Gimpuunan 46:34 - Hanunuu

³⁴ sabiha niyu magpastur kamu manga hayup ginan di waya sa anak parihu sa kanyu manga gurang, hampay patahanun niya kamu sa Gusin. Dahil magkadaut ti manga Ihipsiyu sa manga magpastur hayup.”

Gimpuunan 46:34 Iomraidhean Croise

Gimpuunan 13:7

Dahil siyun, mag-arawayan yi ti manga manug-alaga nida manga hayup. (Ati katpung, ti manga Kananiyu hanggan ti manga Pirisiyu mag-ulian waya sa tunda pag daga.)

Gimpuunan 13:8

Nakan magkun si Abram sa kan Lut, “Kita hanggan kanta manga tawuhan balaw mahimu mag-arawayan, dahil magkatawuhan kita.

Gimpuunan 26:20

Dapat nan-aratwan ti manga manug-alaga hayup taga Girar laban sa manga manug-alaga hayup ni Isaak kuntay kanda kunu tunda pag bubun. Nakan iningarnan ni Isaak tunda pag bubun Isik, dahil nan-aratwan ti manga taga Girar tag sa kanya.

Gimpuunan 30:35

Dapat sa tunda diman pag sirang, ipinasaman ni Laban ti manga buntuk-buntukan pag kambing lalaki ag babayi, hanggan ti manga mabiru pag karanidu. Ipinaalaga niya inda sa kay manga anak lalaki.

Gimpuunan 34:5

Igu naalaman ni Hakub inuringan ni Sikim ti pagkababayi ni Dina, unman dap siya nagsungyaw dahil ati di waya sa tanman kay manga anak lalaki magbantay sa kay manga hayup.

Gimpuunan 37:12

Usa ka sirang, nag-ati kay manga patar-ari ni Husi sa Sikim hampay manbantay manga hayup nida ama.

Gimpuunan 37:2

Inda ti tultulanun tungkul sa magtal-anakan ni Hakub: Igu 17 ka timpu si Husi, magbantay siya manga hayup kaibahan niya manga patar-ari kay anak ni Bilha ag ni Silpa, manga asawa niya ama. Itinapat ni Husi sa kanda ama ti daut pag buruwatun niya manga patar-ari.

Gimpuunan 43:32

Nangaun usa-usa si Husi, masamanan sa kay manga patar-ari, ag masamanan diman sa manga Ihipsiyu magyabas ati. Dahil ti manga Ihipsiyu balaw magkaun kasaru ti manga Hibriyu, dahil makakaray-a tunda sa kanda.

Gimpuunan 45:10

Sabiha diman niyu sa kanya mahimu siya mangulian sa daga Gusin kaibahan kay manga anak hanggan manga umput, una kay manga hayup hanggan ti tanan niya pag kasiyunan, hampay arani siya sa kangku.

Gimpuunan 45:18

Bag-u daraha nida ataytabug kanda ama hanggan kanda magtal-anakan, dahil ipakaun niku sa kanda ti pinakamarinu pag daga sa Ihiptu ag masamitan nida ti pinakamarinu pag ani siyun.

Gimpuunan 46:32

Sabihun diman niku sa kanya magpastur kamu kanyu hayup, bag-u dinara niyu kanyu manga hayup hanggan ti tanan niyu kasiyunan.

Gimpuunan 47:11

Angay sa sugu hari, ipinatahan ni Husi kay ama hanggan kay manga patar-ari sa Ihiptu; ipinakaun niya sa kanda ti rugar Ramisis, usa sa pinakamarinu pag daga sa Ihiptu.

Gimpuunan 47:3

Pinaingana sida hari, “Hintay kanyu tarabahu?” Nagsagut sida, “Manga pastur duy kami hayup, parihu sa kanmi manga gurang.

Gimpuunan 47:4

Nag-ataytag kami hampay atay dap kami pag mangulian dahil sa masyadu pag kalun-usan sa Kanaan, ag unman yi kami may mapasturan manga hayup nimi. Paghagadun duy nimi sa kanmu nu mahimu pasnui nimu kami mangulian sa Gusin.”

Gimpuunan 47:6

bukas ti Ihiptu para sa kanyu magtal-anakan. Patahana sida sa Gusin, usa sa marinu pag daga sa Ihiptu. Nu may mapili kawu makatiwalaan sa kanda, buwata sida manugbantay niku manga hayup.”

Pag-ighit 8:22

Dapat inda unman mangyari sa daga Gusin nu naan pag mag-uli kang nasakupan; balaw mandapu ti manga insiktu ati pag rugar, hampay maalaman niyu aku ti Panginuun sa ati pag daga.

Pag-ighit 8:26

Sinmagut si Muysis, “Balaw mahimu sitay kami pag manhandug sa Ihiptu, dahil kanmi manga handug sa Panginuun nimi Diyus mayagting sa manga Ihipsiyu. Ag nu manhandug kami manga handug mayagting sa kanda, pihu bintukun nida kami.