Gimpuunan 46:20 - Hanunuu

²⁰ Kay manga anak ni Husi sa kan Asinat iinanak sa Ihiptu sida ni Manasis ni Ipraim. (Si Asinat kay anak ni Putipira manughandug sa banwa Un.)

Gimpuunan 46:20 Iomraidhean Croise

Gimpuunan 41:45

Pinaingarnan niya Sapinat Paniya si Husi. Ag ipinakaun hari si Asinat kay anak ni Putipira, ti manughandug sa banwa Un hampay asawan-un ni Husi. Si Husi yi ti mag-asikasu sa buu daga Ihiptu bilang gubirnadur.

Gimpuunan 46:19

Kay manga anak ni Hakub sa kan Rakil sida ni Husi ni Binhamin.

Gimpuunan 48:1

Balaw dugay, may nagbarita sa kan Husi kuntay may sakit kay ama. Nakan tinaban niya kay duwa ka anak sida ni Manasis ni Ipraim bag-u nag-ati sa kan Hakub.

Gimpuunan 48:20

Ag sa tunda pag sirang, pinapaladan niya sida magkumun, “Gamitun manga Israilita kanyu ngaran sa magpapalad. Sumabi sida, ‘Papaladan kawu Diyus parihu sa kanda ni Ipraim ag ni Manasis.’ ” Nakan binwat niya mas lamang si Ipraim kaysa kan Manasis.

Isikil 30:17

Magkaramatay sa labanan ti manga kalay-awan lalaki taga Hilyupulis hanggan Bubastis, bag-u bihagun ti masawad pag manga tawu sa inda pag manga banwa.

Huswi 17:1

May ipinakaun diman daga para sa katunga lahi ni Manasis kay panganay pag anak ni Husi. Ti Gilyad ag ti Basan sa butlakan Sapa Hurdan ipinakaun yi sa magtal-anakan ni Makir dahil mayad sida pag sundalu. (Si Makir kay ama ni Gilyad imaw ti panganay pag anak ni Manasis.)