Gimpuunan 46:3 - Hanunuu

³ Pagkatapus, magkun siya, “Aku ti Diyus nimu ama. Danga kawu magkadala mag-atag sa Ihiptu, dahil buwatun niku kamu usa ka bantug pag nasyun ati.

Gimpuunan 46:3 Iomraidhean Croise

Gimpuunan 12:2

Buwatun niku bantug pag nasyun kanmu linahi. Papaladan niku kawu ag bumaliw bantug kanmu ngaran. Sa panab-anan nimu, mayamu ti makatanggap papalad.

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

Gimpuunan 15:13

Bag-u magkun sa kanya ti Panginuun, “Kanmu manga linahi pihu gid bumaliw day-uhan sa iba ka nasyun. Bumaliw suruguun sida ati ag payhin-payhinun sa sulud upat ka gatus ka timpu.

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Gimpuunan 18:18

Pihu gid dumaka ag bumaliw makapangyarihan pag nasyun kay manga linahi aban. Ag sa panab-anan niya, papaladan niku ti tanan nasyun sa kalibutan.

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 47:27

Nangulian ti manga Israilita sa Gusin sakup Ihiptu. Nagkaimaw sida ati daga ag nagyamu waya kanda lahi.

Gimpuunan 48:16

Ag mana papaladan diman sida anghil, ti nagribri sa kangku sa tanan kadamhakan. Mana maalaala aku hanggan kang manga ginurang sida ni Abraham ni Isaak sa panab-anan nida. Ag mana yumamu waya sida sa kalibutan.”

Gimpuunan 48:19

Dapat sinmagut kay ama, “Hu, alam niku anak. Ti manga lahi ni Manasis bumaliw diman bantug pag nasyun. Dapat mas mibantug kay manga lahi niya kap-usan pag patar-ari ag mas mayamu kay lahi.”

Pag-ighit 1:12

Dapat madi pagpakurianan sida, mag-amat di magyamu sida ag naglantap sa Ihiptu. Lalu gid nadala ti manga taga Ihiptu sa kanda.

Pag-ighit 14:13

Sinmagut si Muysis sa manga tawu, “Danga kamu magkadala. Pagpakarig-un kamu ag makitan niyu ti pagribri Panginuun sa kanyu sa inda pag sirang. Ti manga mag-akitan niyu pag Ihipsiyu taynguna balaw yi niyu makitan uman.

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Hirimyas 40:9

Nanumpa sa kanda si Gidalyas kuntay balaw sida mipadamhak nu pumasakup sida sa manga taga Babilunya. Magkun siya sa kanda, “Mangulian kamu sitay pag daga inda ag mansirbi kamu sa hari Babilunya, mumayad kamu.

Binwat 27:24

Nagsabi ti anghil magkun, ‘Danga kawu magkadala, Pablu. Kailangan kawu umatubang sa Pangulu Hari. Mayad kay nabubut-un Diyus sa kanmu nakan iribri diman niya ti tanan manga kaibahan nimu sa bangka.’ ”

Binwat 7:17

“Pagka arani yi ti taning pag kaudasan hampay tupadun Diyus kay itinaratu sa kan Abraham, nagyamu masyadu ti manga Israilita sa daga Ihiptu.

Diyuturunumiyu 1:10

Pinayamu kamu Panginuun niyu Diyus. Ag kainda, mayamu yi kamu ga manga pamgasan sa langit.

Diyuturunumiyu 10:22

Katpung atabug kanyu manga ginurang sa Ihiptu, 70 lang sida tanan. Dapat kainda pinayamu kamu Panginuun niyu Diyus parihu sa pamgasan sa langit kay kayamu.

Diyuturunumiyu 26:5

Bag-u sabihun niyu inda sa atubangan Panginuun niyu Diyus: ‘Kanmi ginurang si Hakub usa ka Aramiyu unman may pirmaminti ulian kaybi. Nag-atag siya sa Ihiptu ag nangulian ati kaibahan kay magtal-anakan. Pira-pira lang sida ati katpung, dapat nagyamu sida, pagka taynguna makapangyarihan yi pag nasyun.