Gimpuunan 43:26 - Hanunuu

²⁶ Pagras-ug ni Husi, ipinakaun nida kanda manga pamakaun ag nagyuk-ub sida sa kay atubangan bilang paggalang.

Gimpuunan 43:26 Iomraidhean Croise

Gimpuunan 27:29

Mana pumasakup ag sumirbi sa kanmu ti mayamu manga tawu. Mana kawu ti humari sa kanmu manga katawuhan ag pumasakup sida sa kanmu. Mana ti magsaad sa kanmu, saadan diman, ag ti magpapalad sa kanmu, papaladan diman.”

Gimpuunan 33:3

Si Hakub sa kanda tanan unahan ag pitu ka ulit siya nagluhud habang magpakarani sa kay patar-ari.

Gimpuunan 42:6

Bilang gubirnadur Ihiptu, katungdanan ni Husi ti magpabili karan-unun sa tanan tawu. Nakan igu rinmas-ug kay manga patar-ari, nagyuk-ub sida sa kan Husi bilang paggalang sa kanya.

Gimpuunan 43:11

Magkun kanda ama, “Nu katida, pagdara kamu pinakamarinu pag kalakal atay ginan sa kanta rugar ag paulian sa kanyu sukadan para ipakaun sa gubirnadur Ihiptu: manga bulung, daykut, panlakay, pamanglu, hanggan manga burak pistasyu ag almindru.

Gimpuunan 43:28

Nagsagut sida, “Buhi waya duy si amang ag masulung di siya.” Bag-u nagyuk-ub maan sida sa kanya bilang paggalang.

Kanta 72:9

Mana kay manga kalaban mag-uli sa pangawakawaan pumasakup sa kanya.

Pag-ighit 18:7

Nakan sinulang ni Muysis kay manugang, yinmuk-ub siya ag nangaruk bilang paggalang sa kanya. Nangaramustahan sida bag-u sinmulud yi sa turda.

Ruma 14:11

Nisurat sa Banal Kasuratan magkun, “Aku, ti Panginuun buhi, pihu gid ti tanan tawu lumuhud sa kang atubangan ag dumayaw sa Diyus.”