Gimpuunan 44:34 - Hanunuu

³⁴ Balaw duy aku mahimu muli nu unman niku siya kaibahan. Balaw duy niku maagwanta makitan ti daut mangyari sa kanmi ama.”

Gimpuunan 44:34 Iomraidhean Croise

Gimpuunan 44:33

Nakan Mahal pag Gubirnadur, aku yi lang duy ti patayak atay bilang kanmu suruguun sa halip siya, ag pasnui yi lang siya makauli kaibahan niya manga patar-ari.

Gimpuunan 45:1

Udyi maampara ni Husi kay sadili, nakan pinaluwas niya kay manga suruguun. Igu sida wadi ati, napakilala siya sa kay manga patar-ari.

2 Krunika 34:28

tugka buhi waya kawu, unman rumas-ug ti pagruris ipinadara niku sa inda pag rugar ag sa manga mag-uli sitay. Mamatay kawu sa mahusay.” Ag sinabi nida sa hari kay isinagut ni Hulda.

Istir 8:6

Balaw niku maagwanta makitan pagpapasun kang manga kalahi hanggan manga katawuhan.”

Hub 31:29

“Unman aku magkasulung katpung nipadamhak kang manga kalaban ngatay rinmas-ug sa kanda ti kakurian.

Kanta 116:3

Magkadala aku dahil magkaramdaman niku bilang ga madali yi aku mamatay; ti kamatayan bilang ga sa lubid magpasabud sa kangku. Nabung-anan gid aku ag nadala,

Kanta 119:143

Nagras-ug sa kangku ti kakurian ag kabuyatan, dapat kanmu manga sugu nagpakaun sa kangku kabayaan.

Pag-ighit 18:8

Itinultul ni Muysis sa kan Hitru ti tanan binwat Panginuun sa hari Ihiptu hanggan sa manga Ihipsiyu para sa manga Israilita. Itinultul diman niya ti tanan nida nalakawan pag kakurian sa kanda maglakaw ag nu kabitay sida irinibri Panginuun.