Gimpuunan 47:23 - Hanunuu

²³ Magkun si Husi sa manga tawu, “Taynguna nabili yi niku kamu hanggan kanyu manga daga para sa hari, indaay ti uyas hampay makatanum kamu.

Gimpuunan 47:23 Iomraidhean Croise

Gimpuunan 41:27

Ti pitu ka baka balaw marinu ag maniwang, hanggan ti pitu ka uhay yupa nauga dahil sa mainit pag durus ginan sa butlakan, kay ibug sabihun duy pitu ka timpu taglun-us.

Gimpuunan 45:6

Ikadwa di waya inda pag timpu taglun-us, ag may dumasun waya lima ka timpu unman may ani.

Gimpuunan 47:22

Ti daga lang manga manughandug ti balaw nabili ni Husi. Balaw nida kailangan ipabili kanda manga daga dahil pagtustusan sida karan-unun hari hanggan manga pangailangan nida.

Gimpuunan 47:24

Nu man-ani kamu, pakan-an niyu sa hari ti ika-20 pag bahagi niyu ani. Ag kay sawad kanyu yi, hampay may maitanum kamu ag may kan-un kanyu buu magtal-anakan.”

Kanta 112:5

Papaladan ti tawu maraayaw ag marapaudam, ag unman magdaya sa kay karabuhian.

Kanta 41:1

Mapalad ti tawu magpasunaid sa manga pugri. Awatan siya Panginuun sa udas kakurian.

Kabagawan 11:26

Pagsaadan manga tawu ti magtagu kay paninda hampay itinda nu mahal yi kay halaga, dapat pagdayawun manga tawu ti unman magtagu.

Kabagawan 12:11

Ti masipag pag manugtanman may abunda pag karan-unun. Ti mag-uyang kay udas sa unman may pulus pag buruwatun kurang kay intindi.

Kabagawan 13:23

Una makapatubas abunda ti daga manga pugri, unman sida makakinabang inda dahil sa balaw matadlung pagbuwat iba.

Manugtudlu 11:6

Pagtanum kawu buu sirang, dahil balaw nimu alam nu manubu tanan ngatay kay iba lang.

Isayas 55:10

Ti uran hanggan ti snow ginan sa tungud, balaw yi magbalik atitag tugka sa unman makapakaun danum sa daga ag makapalangba sa manga halaman hampay makapakaun binhi hanggan karan-unun sa nagtanum hanggan sa manga tawu.

Matiyu 24:45

Sinabi ni Hisus magkun, “Ti panawuhun nu matinupadun ag mapininsarun imaw ti pagpiyaran niya amu hampay pakan-an niya karan-unun kay kaparihu manga panawuhun, may bahaw, may yabas, may yapun.

2 Kurintu 9:10

Ti Diyus tigpakaun binhi hampay ipamgas hanggan karan-unun hampay may makaun, siya ti pumakaun binhi sa kanyu, siya diman ti pumadaka hampay mamurak abunda kanyu mayad buut naisipan.