Gimpuunan 45:21 - Hanunuu

²¹ Tinupad ngani inda manga anak ni Hakub. Ag angay sa sugu hari Ihiptu, pinakan-an ni Husi kalisa ag pinabalunan karan-unun kay manga patar-ari sa kanda maglakaw.

Gimpuunan 45:21 Iomraidhean Croise

Gimpuunan 45:19

“Sabiha diman sa kanda pagdara sida manga kalisa atay ginan sa Ihiptu para sakyan nida asawa hanggan anak sa kanda pag-ighit ataytag. Ag daraha nida ataytag kanda ama.

Gimpuunan 45:20

Danga yi sida maghinayang sa kanda matayak pag manga kasiyunan dahil ti mararinu pag manga bagay sa buu Ihiptu kanda yi.”

Gimpuunan 45:27

Dapat pagka itinultul nida sa kanya ti tanan sinabi ni Husi sa kanda, ag pagka nakitan niya ti ipinadara ni Husi pag manga kalisa para sa kay pag-atag sa Ihiptu, kadaka siya binmisug.

Gimpuunan 46:5

Ipinasakay si Hakub niya manga anak sa ipinadara hari Ihiptu pag kalisa hampay kay sakyan. Ipinasakay diman nida kanda manga asawa hanggan anak, bag-u ginminan sida sa Biirsiba.

2 Krunika 35:16

Pagka tida diman pag sirang, natapus ti tun-anun para sa Pista Pag-alaala sa Karibrihan idinaus para sa Panginuun, hanggan ti pagpakaun manga handug pagsunugun sa harandugan Panginuun, kay isinugu ni Hari Husyas.

2 Krunika 8:13

Tinupad niya ti sugu ni Muysis kuntay maghandug angay sa dapat ihandug sirang-sirang ag sa panahun Sirang Pamahari, sa Pista Lapus Lati, ag sa inda pag tulu ka pista pag-idaus timpu-timpu: ti Pista Tinapay Unman may Pamadaka, ti Pista Tig-arani, ag ti Pista Pagpatindug manga Payag.

Pag-ighit 17:1

Angay sa sugu Panginuun, nighit ti buu nasakupan Israil sa pangawakawaan Sin ag nagparargu sa paglakaw. Nagpasalyu-salyu sida rugar. Igu dugay, kinmampu sida sa Ripidim, dapat unman may danum mainum ati.

Manugtudlu 8:2

Sunda ti sugu hari dahil itinaratu nimu sa Diyus buwatun inda.

Karukuan 1:18

Magkun ti Hirusalim, “Matadlung ti Panginuun; dapat unman niku sinunud kay sugu. Kamu tanan pag nasakupan, pagpatingi kamu ag bantayi niyu kang kakurian. Binihag kang kalay-awan manga babayi ag lalaki.

Isikil 23:24

Man-gira sida sa kanmu ginan sa salatan kaibahan ti mayamu pag manga sundalu, manga kabayu, ag manga kalisa. May manga panangga sida ag manga kalu, ag palibutan kawu nida. Ipakaun niku kawu sa kanda hampay parusahan, ag parusahan kawu nida parusa angay sa kanda pamantay sa kanmu.

Bilang 3:16

Nakan binilang ngani sida ni Muysis, angay sa pag-isugu Panginuun sa kanya.