Gimpuunan 45:3 - Hanunuu

³ Magkun si Husi sa kay manga patar-ari, “Aku si Husi! Ungud aw buhi waya si amang?” Dapat unman nakasagut sa kanya kay manga patar-ari dahil nabung-anan sida.

Gimpuunan 45:3 Iomraidhean Croise

Gimpuunan 37:20

Abala kamu, matyun nita siya ag ilagpak sa usa ka bubun atay. Sabihun lang nita minatay siya maisug pag hayup. Bantayan nita nu ungud magkatutuu gid ngani kay manga tagin-up.”

Gimpuunan 42:21

Habang udwaya sida mag-ighit, magkun sida sa usa kag usa, “Magbayad yi kita taynguna sa kanta binwat sa kanta patar-ari. Nakitan nita kay kabuyatan katpung magpaawa-awa siya sa kanta, dapat unman nita siya kinaawaan. Nakan ngani inda kay dahilan nu hayga nagras-ug sa kanta inda pag manga kakurian.”

Gimpuunan 42:22

Magkun si Rubin, “Kabay pagsabihun yi niku sa kanyu kaybi danga niyu siya pag-unha? Dapat unman kamu nagpatingi sa kangku! Nakan taynguna pagsuktun yi kita sa kay pagkamatay.”

Gimpuunan 43:27

Kinamusta sida ni Husi. Bag-u nagpaingana diman siya, “Kamusta kanyu ama gurangun yi, kanyu pagsabihun sitay sa kangku? Buhi waya aw siya?”

Hub 23:15

Imaw ngani nakan nadala aku sa kanya. Nu magka-isip niku inda, subra gid kang kadalaan.

Hub 4:5

Dapat kainda kawu yi ti mag-agwanta sa kakurian, bilang kawu ti maglumuy ag magkaaburidu.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Markus 6:50

Nagkaradala gid sida igu nakitan siya. Dapat ay kadaka nagbagaw siya sa kanda magkun, “Pagmatutum kanyu naisipan, aku ngani inda. Danga kamu magkadala.”

Lukas 5:8

Pagka nakitan ni Simun Pidru ti nangyari, nagluhud siya sa atubangan ni Hisus ag magkun, “Pagpakarayu duy kawu Panginuun sa kangku ginan, dahil makasalanan aku.”

Binwat 7:13

Pagka sa ikadwa nida pagbalik ati sa Ihiptu, nagpakilala si Husi sa kay manga patar-ari bag-u naalaman yi waydi ni Paraun tungkul sa kan Husi manga ama manga patar-ari.

Binwat 9:5

Nagpaingana si Saulu, “Si unu kawu, Panginuun?” Bag-u may sinmagut sa kanya magkun, “Aku si Hisus kanmu pag-unuunuhun.

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.