sa sakit.