Gimpuunan 45:6 - Hanunuu

⁶ Ikadwa di waya inda pag timpu taglun-us, ag may dumasun waya lima ka timpu unman may ani.

Gimpuunan 45:6 Iomraidhean Croise

Gimpuunan 37:2

Inda ti tultulanun tungkul sa magtal-anakan ni Hakub: Igu 17 ka timpu si Husi, magbantay siya manga hayup kaibahan niya manga patar-ari kay anak ni Bilha ag ni Silpa, manga asawa niya ama. Itinapat ni Husi sa kanda ama ti daut pag buruwatun niya manga patar-ari.

Gimpuunan 41:35

Siyun katpung, ipatipun diman nimu sa kanda ti tanan malikum nimu ginan sa manga ani. Ag sa sirung nimu pagpamahala, patipunan duy nimu sa kanda ti manga ani atag sa balay haramnuan sa manga banwa.

Gimpuunan 41:46

Si Husi 30 ka timpu yi kay mag-umpisa magsirbi sa hari Ihiptu. Tinayakan dap niya ti balay hari ag namalibutan sa buu Ihiptu.

Gimpuunan 41:53

Tapus yi ti pitu ka timpu kaabundahan sa Ihiptu,

Gimpuunan 41:54

ag nag-umpisa yi ti pitu ka timpu taglun-us parihu sa kay sinabi ni Husi. May taglun-us sa tuhay-tuhay pag rugar dapat may karan-unun di sa buu Ihiptu.

Gimpuunan 41:56

Naglantap ti taglun-us una naan tabug pag rugar. Ag dahil sa masyadu pag taglun-us sa Ihiptu, pinabukasan ni Husi ti tanan balay haramnuan ag pinabilihan karan-unun ti manga taga Ihiptu.

Gimpuunan 47:18

Pagkalawuy usa ka timpu, nag-ati yi maan ti manga tawu sa kan Husi ag magkun, “Balaw duy milihus sa kanmu udyi kami may kuwarta ag kanmi manga hayup asan yi sa kanmu. Udyi duy may nasawad sa kanmi, purya wadi kanmi sadili hanggan manga daga.

Gimpuunan 47:23

Magkun si Husi sa manga tawu, “Taynguna nabili yi niku kamu hanggan kanyu manga daga para sa hari, indaay ti uyas hampay makatanum kamu.

Pag-ighit 34:21

“Pagtarabahu kamu sa sulud unum ka sirang, dapat sa ikapitu pag sirang pumahari kamu, una sa udas tig-aradu ag tig-arani.

Isayas 30:24

Kanyu manga baka hanggan manga asnu pangaradu manharab sa pinakamayad pag hararabun hayup.

Diyuturunumiyu 21:4

Darahun nida inda sa luung nu naan kay kataid pag daga balaw waya gid naaradu ngatay natanuman. Ag ati nida pag bariun ti liug tarnida baka.

1 Samwil 8:12

Ti iba sa kanda buwatun kumandir sa 1,000 sundalu ag ti iba waydi sa 50 ka sundalu. Ti iba ipaaradu niya sa kay tanman ag ti iba ipaani niya sa kay manga tanum, ti iba waydi buwatun niya manugpanday kay panangga para sa girahan hanggan manga kagamitan para sa kay kalisa.