Gimpuunan 47:22 - Hanunuu

²² Ti daga lang manga manughandug ti balaw nabili ni Husi. Balaw nida kailangan ipabili kanda manga daga dahil pagtustusan sida karan-unun hari hanggan manga pangailangan nida.

Gimpuunan 47:22 Iomraidhean Croise

Gimpuunan 14:18

Sinulang diman siya ni Milkisidik hari sa Salim ag manughandug waya Diyus Makamaskihan sa tanan. Si Milkisidik may dara karan-unun ag irinmun.

Gimpuunan 41:45

Pinaingarnan niya Sapinat Paniya si Husi. Ag ipinakaun hari si Asinat kay anak ni Putipira, ti manughandug sa banwa Un hampay asawan-un ni Husi. Si Husi yi ti mag-asikasu sa buu daga Ihiptu bilang gubirnadur.

Gimpuunan 41:50

Bag-u rinmas-ug ti taglun-us, iinanak ti duwa ka anak ni Husi sa kan Asinat kay anak ni Putipira, ti manughandug Un.

Gimpuunan 47:21

Binuwat ni Husi suruguun hari ti manga tawu sa buu Ihiptu.

Gimpuunan 47:23

Magkun si Husi sa manga tawu, “Taynguna nabili yi niku kamu hanggan kanyu manga daga para sa hari, indaay ti uyas hampay makatanum kamu.

Gimpuunan 47:26

Nakan binwat ni Husi ti kasuguan sa daga Ihiptu ti kada ika-20 pag bahagi ani para sa hari. Inda pag kasuguan tugka kainda pagtupadun di. Ti manga daga lang manughandug ti balaw naapu hari.

2 Samwil 8:18

Si Binaya kay anak ni Hihuyada ti magdumara sa manga Kiritiyu ag Pilitiyu pag manga guwardiya ni Dabid. Ag kay manga manugpatigayun kay manga anak lalaki.

Isra 7:24

Pag-ipaalam diman nimi sa kanyu danga niyu pagpabayada buwis ag iba waya baraydan ti manga manughandug, manga Libita, manga manugkanta, manga guwardiya sa manga sabian Balay Diyus, manga suruguun sa Balay Diyus, ag iba waya pag manugsirbi siyun pag Balay Diyus.

Nihimyas 13:10

Naalaman diman niku ti manga Libita unman yi magkapakan-an kanda pag kahuray, nakan sida hanggan ti manga manugkanta piniyaran sa buruwatun sa Balay Diyus nag-inululi yi hampay mananman.

Matiyu 10:10

Danga kamu magdara bay-ung sa kanyu maglakaw, una ililsan, una lapak una sugkud, dahil ti manugtarabahu kailangan pakan-an kay pangabuhi.

1 Kurintu 9:13

Unman aw niyu alam ti manga magsirbi ati sa Balay Diyus pagpakan-an karan-unun ginan sa Balay Diyus? Hanggan ti manga magsirbi sa handugan may kahuray waydi sa hayup ihinandug sa Diyus.

Galasya 6:6

Ti manugtudlu Bagaw Diyus kailangan ayawan niya tuludluan una lang hintay pag kaayadan kanda nakitan.

Diyuturunumiyu 12:19

Danga gid niyu pagpabay-ani ti manga Libita habang magkabuhi kamu sa kanyu daga.

2 Tisalunika 3:10

Pagka kami asan di waya sa kanyu, inda kanmi ibinilin sa kanyu magkun, “Una hintay pag tawu nu dayu manarabahu, danga waydi pagpakan-i niyu.”

1 Timutiyu 5:17

Pagkayamu nu magpakaun kamu sa manga manug-asiwa mayad kanda mag-asikasu, lalu sa manga manugbarita hanggan sa manga manugtudlu Bagaw Diyus.