Gimpuunan 46:27 - Hanunuu

²⁷ Kaibahan ti duwa ka anak ni Husi ipinanganak sa Ihiptu, 70 kay kabuuhan magtal-anakan ni Hakub sa kay nag-atag sa daga Ihiptu.

Gimpuunan 46:27 Iomraidhean Croise

Gimpuunan 34:30

Taynguna, magkun si Hakub sa kanda ni Simyun ag ni Libi, “Pinakan-an niyu aku daka pagka dahilan. Manbalun galit sa kanta ti manga Kananiyu hanggan ti manga Pirisiyu sa inda pag daga. Mamatay kita tanan nu magkarausa sida girahun kita dahil pira-pira wata kita.”

Pag-ighit 1:1

Inda kay manga anak lalaki ni Israil (imaw diman si Hakub) ti kaibahan niya atag sa Ihiptu, kaibahan kanda magtal-anakan:

Pag-ighit 1:5

Si Husi daan di ati sa Ihiptu. 70 ti tanan-tanan linahi ni Hakub katpung nag-atag siya sa Ihiptu.

Pag-ighit 24:1

Magkun ti Panginuun sa kan Muysis, “Pagtukad kawu sitay sa kangku ibaha nimu sida ni Aarun, ni Nadab, ni Abihu ag ti 70 ka paggurangunun sa Israil. Pagsamba sida sa kangku ati sa kay luwas lang.

Binwat 7:14

Nagpasugu si Husi ipinabuul niya kay ama si Hakub hanggan kay manga katawuhan atag sa Ihiptu. Pitumpulu may lima ka tawu sida sa tanan.

Diyuturunumiyu 10:22

Katpung atabug kanyu manga ginurang sa Ihiptu, 70 lang sida tanan. Dapat kainda pinayamu kamu Panginuun niyu Diyus parihu sa pamgasan sa langit kay kayamu.

Diyuturunumiyu 26:5

Bag-u sabihun niyu inda sa atubangan Panginuun niyu Diyus: ‘Kanmi ginurang si Hakub usa ka Aramiyu unman may pirmaminti ulian kaybi. Nag-atag siya sa Ihiptu ag nangulian ati kaibahan kay magtal-anakan. Pira-pira lang sida ati katpung, dapat nagyamu sida, pagka taynguna makapangyarihan yi pag nasyun.