Gimpuunan 47:19 - Hanunuu

¹⁹ Nakan awati duy nimu kami hampay balaw kami mamatay ag balaw mapabay-anan kanmi manga daga. Pasnu duy kami buwatun nimu suruguun hari ag kanya yi kanmi manga daga hampay may makaun lang kami. Pakan-i duy nimu kami manga uyas pananum hampay balaw kami mamatay ag balaw mapabay-anan ti daga.”

Gimpuunan 47:19 Iomraidhean Croise

Gimpuunan 41:36

Inda pag manga ani ialistu para sa manga tawu nu rumas-ug yi ti pitu ka timpu taglun-us, hampay balaw sida lun-usun.”

Gimpuunan 47:15

Nagras-ug ti udas natabu yi ti kuwarta panbili manga taga Ihiptu hanggan manga taga Kanaan. Nag-ati ti manga taga Ihiptu sa kan Husi ag magkun, “Udyi duy kami may kuwarta. Nu mahimu pakan-i yi lang nimu kami karan-unun dahil magkamatay yi kami sa lun-us.”

Gimpuunan 47:18

Pagkalawuy usa ka timpu, nag-ati yi maan ti manga tawu sa kan Husi ag magkun, “Balaw duy milihus sa kanmu udyi kami may kuwarta ag kanmi manga hayup asan yi sa kanmu. Udyi duy may nasawad sa kanmi, purya wadi kanmi sadili hanggan manga daga.

Gimpuunan 47:20

Ipinabili ngani tanan taga Ihiptu kanda manga daga sa kan Husi dahil masyadu yi ti taglun-us. Binili ni Husi inda tanan para sa hari, nakan kanda manga daga hari yi ti may apu.

Hub 2:4

Magkun si Satanas, “Maagwanta di tawu una madura ti tanan niya pag kasiyunan basta buhi lang siya.

Karukuan 1:11

Kay nasakupan mag-arunghung habang maghanap sida karan-unun. Ibinalyu nida sa karan-unun kanda kasiyunan hampay mabuhi lang sida. Magkun ti Hirusalim, “Panginuun, bantayi aku, dahil pagpakay-ahun aku.”

Karukuan 5:6

Napasakup kami sa manga taga Ihiptu hanggan sa taga Asirya hampay lang may karan-unun kami.

Karukuan 5:9

Sa kanmi maghanap karan-unun, niuli ngap sa kadamhakan kanmi buhi sa manga armadu pag manga tawu sa pangawakawaan.

Matiyu 16:26

Hintay lugud ti makinabangan tawu una maapu niya ti bilug kalibutan, nu kay kinabuhi ti kabaydanan? Hintay ti ibayad tawu hampay bawiun maan niya kay buhi?